1 KORINT 14:27 - DAÜLANGPÜ LAIHING (BSI)

²⁷ Hanei ami shahlem laolao epü nyujema, hepak hük kü nyi nevaijü ahpeih shei jem jeijeileiyei etuh, hatü hüki ha nih-ei etuh.

1 KORINT 14:27 Referans Kwoze

1 KORINT 14:26

Shejema, ngelei jeihinaüthü, mehe dükhenang? Mechem am chemi thaihenshang, am peülei kesho, nyuhhen shah, shakei vampü, shahlem laolao epü nevaijü hapa nih-ei epü nyüke. Dou peü linghühen shingvaishi düktuh.

1 KORINT 12:10

hükpa kü yashanyale douthü dükhen, hükpa kü tetpüvenpü, hükpa kü laanghathü yao-aokpü, hükpa kü shahlem laolao ehen, hükpa kü shahlem laolao nih-ei eaokpü thintho shuoh-ei nyüke.

1 KORINT 14:2

Mehenangkü üpai shahlem laolao enya, hayü shennyak kü nevai, Kahvang kü enyeih. Mehenangkü üpaiyao büpai epü nenyingnyih; büpai hathüyü shahjo-i Laangha mü eteinyeih.

1 KORINT 14:5

Shaang am peüi shahlem laolaoi nyem-e shei ngei deihnyüke, shejao nyeinya ammi chongnyemven shei deihnyüke. Hanei ami lepei ne-epheikü shahlem laolao epü meyü chongvenpü longpeih; hapai attoi linghen.

1 KORINT 14:13

Hanangkü üpai shahlem laolao enya, hapa lephen ngan yüei phoptuh.

1 KORINT 14:28

Shejao hapa nih-ei ehen hükao nenyujema, phopshemei jom nenmü nyuhütuh hatü laophü nying kü hatü Kahvang mü eteituh.