1 KORINT 15:29 - DAÜLANGPÜ LAIHING (BSI)

²⁹ Dipü kübü yangei leipü lanshei neshiüjema dipüthülei men kü baptükhahpüthü mehe dükhen? Dipü kübü lanshei yangei neleijema nanglakthüi jomphongei men kü mehekei baptüknya?

1 KORINT 15:29 Referans Kwoze

1 KORINT 15:16

Mehenangkü dipü kübü yangei neleijema, Khrista yangei neleipü dan.

MATHI 20:22

Shejao Jisui, “Nüngi mehe yünya nüngi nenyingang. Ngei yinghen nyupü yungshong nüngi yingaokhen hiang?” shei jangei e. Jomphongi büpa kü, “Aokhen hih” shei e.

1 KORINT 15:32

Hangku monglempü kü monha ngei Ephesialei phaüyemthü mü hoklang meyü ngei hapai mehe nanglei danghen vaipa? Dipü kübü yangei neleijema, “Jeni hahshah, yingshah, mehenangkü jen ngenyih didaihen.”

MATHI 3:6

hatü jomei mangthü lah-ei Jordan yungyenei büpai jom kü yung kü hünghüteke.

1 KORINT 15:28

Mechem douthü peü büpa phangkü tuhhen, hapheikü Ha büpa nyingi douthü peü büpa phangkü tuhshuohpüba phangkü nyuhen, shejüang Kahvangü peü shak kü peü nyuhen.

1 KORINT 15:30

Hepak ieshi jen nyingi mehekei vongshüh kü shühen?