1 KORINT 15:45 - DAÜLANGPÜ LAIHING (BSI)

⁴⁵ Nyangei nyupü keiha, “Shongpü shennyak, Adamü yemmü nyupü yangnyu leiteke,” dohpü Adamü yangnyu shuohpü laangha leiteke.

1 KORINT 15:45 Referans Kwoze

JOHAN 5:21

Pa-i dipü kübü yangei leitü jom kü yangnyu shuohpükei Ha-iyao büpai mongpüthü kü yangnyu shuohnyeih.

KAHBHAO 2:7

Hapheikü Shembüpa Kahvangi kahdok leipü ashem hanei yah-ei shennyak hük ling, hatü büpalei shongsha kü yangnyu ngü dushuoh, hatü hapa shennyakü yem leiteke.

ROM SHAHSHA APPÜ 8:2

Mehenangkü mang hatü dipü shahkungnyü kübü Khrista Jisu kü yangnyu Laangha shahkungi jen bümei leihüteke.

JOHAN 6:63

Yangnyuyem shuohpeyü laangha hih; phaiyü yahlak neshiü, hatü ngei am kü epü shahthüyü laangha hatü yangnyuyem nyüke.

JOHAN 14:6

Jisui jangei, “Ngeiyü lemnyü, shahhing hatü yangnyu; ngei nehompheikü üpaiyao Opa touei nepeiaokpih.

JOHAN 6:57

Vanyangyem Opa-i ngei shompü keiha, hatü ngei büpa homei nyupü keiha, üami ngei hahhen, ngei homei mon nyuhen.

JOHAN 6:33

Mehenangkü Kahvangei hahyingü vangsho leipü peinyüpeih, hatü kahdoknyü kü yangnyuyem shuohnyeih” shei e.

JOHAN 6:54

Üami ngelei phai hah hatü ngelei iy ying, hathü kü yangnyuyem nyüke, hatü dohpü nyih kü ngei jom yangei leishihhen;

SHAKEI VAMPÜ 22:17

Laangha hatü yiükjinglai enyüke, “Peikei.” hatü danpü peüi “Peikei” shei etuh. Üpai yung lenya peikei. Napü peüi yangnyu yung angkü yahhahtuh.

SHAKEI VAMPÜ 22:1

Hapheikü vangsho phongshani ngei kü chüshaü kei daülangpü Kahvang ong uoshing hatü Mi Cheha leipü yenpü yangnyu yung yungyen huphüteke;

SHAKEI VAMPÜ 21:6

Hapheikü büpai ngei kü eteke, “Ha dükteke. Ngeiyü Alpha hatü Omega, Chongpangpü hatü Dohpü. Yung lepüthü kü ngei lop neyah-i yangnyu yunglok kübü yung yinghen shuohhen.

KOLOSI 3:4

Mechem Khrista, ammei yangnyu shakei vamkahen, hahepak kü amphongao müknyinshekhang kü büpa mü shakei vamhen.

PHILIPPI 3:21

Büpai jenei wong nekohpü büm yeiyahüei mepa ngan homei dou peü büpa phangkü shümei tuh-aok, hapa büpalei müknyinshekhang büm kü jen shepei ja leidaihen.

ROM SHAHSHA APPÜ 5:21

Hanangkü mangi dipü kü vanglem lempükei, Jisu Khrista, jenei Shembüpa homei daülangshemshepai yangnyuyem touei müpü homei phahjipai vanglem lempeih.

ROM SHAHSHA APPÜ 5:17

Mehenangkü shennyak hükei mang homei dipai hapa shennyak hük homei vanglem lempü vaijema, meshük nyeishi Kahvangei bhashahpü phahji, hatü daülangshemshepü thintho dangpüthüi shennyak hük, Jisu Khrista homei yangnyu kü vanglem lemhenang!

PHONGSHANTHÜ DOU 3:15

hatü ammi yangnyu Lingbü jütükpeih, shejao Kahvangi büpa yangei leishihpeih.

JOHAN 14:19

Kansho hük pheikü kahdoknyüi ngei ne-eehen, shejao ammi ngei eehen; mehenangkü ngei yemmü nyupü nangkü amao yemmü nyuhen.

JOHAN 10:28

Ngei jom kü vanyangyem shuohnyeih, hatü jom mechemao nemahhen. Ngelei lak leipü üpaiyao jom aetei nedaiaokpih.

JOHAN 10:10

Gühpayü gühhen, jühen hatü mangtükhen nangkü mon peinyeih. Ngeiyü jomphong yangnyuyem nyuhen, hatü changshi nyuhen shingvaishi yiüpeih” shei e.

JOHAN 6:68

Simon Peteri, “Shembüpa, ham üpa touei daijanüng? Nüng kü vanyangyem shahthü nyüke.

JOHAN 4:14

shejao üami ngei shuohpü yung yinghenshang mechemao yung nelehen. Ngei shuohpü yungü jom kü yunglok leiyei vanyangyem touei bhaoei vamhen” shei e.

JOHAN 4:10

Jisui pinnyü kü, “Nüngi paoh Kahvangei thintho nyinglang meyü, ‘Ngei kü yinghen yung yahshih’ shei üpai nüng kü yünya, nüngi büpa kü vanyangyem yung yühah shepeih” shei e.

JOHAN 1:4

Büpa kü yangnyuyem nyu, hatü ha yangnyu-ü hangkuli peüei vangngai nyuteke.

SHAKEI VAMPÜ 16:3

Nyipabü vangsho phongshani büpalei nükshung yungching kü khüp, hatü hapayü dipü shennyakei iy kei leidai, hatü yungchingei nyupü yemha lemphü di.

1 KORINT 15:46

Shejao shongpü kü laangha nevai, shejao büm nyüke, hapheikü laangha nyüke.

HEBREW 9:14

nedohnetenpü Laangha homei laophü nyingi Kahvang kü kawhikang neshiüpü moila shuohpü Khristalei iy homei didaipü douthü kübü vanyangyem Kahvang kü khümhen shingvaishi jenei chudeih mongdang meshük nyeishi daütükphahen!