1 KORINT 2:14 - DAÜLANGPÜ LAIHING (BSI)

¹⁴ Üam kü Laangha nenyu, Kahvang leipü Laangha thinthothü danghen neaok; mehenangkü hathüyü jom shingvaishi ngadou, hatü hathü jung jomi nenyingaokpih; mehenangkü jomphongü meheshang laangha kü nyingdaiteke.

1 KORINT 2:14 Referans Kwoze

1 KORINT 1:18

Mehenangkü shophang jung shahjangmeiyü mah-ei nyupüthü shingvaishi ngashah, shejao jen yangei nyupüthü shingvaishi hapayü Kahvangei ngan nyüke.

1 JOHAN 2:27

Am nang keyü ammi büpa leipü thiteiphupü dangpü ha am kü nyüke, hanangkü am kü nyuhhen üpayao nadang neshiü. Shejao büpai thiteiphupai dou peü am kü nyuhnyüke, hatü hayü shahhing, shahshem nevai, hatü am kü nyuhpükei shahhing nyüke; ammi büpa kü nyutuh.

1 KORINT 15:46

Shejao shongpü kü laangha nevai, shejao büm nyüke, hapheikü laangha nyüke.

JUD SHAHSHA APPÜ 1:19

Hapayü Laangha neshiüpü kahdoknyü shennyakthüi hanteipanteipü vamhünyüke.

JAKOB 3:15

Hapa keipü kihikonü shangphi leipü nepeinyih, shejao hayü kahdoknyülei, laangha neshiüpü hatü shepelei nyüke.

1 JOHAN 2:20

Shejao amphongü Laangha Daülangpai thiteiphuteke, hatü am peüi shahhing nyingei nyüke.

1 KORINT 15:44

Hapayü phai büm kü hainyeih, laangha büm kü yangei leinyeih. Phai büm nyujema, laangha bümao nyüke.

1 KORINT 2:12

Shaang jenphongü kahdoknyü laangha neyah, shejao Kahvangi jen kü shuohpü thinthothü nyinghen Kahvang leipü Laangha yahpeih.

KANDOK 14:6

Nebahnevaipüthüi angsha kü kihikon yemnyüpeih, shejao danaokpü am shingvaishi nyingpühingpü yoshi dangnyeih.

JOHAN 12:37

Büpai jom touei nyangeihepü longi dükjao jomi büpa kü hingnelem.

JOHAN 5:44

Üpa mon Kahvang nyu, ammi büpa leipü peipü müknyinshekhang neyemi am hüki hük leipü dupü-oupü yemyaki mekei etü am hinglemhen?

MATHI 16:23

Shejao büpai yaakei leiyei Peter kü, “Ngei toueipü lüdaituh, Satan! Nüngü ngei kü huluh yaong khih; mehenangkü nüngei mongei Kahvangei mongdeih nevai, shennyakei mongdeih nyüke” shei e.

JOHAN 14:26

Shejao Sheühbü, Laangha Daülangpü, üpa ngelei men kü Opa-i shomhen, büpai am kü lemphü nyuhphahen, hatü ngei am kü epü peü deih-ei lehühen.

PHONGSHANTHÜ DOU 16:14

Nyüha hük Lydia shei mentü nyu; pinnyü-ü Kahvang kü khümpü shennyak hük hamphongi epü kü bangei nyuküpeih. Pinnyü-ü Thiatira am hatü manghmepü ashak yuteipü shennyak nyuteke. Pauli epü kü mong shuoh-ei banghen Shembüpai pinnyülei mongsha apteke.

JOHAN 8:43

Ngei epü ammi mehekei nedannya? Hayü ammi ngelei shah neyahpü nangkü hih.

1 KORINT 1:23

shejao hami Khrista shophang kü appü jung chongvenpeyü Jehoda am shing huluh yaong, hatü Kung am shing ngashah leidaiteke,

1 JOHAN 5:20

Jeni büpayü shahhing shei nyinghen shingvaishi Kahvang Ha peiyei jen kü danaokpü shuohpeih shei jeni nyingnyüke. Jenphongü üpa shahhing büpa kü nyüke– hapayü büpalei Ha Jisu Khrista. Büpayü hingshangpü Kahvang hatü yangnyuyem.

PHONGSHANTHÜ DOU 25:19

Shejao jomi büpa mü jomei vaipü vanglem hatü Jisu shei menpü shennyak dipü kübü yangei leipeih shei epü nangkü shah nethahteipü hük nyüke.

JOHAN 15:26

Ngei am kü Opa leipü shompü Sheühbü mechem peikahen, Opa leipü peipü shahhing Laanghai ngei nangkü denpü shuohhen.

PHONGSHANTHÜ DOU 18:15

shejao hapayü shah hatü men hatü ammei shahkung nangkü shah dakteipü vaipü nangkü am nyingi ehahtuh; ngei henüng nangkü shahphenbü nevaipih” shei e.

PHONGSHANTHÜ DOU 17:32

Mechem jomi dipü kübü yangei leipü jung danpa, hanei ami nyienteke, shejao lebüthüi, “Hami shao-üng hapa jung banghen hih” shei e.

JOHAN 10:20

Longshi shingi, “Büpa kü kahshih nyüke hatü ngadainyu khih. Mehekei büpai epü bangnya?” shei e.

PHONGSHANTHÜ DOU 17:18

Shao Epikurean hatü Stoik vaipü vanglem kü nyingpühingpüthüi büpa mü shah doktei. Hanei ami, “Hapa shahvang ahpai mehe ehünyuja” shei e. Lebüthüi, “Büpayü mih Kung amei Kahvang jung baongbü khih” shei e. (Hayü büpai Jisu jung shahjang meipü hatü yangei leipü jung epü nangkü nyuteke.)

JOHAN 14:17

Hapayü shahhing Laangha. Kahdoknyüi büpa neyah-aok; mehenangkü kahdoknyüi büpa ne-eeaok nevaijü nenyingaok. Shejao ammi büpa nying; mehenangkü büpa am mü nyüke, hatü am kü nyukahen.

1 KORINT 1:21

Mehenangkü Kahvangei kihikonü kahdoknyüi laophülei kihikon homei Kahvang nenyingpü nangkü, ngapükei chongvenpai hinglempüthü yanghen Kahvangi temtükpü nyuteke.

1 KORINT 1:25

Mehenangkü Kahvang ngapeyü shennyakei kihikon mü nahpüba, hatü Kahvang wong nekohpeyü hangkulei wong mü wong kohpüba.

1 KORINT 3:1

Hanangkü jeihinaü hatü nyahinaüthü, ngei am kü laangha shennyakthü kü kei nevai, shejao phai shennyakthü, Khrista kü aküngnaühathü kü kei enyeih.