1 KORINT 14:26 - DAÜLANGPÜ LAIHING (BSI)

²⁶ Shejema, ngelei jeihinaüthü, mehe dükhenang? Mechem am chemi thaihenshang, am peülei kesho, nyuhhen shah, shakei vampü, shahlem laolao epü nevaijü hapa nih-ei epü nyüke. Dou peü linghühen shingvaishi düktuh.

1 KORINT 14:26 Referans Kwoze

EPHESIA 5:19

Hüki hük mü menvih kesho, kesho hatü Laangha kesho-i eteituh; ammei mongdangei Shembüpa kü ünghinyah meipai kesho loktuh.

ROM SHAHSHA APPÜ 14:19

Shejema mepai chingmeivangmei vamhünya, hatü hüki hük lingei leinya ha kü jeni changshah.

1 THESALONIKA 5:11

Hanangkü ammi shaang dükpükei am hüki hük mü nangthongteituh, hatü hüki hük lingei leituh.

EPHESIA 4:16

Büpa kü büm kemei shapü hüki shepei shatü nyüke, hatü heanlem peüi laophülei dou dükpai bampü kü büm kemei longei lingnyüpeih.

EPHESIA 4:29

Ammei ju kübü shahten tevamhü, shejao nanglaki napükei jom linghen nangkü mehe nadang nyu, ha etuh, shejüang ammei shahthü bangpü am kü nanglei vaihen.

2 KORINT 13:10

Hanangkü ngei am touei nenyupü hepak kü ngei hathü dou jung nyangnyeih, shejüang mechem ngei am touei peihen, am mangtükhen nangkü nevai, shejao lingei leihen shingvaishi Shembüpai ngei kü shuohpü wong noshingkü mangshi nenohen.

2 KORINT 12:19

Nyuyang kemei kü am touei ham nyingi yanglem yempükei deihpü je? Khrista kü Kahvang touei hami enyüpeih, hatü hami dükpü lemphü, bampü küphüthü, am wong kohhühen nangkü dükpeih.

1 KORINT 14:40

shejao dou peü ai jiüei hatü kengei dükhen vongbong.

EPHESIA 4:12

hatü chongphopü dousho kü daülangpüthü temeilemhen, Khristalei büm linghen,

1 KORINT 14:27

Hanei ami shahlem laolao epü nyujema, hepak hük kü nyi nevaijü ahpeih shei jem jeijeileiyei etuh, hatü hüki ha nih-ei etuh.

ROM SHAHSHA APPÜ 1:13

Ngei lebü Kung am mü dükpü keiha ngei am khong kübüao hanei lepei leihen nangkü ngei am touei peihen deihteke, (shejao shaang thahshi ha bangtükteke); ha nyingtuh, jeihinaüthü hatü nyahinaüthü.

ROM SHAHSHA APPÜ 12:7

Hapayü chongphopü vaijema, büpai chongphotuh; nyuhpüvenpü vaijema, büpai nyuhtuh;

ROM SHAHSHA APPÜ 15:2

Jen peüi jenei chingyow meipü mükhong kü linghen shingvaishi jenei chingyow mongmeihühen khih.

1 KORINT 14:2

Mehenangkü üpai shahlem laolao enya, hayü shennyak kü nevai, Kahvang kü enyeih. Mehenangkü üpaiyao büpai epü nenyingnyih; büpai hathüyü shahjo-i Laangha mü eteinyeih.

1 KORINT 14:15

Shejema ngei mehe dükhen? Ngei laanghai phophen, shejao ngei mongiyao phophen; ngei laanghai vih-ei lokhen, shejao ngei mongiyao vih-ei lokhen.