1 KORINT 3:16 - DAÜLANGPÜ LAIHING (BSI)

¹⁶ Amphongü Kahvangei phopshem, hatü Kahvang Laangha amphong kü nyunyeih shei nenyingnyu je?

1 KORINT 3:16 Referans Kwoze

1 KORINT 6:19

Nevaijü nüngei bümü Kahvang leipü dangpü nüng kü nyupü Laangha Daülangpülei phopshem, hatü nüngei bümü nüng lompü nevai shei nenyingnyu je?

EZEKIEL 36:27

Ngei am kü laangha ja hük shihphahen, hatü ngelei shahkungnyü kü mühühen, hatü ngelei vanglem noteihen kenhinghühen.

2 KORINT 6:16

Kahvang phopshem mü lajei melei shepshaihen? Mehenangkü jenphongü vanyangyem Kahvangei phopshem; Kahvangi ha eteke: “Ngei jom kü nyuhen hatü jom mü kamhen; ngei jomei Kahvang vaihen, hatü jomphongü ngelei nanglak vaihen.

ROM SHAHSHA APPÜ 8:11

Dipü kübü Jisu yangei leishihpü büpalei Laangha am kü nyujema, Khrista dipü kübü yangei leishihpü büpai am kü nyupü büpalei Laangha homei ammei phai yangnyu kü yangnyuyem shuohhen.

JOHAN 14:17

Hapayü shahhing Laangha. Kahdoknyüi büpa neyah-aok; mehenangkü kahdoknyüi büpa ne-eeaok nevaijü nenyingaok. Shejao ammi büpa nying; mehenangkü büpa am mü nyüke, hatü am kü nyukahen.

ROM SHAHSHA APPÜ 8:9

Shejao amphongü phai kü nenyu; Kahvang Laangha am kü nyupü nangkü amphongü Laangha kü nyüke. Üpa kü Khrista Laangha nenyu, büpayü Khristalei nevai.

1 PETER 2:5

amphongao yangnyuyem yaong keiha daülangpü ngongli vaihen hatü Jisu Khrista homei Kahvangi yah-aokbenüng laangha moila shuohhen nangkü am nyingi laangha shem vepü kü noteihütuh.

2 TIMOTI 1:14

Jen kü nyupü Laangha Daülangpai sheühpai nüng kü nangei tuhpü doumei yomtuh.

HEBREW 3:6

Shejao Khristayü hapeü hük keiha Kahvangei shem am kü mong phenei shuohpeih, hatü jeni ha mong kü pongpü kü hatü jeni monglempü kü mong hah-ei wongshongi shümjema jenü büpalei shem.

1 JOHAN 4:12

Üpaiyao Kahvang ne-ee; jen hüki hük mü bamteijema Kahvang jen kü nyunyeih, hatü büpa bampai jen kü changeishaei leihünyeih.

ROM SHAHSHA APPÜ 6:3

Jen üami Khrista Jisu kü baptük, büpa dipü kü baptükpeih shei ammi nenyingnyu je?

1 KORINT 9:24

Mokei dokteipü kü peüi mokei dokteinyeih, shejao hüki mon thintho dangnyeih shei ammi nenyingnyu je? Thintho danghen mü moktuh.

1 KORINT 9:13

Phopshemei chongphopüthüi phopshem leipü hahying dangnyeih, hatü moidülei chongphopüthüi moidülei moila shuohpü kübü phaihan dangnyeih shei ammi nenyingnyu je?

1 KORINT 6:9

Ten dükpüthü Kahvang ongching nedangaokpih shei ammi nenyingpü je? Am telutelemhah! Iyjeiphailei, lajei khümpü, mükbongjuyung, baha büm yupüthü, bahai baha mü, nyühai nyüha mü mükbongjuyungpü,

1 KORINT 6:16

Üpai büm yupü mü jemtei, pinnyü mü büm hük leinyeih shei ammi nenyingnyu je? Mehenangkü hapa eyei nyüke: “Nyiyü phai hük leihen.”

1 KORINT 5:6

Am changmeipeyü doumei nevai. Maanpü daw homei aan kemei paaidainyeih shei ammi nenyingnyu je?

JAKOB 4:4

Mükbongjuyungpüthü! Kahdoknyü mü mongjem pongpeyü Kahvang mü vepa shei ammi nenyingnyu je? Hanangkü üami kahdoknyülei küphü vaihünya Kahvangei vepa leidainyeih.

ROM SHAHSHA APPÜ 6:16

Ammi laophü nyingi henyi hük kü ven danpü aa shei lanei shuohjema, dipülei müpü mang, nevaijü daülangshemshepülei müpü ven danpülei aa shei ammi nenyingnyu je?

1 KORINT 3:9

Mehenangkü henjiyü chemi dou dükpü Kahvang chongphobü nyi; amphongü Kahvangei kah, Kahvangei shem.

1 KORINT 3:17

Hanei ami Kahvangei phopshem mangtükjema, Kahvangi hapa shennyak mahtükhen. Mehenangkü Kahvangei phopshemü daülangpü, hatü amphongü hapa phopshem nyüke.

1 TIMOTI 3:15

Shejao ngei pheidaijema, Kahvangei shemong, mepa vanyangyem Kahvangei attoi kü shahhing shemnyü hatü chongnyiam nyüpa, hapa kü mekei shennyakthüi dükhen ha nyinghen vongbong.