1 KORINT 15:19 - DAÜLANGPÜ LAIHING (BSI)

¹⁹ Shaangpü yangnyu shing mon Khrista kü monglempü vaijema, jenphongü nanglak peü mü nyeishi mongkü tünghenthü nyüke.

1 KORINT 15:19 Referans Kwoze

SHAKEI VAMPÜ 14:13

Hapheikü vangsho leipü ngeü hük, “Ha nyangtuh: Shaang mü leitü üami Shembüpa kü dinya, dipüthü moihiman” shei epü ngei dan. “Hih” shei Laanghai enyüke, “Jomi jomei dou kübü nyiumei danghen, hatü jomei dou jom phei mühen.”

1 PETER 1:21

Üpai büpa dipü kübü yangei leishih, hatü büpa müknyinshekhanghü, büpa homei ammi Kahvang kü hinglempeih, hanangkü ammi hinglempü hatü monglempü Kahvang kü nyüpeih.

2 TIMOTI 1:12

hatü ha tata kü ngei shangpongnyeih. Hei shejao ngei neveünyih; mehenangkü ngei üpa kü hinglem, ha ngei nying, hatü hapa nyih shingvaishi ngei mehe büpa kü nangei tuhphong, büpai ha yomaokhen shei ngei monglempü nyüpeih.

PHONGSHANTHÜ DOU 14:22

Halei jiji-i vaipüthülei laangha wong kohhü, hatü “Shüveidoidei longi homei jen Kahvang ongchingei shüaokhen” shei vaipü kü nedoh-i nyuhen nangthongei e.

2 TIMOTI 3:12

Hingmei, üami Khrista Jisu kü Kahvang nyingpü yangnyu nyuhünya peüi shüveidoideipü ponghen.

JOHAN 16:33

Ngei kü am chingmei nyuhen shingvaishi ngei hathü am kü etepih. Kahdoknyülei am shüveipü ponghen, shejao monglongtuh; mehenangkü ngei kahdoknyü aoktepih.”

LUK SHAHSHA APPÜ 21:34

“Lishi nyutuh, hei nevaijema mop dameihupü, yiü chokpü hatü yangnyu mongshangi ammei mong vihhen, hatü hapa nyih nüngi nenyingpü kü taikoni keiha nüng manlanghen.

1 THESALONIKA 1:3

jenei Kahvang hatü Pa touei ammei hinglempü dou, bampü dou, hatü jenei Shembüpa Jisu Khrista kü wongshongi monglempü deih-ei dangnyeih.

LUK SHAHSHA APPÜ 8:14

Hüh chi kü vüpeyü hathü, jomi shah dannyüke, shejao jomi jomei lem kü kamshingkü jomphongü yangnyu mongshang, mophimo hatü yangnyu mongongmongle kü kenpai luplangtü betjük liyei neshümnyu.

MATHI 24:9

Hahepak kü amphongü shüveihen shingvaishi lanei shuohtükhen, hatü am jütükhen, hatü ngelei men kü jat peüi am kü jiühitphahen.

CHONGVENBÜ 6:11

Meshükpa shah e, hajükpa angsha, hatü üpai nanglei dangnya?

2 TIMOTI 2:4

Veshan dousho kü chongphopü hüki büpa dok kübü veshan lakchongbü mong hahhühen nangkü büpai nanglakei shahhidou kü ne-omteinyih.

JOHAN 16:2

Jomi am Sinagog leipü changtükhen. Hingmei, am jüpüthüi hapakei dükpai Kahvang kü khümnyeih shei deihhen hepak hük ngoikünyüke.

MENVIH KESHO 17:14

Oh Shembüpa, nüngei laki henüng keipü shennyakthü kübü, hapa yangnyu kü mon laklei danghen kahdoknyü shennyakthü kübü nüngi ngei yangtuh. Nüngi jom shing jaoei tuhpü hanghi-i jom hanghihütuh; Jomei hapeüthü shing changei nyeishi; hüpeüthü shingao aoei tuh-eishuoh.

CHONGVENBÜ 9:9

Vanghenyü phangkü Kahvangi nüng kü shuohpü angsha yangnyu nyihthü peü kü nüngi bampü anyüha mü mongongshi nyutuh; mehenangkü hapayü nüngei yangnyu hean, hatü vanghenyü phangkü nüngi nyiuei dükpü dousho khih.