1 KORINT 3:9 - DAÜLANGPÜ LAIHING (BSI)

⁹ Mehenangkü henjiyü chemi dou dükpü Kahvang chongphobü nyi; amphongü Kahvangei kah, Kahvangei shem.

1 KORINT 3:9 Referans Kwoze

1 PETER 2:5

amphongao yangnyuyem yaong keiha daülangpü ngongli vaihen hatü Jisu Khrista homei Kahvangi yah-aokbenüng laangha moila shuohhen nangkü am nyingi laangha shem vepü kü noteihütuh.

2 KORINT 6:1

Jen chemi büpa mü dou dükshingkü Kahvang phahji angkong kü neyahhen hami am kü enyeih.

1 KORINT 3:16

Amphongü Kahvangei phopshem, hatü Kahvang Laangha amphong kü nyunyeih shei nenyingnyu je?

MARK 16:20

Nanglomthü daiyei peü lemei hapa shahjangmei chongven, hatü Shembüpai jom mü chemi dou dük, hatü yashanyale douthü dükpai jomphongei shahjangü hingshangpü shei lekhüteke.

MATHI 9:37

Hahepak kü büpai nanglomthü kü, “Hah meandaiteke, shejao nanglak maani mon nyüke;

ISAIAH 61:11

Mehenangkü kahdoki sheili nyem phaathüpü kei, hatü pemongi halei sheili kohhüpü keiha, Shembüpa Kahvangi daülangshemshepü hatü dupü-oupü jatthü peü eeshi kohhühen.

1 KORINT 3:6

Ngei sheipeih, Apollos-i yung shihpeih, shejao Kahvangi longhüpeih.

KOLOSI 2:7

büpa kü tünglang yiüei hatü lingei leipü kü chonglingei am kü nyuhpü keiha menvih shuohpü kü changshishashi nyutuh.

EPHESIA 2:10

Mehenangkü jenphongü büpai mehe ling, ha hih, jeni dükhen shingvaishi Kahvangi yeihshi mebü Khrista kü doumei shingvaishi jen lingpeih.

1 KORINT 6:19

Nevaijü nüngei bümü Kahvang leipü dangpü nüng kü nyupü Laangha Daülangpülei phopshem, hatü nüngei bümü nüng lompü nevai shei nenyingnyu je?

PHONGSHANTHÜ DOU 4:11

Hapa Jisu-ü, ‘am shem vepüthüi yaktükpü yaong, shongnyü shemshouk yaong leiteke.’

3 JOHAN 1:8

Hanangkü jeni hakeipü shennyakthü kü sheühhen nyüke, shejüang jenü shahhing kü chemi chongphopü am leihen.

1 TIMOTI 3:15

Shejao ngei pheidaijema, Kahvangei shemong, mepa vanyangyem Kahvangei attoi kü shahhing shemnyü hatü chongnyiam nyüpa, hapa kü mekei shennyakthüi dükhen ha nyinghen vongbong.

ISAIAH 61:3

Mongtok mongshang kü Zionlei nyupüthü kü depla nangjei nethe meipü ong athen, mahng theppü nangjei mongongpü mainga, mongmahdaipü laangha nangjei dupü-oupü owhiai shuohhen shompeih. Jomphong keyü Shembüpai laophülei müknyinshekhang huhen shingvaishi büpai sheipü daülangshemshepü longkhampüthü shei nyükhen.

2 KORINT 6:16

Kahvang phopshem mü lajei melei shepshaihen? Mehenangkü jenphongü vanyangyem Kahvangei phopshem; Kahvangi ha eteke: “Ngei jom kü nyuhen hatü jom mü kamhen; ngei jomei Kahvang vaihen, hatü jomphongü ngelei nanglak vaihen.

JEREMIAH 2:21

Shejao peü mü meipü li shei yah-ei ngei amü peü mü meipü nyalingngupai kei sheiphongpeih. Shejema mekei etü am tenei phaü nyalingngupai leidaipa?

MENVIH KESHO 118:22

Shem vepüthüi yaktükpü yaong shongkaong yaong longpü leipeih.

MENVIH KESHO 72:16

Kahdok kü hahying changshi vamhütuh, kahshangthü kao sheili-i jümhütuh; haleipü betjük Lebanon kei leihütuh; hatü kahdok kü phenha longpükei chingnyüthü künanglak dahütuh.

HEBREW 3:6

Shejao Khristayü hapeü hük keiha Kahvangei shem am kü mong phenei shuohpeih, hatü jeni ha mong kü pongpü kü hatü jeni monglempü kü mong hah-ei wongshongi shümjema jenü büpalei shem.

MATHI 16:18

Hatü ngei nüng kü enyeih, nüngü Peter, hatü ha yaong shangkü ngei ngelei attoi linghen, hatü yimching peshadeni ha khüei neyaongaokpih.

ISAIAH 61:5

Yenpathüi ammei mithü hamhen, kung ammi ammei kah linghen, hatü nyalingngupai kah kü junghen.

ISAIAH 32:20

yungkung kü sheili sheipü hatü mohoh hatü gadu kü het ühshing changshi dangpü am meshük moihimanpüang.

KANDOK 9:1

Kihikoni pinnyülei shem veteke, hatü ha kü shemnyü nyet haongteke.

MATHI 15:13

Büpai jomphong kü, “Vangsho Opa-i nesheipü püthü peü bhitükhen.