1 KORINT 3:18 - DAÜLANGPÜ LAIHING (BSI)

¹⁸ Am laophü nyingi telutelemhah. Hapa den kü amphong nahpeih shei deihjema, am nahpü am leihen shingvaishi ngapa leihen vongbong.

1 KORINT 3:18 Referans Kwoze

KANDOK 3:5

Nüngei mong kempai Shembüpa kü hinglemtuh, hatü nüngi nyinghahpü kü mongtenyang.

ISAIAH 5:21

Laophü nyingi nahnyüpeih, hatü kon kohnyüpeih shei deihpüthü onyükei!

GALATIA 6:3

Üami menüngao nevaipü kü lemhük vaipükei deihnya, laophü nyingi luhahnyüke.

JAKOB 1:22

Shejao amphongü dan mon dantü laophü nyingi luhahpü am nevai, shejao shah-i dou leiyei dükpü am leituh.

LUK SHAHSHA APPÜ 18:17

Hingmei, ngei am kü enyeih, üpai maanpü hashih keiha Kahvang ongching neyahhenshang, halei neshüaokpih” shei e.

MATHI 18:4

Hanangkü üpai ha naü kei nenteiaokei leihenshang vangsho ongching kü büpa longpü vaihen.

MARK 10:15

Hingmei ngei am kü enyeih, maanpü hashih hük kei leitü üami Kahvang ongching neyahhenshang, halei neshüaokpih” shei e,

JAKOB 1:26

Hanei ami laophü nyingi vaipü am shei deihjema, hatü laophülei yei neshümaokjema, büpa vaipeyü angsha, hatü laophü nying luhahnyüke.

TITUS 3:3

Mehenangkü jenao chemü ngapa, ven nedanpü, lawlüppü hatü yahhahhüpü hatü mongongmongle lemphülei aa vaishi nyuhampeih. Jenao ten dükpü, mükhakpü, jen kao jiühithahpü hatü jeni mih kü jiühitpü kü yangnyu nyuhampeih.

EPHESIA 5:6

Amphong üpa kao angsha shah-i telutelemhah; mehenangkü hathü douthü nangkü ven nedanpüthü touei Kahvang mongshihpü peinyüpeih.

1 KORINT 6:9

Ten dükpüthü Kahvang ongching nedangaokpih shei ammi nenyingpü je? Am telutelemhah! Iyjeiphailei, lajei khümpü, mükbongjuyung, baha büm yupüthü, bahai baha mü, nyühai nyüha mü mükbongjuyungpü,

1 KORINT 4:10

Khristalei men kü hamphongü ngapathü kei, shejao amphongü Khrista kü longi nahshi nyüke. Hamphongü wong nekoh, shejao amphongü wong kohshi nyüke! Amü dhüm kohshi, hamphongü dhüm neshiü.

JEREMIAH 8:8

Ammi mekei etü, “Ham nahshi nyüpeih, Shembüpalei shahkung ham mü nyüpeih” shei eaoknya? Shejao veituh, nyangbüthüi nejiüi nyangei shahshem leitükpeih.

KANDOK 26:12

Shennyak hüki laophü nyingi kon kohnyüpeih shei deihhahpü nüngi eela?

KANDOK 3:7

Nüngei müki eepü kü mon nyingpükei tedeih, Shembüpa nyemtuh, hatü mang kübü mong leptuh.

1 JOHAN 1:8

Jen nyingi ham mang neshiüpih shei ejema, jen nyingi luhahnyüke, hatü jen kü shahhing nenyu.

2 TIMOTI 3:13

Shejao nemeipü hatü mih kü vinei dükpüthü, mih kü lawlüppüthü nemeipü kübü nemeipüba leidaihen.

GALATIA 6:7

Am nyingi telutelemhah; üpaiyao Kahvang kü teyaü. Shennyak hüki mehe hai, ha-üng vetnyüpeih.

1 KORINT 15:33

Am telutelemhah: “Nemeipü küphüi nyingnyoi meipü mahtüknyeih.”

ROM SHAHSHA APPÜ 12:16

Hüki hük mü meiteishi nyutuh; am techangmei; phangpa kü nyupüthü mü küeijemtuh; nüngi laophü nyingi nahnyu kei tedeihhah.

ISAIAH 44:20

Büpai depla hahnyüke; büpalei dhennyong mongnyongi büpa lemnyong kü mülangnyüke, hatü büpa nyingi neyangaok-ü nevaijü “Ngelei lakdah lemei nopü lajeiyü Kahvang nevai, shahshem khih” shei nedeihnyu.

ROM SHAHSHA APPÜ 11:25

Hanangkü jeihinaü hatü nyahinaüthü, am meheshang, ha mü lenei am nahpeih shei nechangmeihen shingvaishi ammi hapa shahjo nenyingi nyemtenyu shei ngei deihnyüke. Israel am hanei kü mong vaanhen peipeyü denshing nevai, shejao Kung am peü mangpei thahshi mon.

LUK SHAHSHA APPÜ 21:8

Büpai e, “Am lemnyong kü nemühen lituh; mehenangkü longshi shing ngelei men kü, ‘Ngeiyü büpa hih’ hatü ‘Hepak ngoiteke’ shei eshi peikahen. Ammi jom phei tedai.”

KANDOK 5:7

Hanangkü shaang, ngelei hapeü, ngei epü bangtuh, hatü ngei epü shahthü kübü teyandai.

JEREMIAH 37:9

Shembüpai hapakei enyüke: “Babylon am nyokei leidaiphahen” shei eshi nüngi laophü nyingi telutelemhah; mehenangkü jom nyokei neleidaiphapih.

MATHI 13:22

Hüh chi kü vüpü sheiliyü ha hih; hanei ami hapa shah dannyüke, shejao kahdok yangnyu chudeih mongshang hatü mop vaüpai hapa shah lümtükhünyeih hatü betjük nejüki leidainyeih.

1 KORINT 3:17

Hanei ami Kahvangei phopshem mangtükjema, Kahvangi hapa shennyak mahtükhen. Mehenangkü Kahvangei phopshemü daülangpü, hatü amphongü hapa phopshem nyüke.