1 KORINT 14:6 - DAÜLANGPÜ LAIHING (BSI)

⁶ Shaang, jeihinaü hatü nyahinaüthü, ngei am touei shahlem laolao eshi peiküjema, ngei am kü ha shakei vamei nevaijü nyingpühingpü nevaijü chongvenpü nevaijü nyuhpü homei mang-e thahshi ngei mekei etü am nanglei danghühen?

1 KORINT 14:6 Referans Kwoze

EPHESIA 1:17

Am büpa touei peishingkü kihikon, laangha hatü shakei vampü am kü shuohhen shingvaishi jenei Shembüpa Jisu Khristalei Kahvang, müknyinshekhangpü Pa kü ngei phopnyüpeih.

2 TIMOTI 3:16

Laihing peü Kahvangi ngü mü duei ehüpeih, hatü hapayü nyuhhen venhen, pungpü kü lohhen, nejiüpü kü yeanhen hatü daülangi nyuhen nangkü nyuhpü venpü nyüke,

ROM SHAHSHA APPÜ 6:17

Shejao Kahvang men vihtuh, mehenangkü am chemü mangei aa vaishi nyujao am kü shuohpü nyuhpüvenpü kü mong kempai ven bangteke,

1 KORINT 14:1

Bampü phei mütuh hatü laangha thinthothü kü kentuh, anyei vaishi chongvenlemlingpü thintho kü kentuh.

2 JOHAN 1:9

Üpai Khristai nyuhpüvenpü kü nekam, shejao ha peih-ei dainya, büpa kü Kahvang nenyu; üami nyuhpüvenpü kü kam, Pa hatü Ha nyiphen nyüke.

2 PETER 3:18

Shejao phahji hatü jenei Shembüpa hatü yemleipü Jisu Khrista nyingpü kü longtuh. Büpa kü shaang hatü nedohnetenpü nyih thahshi düngei müknyinshekhang vaituh! Amen.

2 PETER 1:5

Ha tata kü am hinglempü kü meipü ühen kentuh, hatü meipü mü nyingpü,

HEBREW 13:9

Baong nedangpü nyuhpüvenpü lemphü homei am nyongei temühü; mehenangkü Kahvang phahji-i wong kohhühenü mongdang shingvaishi meipeih, hatü hapayü hahying nangkü shahkung bangpai nevai; hathü shahkung bangpai meheyao nanglei nedangpih.

TITUS 3:8

Üami Kahvang kü hinglemei pei, hathüiyao doumei kü lanei shuohhen shingvaishi nüngi hathü kü dhaümshi dükkahen ngei nanyüpeih; hathü dou longi meipeih, hatü peü shing nanglei nyüpeih.

2 TIMOTI 4:2

Shahjangmei chongventuh; dühü kü hatü dühü nevaipü hepak kü temei nyutuh, inyainyempü longpai, hatü kenhingei nyuhpai nejiüpü kü yeantuh, loh-eishuoh, hatü nangthongtuh.

2 TIMOTI 3:10

Shaang nüngi ngei nyuhpüvenpü, ngelei dükhiling, yangnyu kü ngelei mükhong, ngei hinglempü, munenpü, ngei bampü hatü ngei wongshongi yaongpü,

2 TIMOTI 2:14

Jomphongi ha deihhen nangkü etuh, hatü jomi shah nangkü nelangmaanteihen Kahvang touei jom kü shahvüng shuohtuh; mehenangkü hapai meheyao mei nedüknyih, shejao hapa bangpüthü lomohnyeih.

PHILIPPI 3:15

Jen meshüki behe lei, mong hük mü nyushah, hatü lemhük nangkü ammi lebükei deihshi nyujema, hayao Kahvangi am kü shakei vamphahen.

EPHESIA 3:4

ha iepai Khristalei shahjo ngei nyingaokpü jung ammi nyingaokhen hih.

2 KORINT 12:7

Hanangkü ahshi longpü shakei vampü ngei eepü nangkü ngei changmeihen kübü yepei tuhhen shingvaishi ngelei phai kü hüh hük, ngei kü shüveihen Satanei phongmokbü hük ngei kü shuohpeih.

2 KORINT 12:1

Hapa kübü mehe nangleiyao nedangjao ngei changmeihen nadang khih, shejao ngei SHEMBÜPAleipü manghkhang hatü shakei vampü kü nedoh-i daihen.

2 KORINT 11:6

Epü kü ngei meishi netemnelempü vaihen aok, shejao nyingpühingpü phikü nevai; hingmei lem peü kü hatü dou peü kü hami am kü ha lekei hutepih.

1 KORINT 10:33

Jom yanghen nangkü ngei dükpü lemphü kü ngei meihen nevai shejao longshi shing meihen nangkü ngei dükpükei ami düktuh.

ROM SHAHSHA APPÜ 16:17

Jeihinaü hatü nyahinaüthü, ammi danpü nyuhpüvenpü khüei neshetnephen dehilao hatü huluh shuohpü vamhüpüthü kü mükhingshi veituh shei ngei am kü enyeih; hathü kübü yanei nyutuh.

ROM SHAHSHA APPÜ 15:14

Ngelei jeihinaü hatü nyahinaüthü, ngei am nangkü mong hamei deihnyeih; mehenangkü am kü meipai maei nyüke; nyingpai maei nyüke; hatü hüki hük kü nyuhhen aokshi nyüke.

PHONGSHANTHÜ DOU 2:42

Jomphongi phongshanthüi nyuhpü kü hatü mongjempü kü, aan bhaokei hatü phoppü kü lanei shuoh.

MATHI 16:26

Shennyaki kahdoknyü kemei shakeishenaoktü laophülei yangnyu mahtükjema mehe nanglei nyüpa? Nevaijü laophülei yangnyu nangjei mehe shuohhen?”

MATHI 16:17

Jisui büpa kü, “Nüng moihimanpü, Jonahlei cheha Simon! Mehenangkü iy hatü phai-i nevai, shejao vangsholei nyupü Opa-i ha nüng kü shakei vamhüpü khih.

MATHI 11:25

Hahepak kü Jisui e, “Ngei nüngei men longnyeih, Opa, vangsho hatü kahdoknyü Shembüpa; mehenangkü nüngi hathü douthü kon kohpü hatü nahpülangpüthü kübü jolang hatü aküngnaühathü kü ha shakei vamhüteke.

JEREMIAH 23:32

Shahshem mangh tetei eteipüthü kü ngei khünyüpeih shei Shembüpai enyüke. Jomi ngelei nanglakthü kü shahshem eyei lemnyongei mülangnyüke, shejao ngei jom neshom nevaijü neje. Jomi maaniyao nanglakthü nanglei nedanghünyu shei Shembüpai enyüke.

JEREMIAH 16:19

Oh Shembüpa, ngelei wong, hatü ngelei penyüsha, shanghah hepak kü ngei loishing. Nüng kü kahdok dohpü junghijang peü kübü peiyei, “Hamei bühipathüi meheyao ne-ang, shahshem kahvangthü, yahlak neshiüpü, jom kü meheyao mei nedükpü lajeithü angpü khih” shei ehen.

1 SAMUEL 12:21

hatü am nanglei nedanghen nevaijü am neyangaokhen yahlak neshiüpü douthü lemei teleptei.

1 KORINT 14:7

Hapayü yangnyu neshiüpü ngeü mon vampü liping kongkoih leangke. Hathüi kesho üng baong hanei nevamjema, hapa vüngnyu khih shei mekei etü hanei ami nyinghen?