1 KORINT 2:9 - DAÜLANGPÜ LAIHING (BSI)

⁹ Shejao nyangei nyupükei, “Kahvangi büpai bampüthü kü mehe temei nyu, hayü mepa mükiyao ne-ee, mepa dhaongiyao nedan, nevaijü üpa hangkulei mongdang kao deih-ei nele.”

1 KORINT 2:9 Referans Kwoze

ISAIAH 64:4

Nüng kü hinglemei omdanpüthü kü nüngi dükpü keiha mepa kahvangiyao dükpü jung, üpalei dhaongiyao mangdan, hatü üpalei mükiyao mang-ee.

MENVIH KESHO 31:19

Nüng kü nyempüthü shing nüngi jaoei tuhpü meipü, hatü nüng kü loipüthü kü nüngi shuohpü doumeithü meshük thamapüang?

JAKOB 1:12

Dokpü peishingkü üpai hinglemei nyu, büpa moihiman. Hapa keipü dokpü kü aokpü shennyak kü Shembüpai büpa kü bampüthü kü shuohhen lahpü yangnyu athen shuohhen.

ROM SHAHSHA APPÜ 8:28

Mehenangkü üami Kahvang kü bam, hatü büpalei mükhong aimü nyük, hathü shingvaishi dou peü mei shingvaishi chemi düknyeih shei jeni nyingnyüke.

JAKOB 2:5

Ngei bampü jeihinaü nyahinaüthü, bangtuh. Kahvangi kahdoknyü kü taopathü hinglempü kü shemmei vaihen, hatü büpa kü bampüthü kü büpai lahpü ongching mükjüp vaihühen nejeangpü je?

ISAIAH 65:17

Veituh, ngei vangsho ja hatü kahdoknyü ja hük linghen. Peihdaipü douthü deih-ei nedanghen, nevaijü hathü mongkü leyei nepeiküpih.

HEBREW 11:16

Shejao jomi meipü kahmük ongyang, lappai, vangsho amei kahmük. Hanangkü Kahvangü jomei Kahvang shei nyükhen kü veüei nedeih; mehenangkü büpai jom shing chingnyü hük temshuohteke.

MATHI 25:34

Hahepak kü ongpai büpalei lakdah philei nyupüthü kü, “Peikei, amphong Opai moihimanpüthü, kahdoknyü chongnyiam lingshingkü am shing tempü ongching mükjüp yahtuh;

1 JOHAN 4:19

Büpai shongei jen kü bampü nangkü jeni büpa kü bamnyeih.

JOHAN 3:16

Mehenangkü Kahvangi kahdoknyü kü longi bampü nangkü büpai laophülei Halom shuoh; üami büpa kü hinglem nemahhen, shejao düngeipü yangnyuyem danghen.

1 PETER 1:12

Thihivamthüi jom shing chongphonyu nevai, shejao vangsho leipü shompü Laangha Daülangpai am kü shahjangmei chongvenpü ami am kü shaang ephopü douthü jung epai jomi am chongphoteke. Hathü dou vangsho phongshanthüi dangkao veihen ongyangnyüke.

MATHI 20:23

Jisui jomphong kü, “Amphongi ngelei yungshong kübü yingaokhen, shejao ngelei laknyong lakdah kü uohenü ngei shuohhen nevai, shejao hapayü Opai-i üam shing tem, hathü shing vaikahen” shei e.