1 KORINT 15:32 - DAÜLANGPÜ LAIHING (BSI)

³² Hangku monglempü kü monha ngei Ephesialei phaüyemthü mü hoklang meyü ngei hapai mehe nanglei danghen vaipa? Dipü kübü yangei neleijema, “Jeni hahshah, yingshah, mehenangkü jen ngenyih didaihen.”

1 KORINT 15:32 Referans Kwoze

ISAIAH 22:13

Shejao ha nangjeiyei mohoh, hatü mi jütü hahyingei, yiü yingei mongongmongleyei moeitapei, ‘Jeni hahshah, yingshah, jen ngenyih didaihen’ ” shei eteke.

LUK SHAHSHA APPÜ 12:19

hatü ngei ngelei laangha kü, ‘Laangha, bong longi shingvaishi mop changshi tuh-ei nyüke; nyiumeituh, hahtuh, yingtuh hatü mongongtuh’ ” shei e.

ISAIAH 56:12

“Peikei, yiü yemei leishah! jen peüi yiü chokshi yingshah! Ngenyih-ü shinnyihpü kei-üng chongkahen, ha mao meipüba chongkahen” shei peüi enyüke.

2 PETER 2:12

Hathüyü sholi mongdang neshiüpü yemhimakthü, mangpü phaüyemthü yepei jütükhen nangkü shaanpüthü, jomi mehe nenying ha kü thaüvaünyüke, hatü mechem ha yemhathü jühen, jomao jütükhen.

PHONGSHANTHÜ DOU 18:19

Mechem jomphong Ephesia ngoipa, büpai jomphong halei tuhphong, shejao shongei büpa Sinagoglei heih-ei Jehoda am mü shah shükteiyei nyu.

JUD SHAHSHA APPÜ 1:10

Shejao ha shennyakthüi jomi nenyingaokpü peü kü yaünyüke, hatü jomphongü hathü doui-üng mahhünyüke; jomi sholi neshiüpü yemhathü kei nyingnyoi kü lepü mon nyingnyüke.

GALATIA 3:15

Jeihinaü hatü nyahinaüthü, nyihjeih yangnyu nyuhichong kübü lappü hük shuohshah: Shennyaki lemhük shojung kü vangteipheikü üpaiyao ha mangtükhen neaok, nevaijü hapa kü meheyao ühen neaok.

ROM SHAHSHA APPÜ 6:19

Ammei nyingnyoi yangnyu wong nekohpü nangkü ngei hangkulei shah-e vanglem aimü enyeih. Mehenangkü chem hepak kü ammi ammei phaihan nedaünelangpü hatü longpüba mangei aa vaihen shingvaishi shuohpükei shaang daülangshemshepülei aa vaihen nangkü daütükhen shingvaishi ammei phaihan shuohtuh.

PHONGSHANTHÜ DOU 19:1

Mechem Apollos Korintlei nyupa, Paul-ü hapa kahmük moidoi jiam homei daiyei Ephesialei pei; halei büpai vaipüthü hanei heüteke.

LUK SHAHSHA APPÜ 9:25

Shennyak hük kahdoknyü kemei shakeishen pheikü laophülei yangnyu mahtükjema mehe nanglei nyüpa?

CHONGVENBÜ 11:9

Oh themei, lamei, nüngei thehila nyihthü kü mongongtuh, hatü thehila hepak kü nüngei mong mongonghütuh. Nüngei mongi lümpü lem kü kamtuh, hatü nüngei mük kü meipü düktuh, shejao hathü dou lemphü kü Kahvangi nüng shahphen shingei müei deihen shei deih-ei dangtuh.

CHONGVENBÜ 2:24

Shennyak hüki hahhen, yinghen hatü laophülei dousho kü monghampü mü lenei meheyao mei nedükaokpih. Hapayao Kahvang leipü peipü khih shei ngei nyingteke;

MENVIH KESHO 73:13

“Angsha kü ngei daülangi nyuhampü khih; hatü mang nethah-i nyuhampü khih.

JOB SHAHSHA APPÜ 35:3

Shejao nüngi, “Ngei mang nethah-i nyupai mehe nanglei nevaijü ngei mehe dangnya?” shei enyüke.

PHONGSHANTHÜ DOU 18:21

shejao jom toueipü leidainüng kü büpai, “Kahvangi mongjema ngei shao peikahen” shei eshuoh. Hapheikü büpa Ephesia leipü leidai.

ROM SHAHSHA APPÜ 3:5

Shejao jen nedaünelangpai Kahvang nyeinya daülangshemshepü huaokjema, jeni mehe ehenang? Kahvangi jen kü hanghi shuohpeyü nejiü shei eaokhen je? (Ngei hayü hangkulei shahlem aimü enyeih.)

1 KORINT 16:8

Shejao Pentecost nyih thahshi ngei Ephesialei themhen;