1 KORINT 3:10 - DAÜLANGPÜ LAIHING (BSI)

¹⁰ Kahvangi ngei kü shuohpü phahji aimü lahhinpü shem vebü keiha ngei chongnyiam lingtepih, hatü ha shangkü hanei ami venyüke. Shejao shem vebü peüi hapa shangkü mekei venya kenhinghen vongbong.

1 KORINT 3:10 Referans Kwoze

1 KORINT 3:11

Mehenangkü lingtükpü chongnyiam, Jisu Khrista mü lenei üpaiyao lebü chongnyiam linghen neaok.

EPHESIA 2:20

Amphongü phongshanthü hatü thihivamthü chongnyiam shangkü lingpeih; Khrista Jisu büpa nyingi shemshouk kübü shongnyü yaong leipeih.

ROM SHAHSHA APPÜ 15:20

Hanei ami lingpü chongnyiam kü ngei nevehen shingvaishi Khrista jung mechemao mangdanpü am touei shahjangmei chongvenhen düngei ngelei mongdeih nyuhampeih.

DANIEL 12:3

Kenhingpüthü vangsho nyangnyangpükei nyahen hatü üami mih longi daülangshemshepü touei müei lei, hathüyü denden kü lithathü kei nyaahen.

MATHI 24:45

Shejema hingmeipü hatü kon kohpü chongphobü üpaang? Büpayü shembüi laophülei shem leipü lebü chongphobüthü shak kü hepak jiüshi hahying hanei shuohhen shembü shaei tuhpüba hih.

SHAKEI VAMPÜ 21:19

Hapa chingnyü penyü bham chongnyiamü douvang yaong yah-ei ling; shongpü kü jasper, nyipabü kü sapphir, jempabü kü agate, alipabü kü emerald,

1 KORINT 9:2

Ngei mih touei phongshan nevaijao ngeiyü ammei phongshan hih; mehenangkü amphongü Shembüpa kü ngei phongshan vaipü füoshang.

MATHI 7:24

Hanangkü üami ngelei hathü shah bangei düknya, hathüyü kon kohpü shennyak hük yaong shangkü laophülei shem vepü hük leshi nyüke.

1 PETER 4:11

Üpai chongvennya, Kahvang shah kü epükei chongventuh. Üpai chongphonya, Kahvangi shuohpü wongi chongphotuh; shejüang doulem peü kü Jisu Khrista homei Kahvang müknyinshekhanghen. Büpa kü müknyinshekhang hatü ngan den den kü lompü vaihütuh. Amen.

2 TIMOTI 2:15

Kahvangi yah-aokpü shennyak keiha büpa kü nüngi shuoh-aokhen shingvaishi nüng kü nyupü meipübai düktuh; Kahvangei shahhing shah jiüshi nyuhpüvenpü shennyaki veühen napü neshiü.

KOLOSI 4:17

hatü Arkhippas kü, “Shembüpa kü nüngi dangpü dousho temhen kentuh” shei eyeishuoh.

ROM SHAHSHA APPÜ 12:3

Mehenangkü ammi deihhen jiüpü mü nyeishi laophü nyingi longi shaoshi tedeih shei ngei kü shuohpü phahji homei ngei am peü kü enyeih, shejao Kahvangi shuohpü hinglempü kü shettü ha aimü jiüshangpü shahphen yahhen deih-ei dangtuh.

ROM SHAHSHA APPÜ 1:5

büpalei men kü Kung am peü hinglempai ven danpü touei mühen shingvaishi büpa homei jeni phahji hatü phongshan vaihen dangteke,

PHONGSHANTHÜ DOU 18:27

Mechem Apollos Akhaia lemei heihhüei deihpa, jeihinaüthüi büpa kü mongnang thongteke, hatü vaipüthü kü büpa mongongshi yahhen lai nyangteke. Büpa ngoiyei phahji homei vaipüthü kü longi sheüh.

LUK SHAHSHA APPÜ 11:35

Hanangkü vangngaiyü shangmang leidaimangkü nüng kenhingtuh.

CHONGVENBÜ 12:9

Shejao Chongvenbüi monha kon kohpü nevai, büpai nanglakthü kü kihikon nyuhnyüke. Büpai kandok shahthü longi yemei dangei hapalei shahhing dokei veiteke.

JAKOB 3:1

Ngelei jeihinaü nyahinaüthü, amphong longshi shing nyuhbüthü neleihen vongbong; mehenangkü jen üami nyuhnya hathü kü nyeishi wong mü shahphenhen.

1 TIMOTI 4:16

Nüngi laophülei yangnyu, hatü nüngi nyuhpüvenpü kü kenhingtuh. Hathü dou nedoh-i düktuh; mehenangkü nüngi hathü dükjema, nüng hatü nüngi epü bangpüthü nyiphen yanghen.

KOLOSI 1:29

Hapa shingvaishi büpai ngei kü shuohpü wong kemei ngei hokeiheiyei dou düknyüpeih.

ROM SHAHSHA APPÜ 15:15

Shejoongpa shahlem hanei nangkü ammi deihhen shingvaishi ngei am kü wong kohshi nyangteke; mehenangkü hayü Kahvangi ngei kü,

LUK SHAHSHA APPÜ 21:8

Büpai e, “Am lemnyong kü nemühen lituh; mehenangkü longshi shing ngelei men kü, ‘Ngeiyü büpa hih’ hatü ‘Hepak ngoiteke’ shei eshi peikahen. Ammi jom phei tedai.”

ZEKHARIAH 4:9

Zerubbabelei laki hapa phopshem chongnyiam yaong haüteke; büpalei laki-üng hapa dou temhen. Hahepak kü am touei Shembüpai ngei shompü khih shei ammi nyinghen.

2 SHÜPPÜKENGPÜ 2:12

Shao Hirami, “Kahdok vangsho lingpü, David kü kon kohpü, yao-aokpü hatü danaokpü koni maei Shembüpa kü phopshem hük vehen hatü laophü shing ongshem vehen nangkü hapeü shuohpü Shembüpa, Israel Kahvangei men longtuh” shei e.

SHAKEI VAMPÜ 21:14

Hatü chingnyü penyü kü chongnyiam anpünyi nyu, hatü hathü ieyei kü Mi Chehalei phongshan anpünyilei men anpünyi nyu.

2 KORINT 10:15

Mih-i düktükpü dou kü hami jiüpü mü lenei nechangmeinyih; shejao hami monglempeyü am vaipü kü dashingkü am touei hami dou dükpü nyeinya longhen,

KANDOK 9:1

Kihikoni pinnyülei shem veteke, hatü ha kü shemnyü nyet haongteke.

1 THESALONIKA 3:2

Hanangkü hapa shüveidoidei homei üpayao nejenlenhen shingvaishi Khristalei shahjangmei baongpü kü chemi Kahvang chongphopü Timoti, hamei jeihinaü am vaipü kü wong kohhühen hatü mongnang thonghen shingvaishi shompeih.

2 PETER 3:15

hatü jenei Shembüpa nenteiaokpü lappeyü yemleipü shei deihtuh. Hapa keiha jenei jeihinaü Pauli büpa kü Kahvangi yahshuohpü kihikon aimü am kü nyangteke.

MÜLANGPÜ 36:4

Hanangkü shem vepü mistrithüi dou tuhphongtü,

KANDOK 12:8

Laophülei kihikon aimü shennyak hük kü vihnyüpeih, shejao sholi neshiüpüthüyü ne-ienelemi yakphongnyeih.