1 KORINT 15:2 - DAÜLANGPÜ LAIHING (BSI)

² Ngei am kü venpü shah kü wongshongi shümjema, ammi angkü vaipü nevaiphei keyü hapa shahjangmei homei am yangteke.

1 KORINT 15:2 Referans Kwoze

HEBREW 3:6

Shejao Khristayü hapeü hük keiha Kahvangei shem am kü mong phenei shuohpeih, hatü jeni ha mong kü pongpü kü hatü jeni monglempü kü mong hah-ei wongshongi shümjema jenü büpalei shem.

HEBREW 2:1

Hanangkü jeni mehe dan, ha kübü yanei nedeilanghen shingvaishi jeni longi kenhingei mong shuohhen khih.

HEBREW 3:14

Jen kü shongei nyupü monglem kü dohpü ngoishi wongshongi shongjema jen Khristalei phaihan leinyüke.

2 TIMOTI 1:9

Jenei dou aimü nevai shejao büpalei mükhong hatü phahji aimü büpai jen yangpeih, hatü daülangpü nyükpü homei jen kü nyükpeih. Hapa phahjiyü denshemthü chongpang shekü Khrista Jisu kü büpai jen kü shuohpeih,

KOLOSI 1:23

Hanangkü ammi vangsho phang kübü hangkuli peü kü baongpü shahjangmei homei lahpü monglem mepa ammi dan, ha kübü nemoiloi-i hapa kü nedoh-i chongwongei vaipü kü wongshongi nyutuh. Paul, ngeiyü hapa shahjangmeilei chongphobü leipeih.

EPHESIA 2:8

Mehenangkü phahjipai hinglempü homei am yangpeih, hatü hayü ammei lakdou nevai; hayü Kahvangei thintho;

1 KORINT 1:18

Mehenangkü shophang jung shahjangmeiyü mah-ei nyupüthü shingvaishi ngashah, shejao jen yangei nyupüthü shingvaishi hapayü Kahvangei ngan nyüke.

JAKOB 2:26

Mehenangkü laangha neshiüi bümü mahng vaipü keiha, dou neomi vaipeyü mahngchang khih.”

JAKOB 2:14

Ngelei jeihinaü nyahinaüthü, am kü vaipü nyüpeih shei etü dou neshiüjema, ha kü mehe mei nyüpa? Vaipai am yanghen je?

HEBREW 10:23

Jeni lahpü monglem kü nejü-üi wongshongi shongshah; mehenangkü üpai ha lah, büpayü shahhing,

LUK SHAHSHA APPÜ 8:13

Yaong shangkü vüpüthüyü mechem jomi shah danhen, mongongpai ha yahnyüke. Shejao hathü kü tünglang neyiüpü nangkü jomi kansho hük shing mon hinglemtü dokpü ngoijü vüdainyeih.

JAKOB 2:17

Hanangkü vaipü monhai ha kü dou neomjema mahngchang khih.

HEBREW 4:14

Hanangkü vangshothülei aongdaipü longpü ngongchong jenei Jisu, Kahvang Ha nyüpeih; jeni lahtükpü hinglempü kü wongshongi shongshah.

2 THESALONIKA 2:15

Hanangkü jeihinaü nyahinaüthü, ju kübü vamei epü shah vaijao lai mü nyangpü vaijao hami am kü nyuhpü nyuhpüvenpü kü wongshongi yaongtuh hatü shoungtuh.

GALATIA 3:4

Ammi angsha kü hajükjük nyingpü je? Hayü hingmei angkong kü je?

2 KORINT 6:1

Jen chemi büpa mü dou dükshingkü Kahvang phahji angkong kü neyahhen hami am kü enyeih.

ROM SHAHSHA APPÜ 1:16

Ngei shahjangmei nangkü veüei nedeihnyih; mehenangkü hinglempüthü peü yemleihen shingvaishi hapayü Kahvangei ngan, shongpüba kü Jehoda am, hatü Greek am shingvaishi.

KANDOK 4:13

Nyuhpüvenpü kü shounglangtuh; nüngi ha tedeitük; ha meishi yomtuh; mehenangkü hapayü nüngei yangnyu hih.

KANDOK 3:1

Ngelei hapeü, ngei nyuhpüvenpü tebetük; shejao nüngei mongdangei ngelei shahkungthü jaotuh;

2 KORINT 2:15

Mehenangkü jenphongü yangpüthü touei hatü mahpüthü touei Kahvang kü Khristalei vong meipü meli nyüke.

1 KORINT 15:14

hatü Khrista yangei neleipü vaijema, hami chongvenpeyü angsha hatü amphong hinglempao angsha leidainyüke.

1 KORINT 1:21

Mehenangkü Kahvangei kihikonü kahdoknyüi laophülei kihikon homei Kahvang nenyingpü nangkü, ngapükei chongvenpai hinglempüthü yanghen Kahvangi temtükpü nyuteke.

ROM SHAHSHA APPÜ 11:22

Shejema Kahvang bampü hatü mongshihpü nyingtuh: dopüthü touei mongshihpü, shejao ammi büpa bampü kü nedoh-i nyujema Kahvang bampü am touei nyüke; hei nevaijema amao bhagtükhen.

PHONGSHANTHÜ DOU 8:13

Simoni dangkao hinglem. Baptük pheikü büpai nedoh-i Philip mü nyu, hatü mechem büpai nyangeihepü hatü yashanyale longpü vampü eepa, büpa thama.

PHONGSHANTHÜ DOU 2:47

Kahvang kü menvih shuoh-ei nanglakthü peüi kenteipü kü mongongei hahying, hatü nyihjeih Shembüpai yangpüthü jomphong mü bhei-ie kü üteke.

KANDOK 23:23

Shahhing shaklangtuh, hatü hapa teyutük; Kihikon, nyingpühingpü, hatü danaokpü kon shaklangtuh.

1 KORINT 11:2

Lemphüli kü ammi ngei deih-ei dangpü nangkü, hatü ngei am kü shuohpü nyuhpüvenpü ammi noteipü nangkü ngei am kü mongmeinyeih.