1 KORINT 3:12 - DAÜLANGPÜ LAIHING (BSI)

¹² Hanei ami hapa chongnyiam shangkü hon, ngin, douvang yaong, pü, thüng hatü hahtang yah-ei vejema,

1 KORINT 3:12 Referans Kwoze

2 TIMOTI 4:3

Mehenangkü shennyakthüi nyuhpü venpü meipü kü nebanghen hepak hük peikahen, shejao jomi lümpü kü jiüshi ejahen, hatü jomei dhaongi banghahhüpü aimü ejahen nangkü jom shinei nyuhbüthü longi thaihahhen,

2 TIMOTI 3:7

Ha nyühathüi düngei dannyüke, shejao shahhing nyingpü touei nepeinyu.

2 TIMOTI 2:20

Shem longpü hükei dükhi-üm hon hatü ngini lingpü mon nevai, shejao pü hatü ashemi lingpao nyunyeih; haneiyü hayaoha hepak kü noteihen; haneiyü heüheü kü noteihen nyunyeih.

SHAKEI VAMPÜ 21:18

Hapa penyü bhamü jasper yah-ei ling, shejao chingnyü-ü daülangpü honi aina kei daülangi ling.

SHAKEI VAMPÜ 3:18

Hanangkü am shemmei leihen, hatü veübenüng ammei bümkong eelangmangkü ha banghen ashak shola ümhen, hatü ammei mük eehen nangkü meli shakhen aw kü jakei daütükpü hon shakhahtuh shei enyeih.

1 PETER 1:7

Honü mahdaihen dou vaijao awi doknyüpeih. Am hinglempeyü hon mao nyeinya douvang vaipü nangkü mechem Jisu Khrista shakei vamhen, menvih, müknyinshekhang, hatü dhüm kohshi eehen shingvaishi kentuh.

MENVIH KESHO 119:72

Ngei keyü hon hi ngin haja leimao nüngei ju kübü shah-üng meipü khih.

MENVIH KESHO 19:10

Hathüyü longi daülangpü hon mao douvang, hatü nyahdük leipü nyahjiü mao vüngnyangpüba.

SHAKEI VAMPÜ 2:14

Shejao ngei am khüei dou hanei nyüpeih: Israel ami lajeithü kü moilapü hahying hah-ei moila shuohhühen hatü iyjeiphaileihühen shingvaishi Balak kü Balaami nyuhshuohpü nyuhpüvenpü kü shoungshi am hanei nyüke.

HEBREW 13:9

Baong nedangpü nyuhpüvenpü lemphü homei am nyongei temühü; mehenangkü Kahvang phahji-i wong kohhühenü mongdang shingvaishi meipeih, hatü hapayü hahying nangkü shahkung bangpai nevai; hathü shahkung bangpai meheyao nanglei nedangpih.

2 TIMOTI 3:13

Shejao nemeipü hatü mih kü vinei dükpüthü, mih kü lawlüppüthü nemeipü kübü nemeipüba leidaihen.

1 TIMOTI 6:3

Jenei Shembüpa Jisu Khristalei meipü shahthü hatü Kahvang nyingpü lem kü nyuhpüvenpü kü nejiüi lemhük kei üami nyuhnya,

KOLOSI 2:8

Üpaiyao amphong Khrista leipü nevaipü kü yahlak neshiüpü aivang büshah kübü eyei peipü hangkulei kihikon shah hatü kahdoknyü kü vanglem lempü laanghathüi am aa leihüei müei nedaihen lituh.

2 KORINT 2:17

Lebüthü kei hami Kahvangei shah ham nanglei shingvaishi bhei yoshi neyunyih; shejao Khrista kü hamphongi shüeinyiükei, Kahvang leipü shompü shennyakthü kei büpa touei yaongshi enyeih.

ROM SHAHSHA APPÜ 16:17

Jeihinaü hatü nyahinaüthü, ammi danpü nyuhpüvenpü khüei neshetnephen dehilao hatü huluh shuohpü vamhüpüthü kü mükhingshi veituh shei ngei am kü enyeih; hathü kübü yanei nyutuh.

PHONGSHANTHÜ DOU 20:30

Haneiyü amphong khong kübü-üng shahhing nyongnyongi lingtü jom phei mühen nanglak yawhhahnüng vamkahen.

JEREMIAH 23:28

Mangh manghpü thibüthüi mangh etuh, shejao üpa kü ngelei shah nyu, hingshangi ha etuh. Hah mü hahtang melei shetteiaokhen? shei Shembüpai enyüke.

ISAIAH 60:17

Melangnyiam nangjei ngei hon leikahen, nyiam nangjei ngin, Pü nangjei melangnyiam, yaong nangjei nyiam leikahen. Chingmeivangmeiyü am veibü, hatü daülangshemshepeyü ammei shembü vaishi ngei jehen.

KANDOK 30:6

Nüngi büpalei shah kü hükao te-ü, Hei nevaijema büpai nüng kü lohhen, hatü nüngü shahshem ebü leihen.

KANDOK 16:16

Hon mao kihikon danghen-üng mekei meipa! Ngin mao nyingpühingpü yahhen mekei meipa!

KANDOK 8:10

Ngin leimao ngei nyuhpü yahhahtuh; meipü hon leimao ngelei nyingpühingpü yahhahtuh;

2 KORINT 4:2

Hami veübenüng douthü hatü jopü douthü yaktüktih; hami ühingnakai nedüknyih, nevaijü Kahvangei shah shahshem neleihünyih; shejao shahhing ngaiheyei epai ham nyingi peülei mongdeih kü Kahvang touei menvih shuohnyeih.

1 KORINT 3:11

Mehenangkü lingtükpü chongnyiam, Jisu Khrista mü lenei üpaiyao lebü chongnyiam linghen neaok.

1 KORINT 3:13

büpalei dou meheshang eedainyeih; mehenangkü Khristalei Nyih-i ha shakei vamhühen, hatü hapayü aw homei shakei vamhühen, hatü peüi mepa keipü dou dükpa aw homei dokhen.

MÜLANGPÜ 5:12

Hanangkü Ijip kahdok peü kü nanglakthüi itayaong oukhen hahtang yemei yanteke.