1 KORINT 14:20 - DAÜLANGPÜ LAIHING (BSI)

²⁰ Jeihinaü hatü nyahinaüthü, chudeih kü hashih kei tenyu; ten nangkü hashih kei nyutuh, shejao chudeih kü behe kei nyutuh.

1 KORINT 14:20 Referans Kwoze

1 PETER 2:2

Naüja keiha daülangpü laangha amma yinghen kentuh, shejüang am yemleipü kü longhen.

ROM SHAHSHA APPÜ 16:19

Peüi am ven danpü jung danteke, hanangkü ngei am nangkü mongongpai maei nyüpeih, shejao ngei napeyü mehe mei, ha nangkü nahshilangshi hatü nemeipü phikü mang neshiüi nyemnyu shei deihnyeih.

1 KORINT 13:11

Mechem ngei hashih nyupa, ngei hashih-i kei epeih, ngei hashih-i kei deihpeih, hatü ngei hashih-i kei deih-eilepeih. Mechem ngei behe leipa, ngei hashihlei yemnya deiaei kemei yaktüktih.

MATHI 18:3

“Hingmei ngei am kü enyeih, amphong yeiyaei maanpü naüthü kei manglei thahshi amphongi vangsho ongchingei shününg neaokpih.

1 KORINT 2:6

Shejao hapa den kübü kihikon, nevaijü mahdaihen demtükpü vanglem lembüthülei kihikon nevaijao hami behethü mü kihikon shah enyeih.

2 PETER 3:18

Shejao phahji hatü jenei Shembüpa hatü yemleipü Jisu Khrista nyingpü kü longtuh. Büpa kü shaang hatü nedohnetenpü nyih thahshi düngei müknyinshekhang vaituh! Amen.

PHILIPPI 1:9

Ngei phoppeyü nyingpühingpü hatü yao-aokpü koni maei am bamteipü aüh-ei yenhen,

MARK 10:15

Hingmei ngei am kü enyeih, maanpü hashih hük kei leitü üami Kahvang ongching neyahhenshang, halei neshüaokpih” shei e,

PHILIPPI 3:15

Jen meshüki behe lei, mong hük mü nyushah, hatü lemhük nangkü ammi lebükei deihshi nyujema, hayao Kahvangi am kü shakei vamphahen.

MATHI 11:25

Hahepak kü Jisui e, “Ngei nüngei men longnyeih, Opa, vangsho hatü kahdoknyü Shembüpa; mehenangkü nüngi hathü douthü kon kohpü hatü nahpülangpüthü kübü jolang hatü aküngnaühathü kü ha shakei vamhüteke.

ISAIAH 11:3

Büpalei mongongü Shembüpa kü nyempü nyuhen. Büpai büpalei müki eepü kü, nevaijü büpalei dhaongi danpü kü shah nephenhen;

MENVIH KESHO 119:99

Ngelei nyuhbüthü peü mü ngei kü-üng danaokpü kon nyüpeih; mehenangkü nüngei shahkungthü ngei deih-ei dangnyüpeih.

MATHI 19:4

Büpai, “Chongpangpülei jom lingbüi nyüha baha shei lingtü,

JEREMIAH 4:22

Ngelei nanglakthüyü ngapathü khih; jomi ngei nenyingnyu. Jomü sholi neshiüpü hashihthü; jom kü danaokpü neshiü. Jomü ten dükhen longi manpüthü, shejao mei dükhen nenyingnyu.

MATHI 19:14

shejao Jisui, “Maanpü hashihthü ngei touei deikei, hathü kü tekhüamshuoh; mehenangkü vangsho ongchingü hapa keipüthü shing hih” shei e.

LUK SHAHSHA APPÜ 18:17

Hingmei, ngei am kü enyeih, üpai maanpü hashih keiha Kahvang ongching neyahhenshang, halei neshüaokpih” shei e.

ROM SHAHSHA APPÜ 1:13

Ngei lebü Kung am mü dükpü keiha ngei am khong kübüao hanei lepei leihen nangkü ngei am touei peihen deihteke, (shejao shaang thahshi ha bangtükteke); ha nyingtuh, jeihinaüthü hatü nyahinaüthü.

1 KORINT 14:19

shejoongpa, phopshemei shahlem laolao kü shahpha haja an elei meyü mih kü nyuhhen shahpha nga mon ehen.

EPHESIA 4:13

hatü jen peü vaipü kü mongjemei, hatü Kahvangei Ha nyingpü kü behe leiyei Khristalei shaohi-ang thüei manglei thahshi ha dükhen büpai hathü shuohpeih.

NEHEMIAH 4:13

Hanangkü ngei bham peü mü nyaümpü shing peü eepü shingei phang phang aimü yan, phung, hatü lah notü yaonghüpeih.