1 KORINT 3:13 - DAÜLANGPÜ LAIHING (BSI)

¹³ büpalei dou meheshang eedainyeih; mehenangkü Khristalei Nyih-i ha shakei vamhühen, hatü hapayü aw homei shakei vamhühen, hatü peüi mepa keipü dou dükpa aw homei dokhen.

1 KORINT 3:13 Referans Kwoze

1 PETER 1:7

Honü mahdaihen dou vaijao awi doknyüpeih. Am hinglempeyü hon mao nyeinya douvang vaipü nangkü mechem Jisu Khrista shakei vamhen, menvih, müknyinshekhang, hatü dhüm kohshi eehen shingvaishi kentuh.

SHAKEI VAMPÜ 20:12

Hatü ngei dipüthü longpü maanpü peü ong uoshing touei yaongshi ee, hatü laithü apteke. Shao lebü lai hük, yangnyu laitap apteke, hatü dipüthü peü lailei nyangei nyupü jomei dou aimü shahphenteke.

1 KORINT 4:5

Hanangkü ittükpü hepak mangngoi shekü shah tephen. Shembüpa yiüküpü dantuh. Büpai vangnyakei joshi nyupü vangngailei ngaikahen, hatü hangkulei mongdangei deihpü shakei ngaikahen. Hahepak kü peüi Kahvang leipü dupü-oupü danghen.

1 PETER 4:12

Bampü küphüthü, am kü shaang ngangahük kü lemhük vamnyukei am kü dokpü homei ponghahpü kü thamaei tedeih.

2 PETER 3:10

Shejao Shembüpalei nyih gühpa hük leshi peikahen, hatü hapheikü vangshothü ngeü longpü mü peihdaihen, hatü vangsho leipü douthü kemei awi hahtükhen, hatü kahdoknyü hatü haleipü lemphü shamtükhen.

ZEKHARIAH 13:9

Hatü ngei ha shing hük aopai aw kü shukhen, hatü hon hi ngin daüpükei daütükhen. Jomi ngelei men kü nyükhen, hatü ngei jom kü janghen. “Jomü ngelei nanglakthü” shei ngei ehen, “Shembüpayü hamei Kahvang” shei jomi ehen.

ROM SHAHSHA APPÜ 2:16

Hapayü ngei venpü shahjangmei aimü Jisu Khrista homei Kahvangi joshi deihpü peü shahphenpü nyih nyukahen.

2 TIMOTI 1:18

Hapa nyih kü büpai SHEMBÜPAleipü phahji danghen mü Shembüpai büpa kü nyemyahshuohma! Ephesialei büpai meshük dou dükpa nüngi meishi nyingei nyüke.

1 KORINT 1:8

Jisu Khristalei nyih kü am kawhikang neshiüi nyuhen shingvaishi büpai am dohpü ngoishi wong kohhühen.

MALAKI 3:17

“Jomü ngelei nanglakthü, hatü hapa nyih jomü ngelei thushong dounyü vaihen, hatü pa hüki laophü chongphopü hapeü yangpükei ngei jom yanghen” shei Shembüpa Kahvangi enyüke.

ROM SHAHSHA APPÜ 2:5

Shejao mechem Kahvangei shahhing shahphenpü shakei vamhen, vaanpü hatü mong neleppü mongdangi mongshihpü nyih shingvaishi ammi laophü shing mongshih jaoei tuhhahnyüke.

LUK SHAHSHA APPÜ 2:35

shejüang longshi shingi mongei deihpü shakei vamhühen, hatü ammei mongdang kü aokpü yanlui kei vethen” shei e.

2 TIMOTI 3:9

Shejao jom ahshi daei nedaiküpih; mehenangkü hapa shennyak nyi keiha jomei ngadou peüi nyingdaikemhen.

JEREMIAH 23:29

Ngelei shah-ü aw nevaijü yaong khih mü nihtükpü kaoklak neleang je? shei Shembüpai enyüke.

ISAIAH 28:17

Ngei shahhingü shetpü vü leihühen, hatü daülangshemshepeyü shetpü lüng leihühen. Shü vüpai ammei loishing shahshemü maoei shanlanghen, hatü ammei shojo chingü yungi bhümlanghen.

ISAIAH 8:20

Shahkungnyü vaijao, denpü vaijao jomi hapa shah keiha ne-ejema, jom kü vangngai neshiü.

JEREMIAH 23:28

Mangh manghpü thibüthüi mangh etuh, shejao üpa kü ngelei shah nyu, hingshangi ha etuh. Hah mü hahtang melei shetteiaokhen? shei Shembüpai enyüke.

MALAKI 3:2

Shejao büpa yiüpü nyih kü üpai munenaokhen, hatü büpa peishingkü üpa yaongaokhen? Mehenangkü büpayü nyiam oukbülei aw kei, hatü ashak dhobülei sapon kei nyukahen.

MATHI 10:15

Hingmei ngei am kü enyeih, shahphenpü nyih kü hapa ching nevaijü jila leimeyü Sodom hatü Gomorrah am kü-üng nyeinya phahji huhen.

MATHI 16:27

“Mehenangkü Shennyak Ha vangsho phongshanthü mü Palei müknyinshekhang kü yiühen, hatü büpai shennyak peü kü laophüi dükpü shangshi laklei shuohhen.

1 KORINT 3:12

Hanei ami hapa chongnyiam shangkü hon, ngin, douvang yaong, pü, thüng hatü hahtang yah-ei vejema,

2 TIMOTI 1:12

hatü ha tata kü ngei shangpongnyeih. Hei shejao ngei neveünyih; mehenangkü ngei üpa kü hinglem, ha ngei nying, hatü hapa nyih shingvaishi ngei mehe büpa kü nangei tuhphong, büpai ha yomaokhen shei ngei monglempü nyüpeih.

2 TIMOTI 4:8

Shaang mü leitü ngei shingvaishi daülangshemshepü ong athen hük shahhing shahphenpü Shembüpai hapa nyih ngei kü shuohhen temei nyüke, hatü hayü ngei kü mon nevai, shejao büpa yiükahen ongyangei danpüthü peü kü shuohhen.

HEBREW 10:25

Jeni chemi thaiteipü netuhphonghen khih; hanei amü yemya vaishi hapakei düknyüke– hatü nyeinya vaishi Nyih ngoikünyüke shei ammi eenyüke.

2 PETER 3:7

Shejao hapa aihük shah-i shaangpü vangsho hatü kahdoknyü mahtükhen shahphenpü nyih mangngoi thahshi Kahvang nenyingpüthü aw kü jakhen tuh-ei nyüke.