1 KORINT 16:13 - DAÜLANGPÜ LAIHING (BSI)

¹³ Thashimashi nyutuh, vaipü kü wong kohshi yaongtuh, am monglongtuh hatü wong kohtuh.

1 KORINT 16:13 Referans Kwoze

JOSHUA 1:9

Nüng wongkoh monglonghen shingvaishi ngei nüng kü etepih. Nüng tenyem nevaijü mong temaan; mehenangkü Shembüpa, nüngei Kahvang nüng dailem peü kü nyukahen.”

EPHESIA 6:10

Shompülei, Shembüpa kü hatü büpalei ngan kü wong kohtuh.

1 KORINT 15:58

Hanangkü ngei bampü jeihinaüthü, wongshongi yaongtuh, nejenleni nyutuh, düngei Shembüpalei dou kü chah-ei meihütuh; mehenangkü Shembüpa kü am nyiueinangtükpü angsha nevaidaipih.

GALATIA 5:1

Mehenangkü bümei shingvaishi Khristai jen bümei leihüpeih. Hanangkü wong kohshi yaongtuh, hatü aalei pang kü shao tepaai.

MENVIH KESHO 27:14

Shembüpa omdantuh, wong kohtuh, monglongtuh, Shembüpa omdantuh.

PHILIPPI 4:13

Ngei wong kohhüpüba homei ngei dou peü dükaokhen.

2 THESALONIKA 2:15

Hanangkü jeihinaü nyahinaüthü, ju kübü vamei epü shah vaijao lai mü nyangpü vaijao hami am kü nyuhpü nyuhpüvenpü kü wongshongi yaongtuh hatü shoungtuh.

PHILIPPI 1:27

Khristalei shahjangmei-i napükei ammei yangnyu dei-aei nyutuh; ngei peiyei am mü pongjao nevaijü ngei nepeijao am jung danhen, shejüang amphong laangha hük kü mong hük leiyei shahjang meipü kü hinglemei wong kohshi yaongnyüke shei ngei nyinghen,

1 PETER 5:8

Am nyingi ungei-aeituh, thaeimaei nyutuh. Ngüngei nyupü mailang keiha ammei vepa Kahshih am shonei hanei am lühnüng longteinyüke.

PHILIPPI 4:1

Hanangkü ngei bampü hatü ongyangpü ngelei jeihinaü hatü nyahinaüthü, ngelei mongong hatü ngelei athen, Shembüpa kü hapakei wongshongi yaongtuh, ngei bampüthü.

ISAIAH 35:4

Nyempüvüngpai mapü mongdangthü kü, “Wong kohtuh, tenyem, ammei Kahvang peikahen, nyemshi bhüh yemhen büpa yiükahen, büpai am yanghen yiükahen” shei etuh.

1 THESALONIKA 3:8

Ammi Shembüpa kü wongshongi yaongjema, ham shaang yemmü nyüke.

2 TIMOTI 4:7

Ngei vehok meipü hoktepih, ngei mokpü lemsho laitepih, ngei hinglemei nyutepih.

2 SAMUEL 10:12

Am wong kohtuh, hatü jenei nanglak hatü jenei Kahvangei chingnyüthü shingvaishi monglongshi hokshah; Shembüpai mehe büpa kü mei, ha dükphahen” shei e.

2 KORINT 1:24

Hapayü hami am hinglempü shak kü shembü vaihen nangkü nevai, shejao am vaipü kü wongshongi yaongpü nangkü am mongonghen shingvaishi hamü am mü chemi dou dükbüthü hih.

MATHI 26:41

Yemmü nyutuh, hatü dokpü kü nevühen phoptuh; laangha payü monghumnyüke, shejao phai kü wong nekoh-ang” shei e.

KOLOSI 4:2

Phoppü kü lanei shuohtuh, hatü menvih shuoh-ei hapa kü thashimashi nyutuh.

1 SHÜPPÜKENGPÜ 28:10

Hanangkü nüng kenhingtuh; mehenangkü daülangpü shem hük vehen Shembüpai nüng jeteke; nüng wong kohtuh hatü dou düktuh” shei eteke.

1 PETER 4:7

Dou peü dohhen yopailei nyüke; hanangkü ammi phoppü men kü am nyingi kenhingei ungei-aeiyei nyutuh.

1 TIMOTI 6:12

Hinglempü vehok meipü hoktuh; vanyangyem kü shoungtuh; hapa shingvaishi nüng nyükpeih, hatü denpü longi omshi nüngi lahpü meipü lingpeih.

1 KORINT 14:20

Jeihinaü hatü nyahinaüthü, chudeih kü hashih kei tenyu; ten nangkü hashih kei nyutuh, shejao chudeih kü behe kei nyutuh.

KOLOSI 4:12

Amphong khong kübü Jisu Khrista chongphopü Epaphras-i selamja. Am behe leiyei Kahvangi mongpü lemphü meishi mongkü ponghen shingvaishi am nangkü büpai düngei phopnyanyüke.

2 TIMOTI 2:1

Nüng, ngelei hapeü, Jisu Khrista kü nyupü phahji kü wong kohtuh;

KOLOSI 1:23

Hanangkü ammi vangsho phang kübü hangkuli peü kü baongpü shahjangmei homei lahpü monglem mepa ammi dan, ha kübü nemoiloi-i hapa kü nedoh-i chongwongei vaipü kü wongshongi nyutuh. Paul, ngeiyü hapa shahjangmeilei chongphobü leipeih.

DANIEL 10:19

Büpai, “Oh Kahvangi bampüba, nüng tenyem, nüng mong yangtuh, wong kohtuh hatü monglongtuh” shei eteke. Mechem büpai ngei kü epa, ngei kü wong vam, hatü, “Ngelei Shembüpai etuh; mehenangkü ngei wong kohhüteke” shei e.

DANIEL 11:32

Büpai yawh-eiyangei vangpüshuwpü nebangpüthü leipü sheühpü yahhen, shejao Kahvang kü wong kohshi vaipüthüi büpa mü hokhen.

1 THESALONIKA 5:6

Hanangkü lebüthü kei jen shishi nenyushah, shejao jeni mükpaonathashi ungei-aeiyei nyushah.

EPHESIA 3:16

Büpalei müknyinshekhang mop shangshi, büpalei Laangha homei büpai ammei mongpa shennyak wong kohhühen ngan shuohhen nangkü,

1 SAMUEL 4:9

Monglongtuh, Oh Philistia am, bapeühapeü khihma, hei nevaijema, jom jenei aa vaipükei, jenao jomei aa vaidaihen khih. Hanangkü bapeühapeü leshi hoktuh” shei e.

ZEKHARIAH 8:9

Jeiyong Shembüpai hapakei enyüke: Phopshem ne-yei vehen chongnyiam yaong haüpü hepak kü üam nyutepa, hahepak kü “monglongtuh” shei thibüthüi epü aihük shahthü shaangao ammi dannyüke.

HAGGAI 2:4

Shejao shaang wong kohtuh, Oh Zerubbabel, monglongtuh Jehozadakei cheha Joshua ngongchong; kahmük kü nyupü nanglakthü peü monglongtuh” shei Shembüpai enyüke. “Dou düktuh;

1 SHÜPPÜKENGPÜ 19:13

Amphong wong kohtuh hatü jenei nanglak hatü jenei Kahvang chingnyüthü med kü monglongshi hokshah. Shembüpai büpa kü mehe mei, ha dükphahen” shei e.

SHAKEI VAMPÜ 16:15

“Veituh, ngei gühpa hük keiha peikünyeih! Üpai thaeimaei owhiai temtü nyu, hatü bümkong veübenüng nehu-i dai moihiman.”

2 TIMOTI 4:5

Shejao nüng payü düngei ungei-aeiyei nyutuh, tok vaipü munentuh, chongvenbülei dousho düktuh, nüngei chongphopü dousho den ngoiyei düktuh.

LUK SHAHSHA APPÜ 21:36

Hepak peü kü am mükpaonathaei nyutuh, hatü vamkahen nyupü douthü kübü yanghen, hatü Shennyak Ha touei yaongaokhen mü phopei nyutuh.”

ZEKHARIAH 8:13

Oh Judah hatü Israel phang, jatthü khongkü am thaüvaütükpü jat nyuteke, shejao ngei am yanghen, hatü amü moihimanpü hük vaihen. Tenyem, shejao monglongtuh.”

MATHI 25:13

Hanangkü thaeimaei nyutuh; mehenangkü amphongi nyih hatü hepak jung nenying.

JOSHUA 1:18

Üami nüngi epü shahthü khüei yaonghen hatü ha nebanghen, hathüyü jütükhen. Nüng mon wongkoh monglongtuh” shei eshuohteke.

1 ONGPATHÜ 2:2

Sheyü ngei didaihen hepak ngoiteke, “Nüng wong kohtuh hatü monglongtuh,

MENVIH KESHO 31:24

Nüng wong kohtuh, monglongtuh, amphong Shembüpa omdanpüthü peü.