1 KORINT 15:56 - DAÜLANGPÜ LAIHING (BSI)

⁵⁶ Dipülei leü-ü mang, hatü mangei nganü shahkungnyü nyüke.

1 KORINT 15:56 Referans Kwoze

ROM SHAHSHA APPÜ 4:15

Mehenangkü shahkungnyüi mongshih koei peinyeih, shejao melei shahkung nenyu, halei shahkung shaipü neshiü.

ROM SHAHSHA APPÜ 6:23

Mehenangkü mangei latü dipü, shejao ang kübü Kahvang thintho-ü Khrista Jisu jenei Shembüpa kü yangnyu nyüke.

JOHAN 8:24

Ammei mang kü am dihen hih shei ngei am kü etepih; ammi ngeiyü büpa shei hingnelempü thahshi amphongü ammei mang kü dihen” shei e.

ROM SHAHSHA APPÜ 5:20

Shejao mang nyeinya dahühen shingvaishi shahkungnyü vamhü; shejao melei mang dapa, nyeinya phahji dapeih.

JOHAN 8:21

Nyipabü Jisui jomphong kü, “Ngei lüdainyeih, hatü ammi ngei yemhen, shejao amphongü ammei mang kü dihen. Ngei melei dainya, halei am nepeiaokpih” shei e.

ROM SHAHSHA APPÜ 5:17

Mehenangkü shennyak hükei mang homei dipai hapa shennyak hük homei vanglem lempü vaijema, meshük nyeishi Kahvangei bhashahpü phahji, hatü daülangshemshepü thintho dangpüthüi shennyak hük, Jisu Khrista homei yangnyu kü vanglem lemhenang!

HEBREW 9:27

Shennyak hük mekei chem mon dihen demtük, hatü hapheikü shahphenpü nyüpa,

ROM SHAHSHA APPÜ 5:15

Shejao ang kübü thintho-ü mang kei nevai. Mehenangkü shennyak hükei mang homei longi dipü vaijema, hingmei Kahvang phahji hatü shennyak hük, Jisu Khristalei phahji kü ang kübü thintho longi shingvaishi nyeinya changshi nyüpeih.

KANDOK 14:32

Nemeipüthüyü jomei douteni vüdainyeih, shejao daülangpüthüyü jom dishingkao loishing dangnyeih.