1 KORINT 3:19 - DAÜLANGPÜ LAIHING (BSI)

¹⁹ Mehenangkü hapa kahdoknyü kihikonü Kahvang touei ngadou nyüke. Mehenangkü ha nyangei nyüke: “Büpai nahpüthü jomei glüp mü yeplangnyeih,”

1 KORINT 3:19 Referans Kwoze

JOB SHAHSHA APPÜ 5:13

hatü kon kohpüthü jomei glüp vüshihnyeih, hatü aokpü nedanghünyih.

MENVIH KESHO 141:10

Ngei mon yangtü nemeipüthüi jomei tai kü manhütuh.

ISAIAH 44:25

Ngei lak-ow veipüthü ngapa leitüknyeih, hatü phongyompüthüi tetpü ngashah leitüknyeih. Ngei nahpülangpüthülei kihikon yaktüknyeih, hatü ngashah yoishah leitüknyeih.

1 KORINT 2:6

Shejao hapa den kübü kihikon, nevaijü mahdaihen demtükpü vanglem lembüthülei kihikon nevaijao hami behethü mü kihikon shah enyeih.

2 SAMUEL 16:23

Hathü nyih kü Ahithopheli epü shahnyingü Kahvangei shah kei yahhamteke. Hanangkü David hatü Absalom nyipheni Ahithophelei shahnyingü vihyaki yah.

MÜLANGPÜ 18:11

Shaang, Shembüpayü lebü kahvangthü peü khongkü longpüpa shei ngei nyingteke; mehenangkü mechem Ijip ami Israel am kü naamei dükpa, büpai nanglakthü Ijip am lak kübü yangpeih” shei e,

2 SAMUEL 15:31

Mechem David kü, “Ahithophelao Absalom mü omshi nyükeja” shei eshuohpa, Davidi, “Oh Shembüpa, Ahithopheli epü shahnyingthü kemei ngashahyoishah leitükhütuh” shei phop.

2 SAMUEL 17:23

Mechem Ahithopheli büpai epü shahnying neyah-ang shei nyingpa, büpai laophülei gadu kü uotü shem yemei lei, hatü shem meishi jungei tuhphongtü büpa bakla kü phenei di. Büpalei mahng chepalei mahngchongei vü.

2 SAMUEL 17:14

Absalom hatü Israel shennyakthü kemei, “Ark am Hushai-i epeyü Ahithopheli epü mao meipüba khih” shei e. Shembüpai Absalom lomohhühen shingvaishi Ahithopheli epü shahnying meipeyü nejiüpükei leitük.

MÜLANGPÜ 1:10

Kei, jeni jom kü nemei-i dükshuohshah, hei nevaijema jom longi dahen hatü vehokpaoh vamjü jenei vepathü mü jom omtü jen khüei hokhen hatü jenei kahdok kübü nyaidaiphahen” shei eteke.

ESTHER 7:10

Hanangkü Mordekai jühen nangkü lingpü anshai pülüng shangei jomphongi Haman bakla kü bheanei jü. Hahepak kü ongpa mongshihpü meidai.

KANDOK 14:8

Kenhingpülei kihikonü laophü melei dainya, ha nyingnyüpeih, shejao ngapa khongkü ngapai pungei münyüpeih.

KANDOK 21:30

Shembüpa khüei neüaokhen mü kihikon, yao-aokpü, hatü küpjan meleiyao neshiü.

1 KORINT 4:6

Jeihinaü hatü nyahinaüthü, am nanglei vaihen nangkü ngei hapayü Apollos henji kü lapei epeih, shejüang ammi henji homei, “Laihingei nyangei nyupü kü nyeishi tedai” shei epü nyinghen; shejüang am üpaiyao hüki hük khüei nechangmeihen.

EPHESIA 4:14

Jen hajük kü hashih keiha shennyakthüi mih lueilemhen küpjan ten tempü kon kü yungmok kü phongteipükei nenyuhen hatü nyuhpüvenpü aplük pelük kü nepipohen khih.

JAKOB 3:15

Hapa keipü kihikonü shangphi leipü nepeinyih, shejao hayü kahdoknyülei, laangha neshiüpü hatü shepelei nyüke.