1 KORINT 14:16 - DAÜLANGPÜ LAIHING (BSI)

¹⁶ Hei nevaijema, nüngi laangha kü Kahvang kü menvih shuohjü nüng mü nyupü hanei ami ha nenyingnyingi mekei etü nüngi menvih shuohpü kü, “Amen” shei ehen? Mehenangkü nüngi mehe enya büpai ha nenyingnyu.

1 KORINT 14:16 Referans Kwoze

SHAKEI VAMPÜ 5:14

Hatü yemmü nyupü yemhathüi, “Amen!” shei e, hatü behethüi aümei shaei khümteke.

MENVIH KESHO 106:48

Nedohneteni Shembüpa, Israel Kahvang moihimantuh. Nanglakthüi, “Amen” shei etuh. Shembüpa men longtuh.

1 SHÜPPÜKENGPÜ 16:36

Nedohnetenpü kübü nedohnetenpü thahshi Shembüpa, Israel Kahvang kü shaang hatü dohpü neshiüi men longtuh. Hahepak kü nanglak peüi, “Amen” hatü “Shembüpa men longtuh” shei eteke.

1 KORINT 11:24

hatü büpai menvih shuohtü büpai ha bhaokei e, “Hapayü am shingvaishi mangpü ngelei büm; ngei deih-ei dangei ha hahtuh.”

JEREMIAH 28:6

Jeremiah thibüi, “Amen! Shembüpai hapakei nyemdükma! Nüngi teteivanei epü shahthü kei Shembüpalei shem leipü deilangpü yungshongthü hatü Babylon wüpküpei nyupüthü müei nyemleiküma!

NEHEMIAH 8:6

Hapheikü Ezra-i, “Shembüpa, longpü Kahvang men longtuh” shei e, hatü nanglak peüi, “Amen!, Amen!” shei jomei lak haongtü jangei e. Hapheikü jomei dhe kahdok philei aümei shatü Shembüpa kü khüm.

SHAKEI VAMPÜ 7:12

hatü hapakei kesho lok: “Amen! Moihiman, müknyinshekhang, hatü kihikon, dupü-oupü, dhüm, ngan, hatü wong kemei den den kü jenei Kahvangei vaituh! Amen.”

BHEI-IE 5:22

Hapa thaüvaü yung nüngei büm kü shühen hatü hapai nüngei naü uoshing jeptükhen.’ ” Hahepak kü hapa nyühai, “Amen. Shembüpai hapakei nyemdükpha” shei ehen.

SHAKEI VAMPÜ 22:20

Hathü dou jung denpü shuohpübai, “Hingmei, ngei lomi yiükünyeih” shei enyüke. Amen. Yiükei, Shembüpa Jisu!

1 KORINT 16:24

Khrista Jisu kü ngei bampü am peü mü nyute.

1 KORINT 14:14

Ngei shahlem laolaoi phopjema, ngelei laanghai phopnyüke, shejao ngelei mongkü nanglei neshiü.

1 KORINT 14:2

Mehenangkü üpai shahlem laolao enya, hayü shennyak kü nevai, Kahvang kü enyeih. Mehenangkü üpaiyao büpai epü nenyingnyih; büpai hathüyü shahjo-i Laangha mü eteinyeih.

PHONGSHANTHÜ DOU 4:13

Shaang mechem jomi Peter hi Johan nyi mong longpü eepa, hatü jijiyü lai nemanpü jiüjiü shennyak shei nyingpa, jomphong thama, hatü Jisu mü nyuhampü nyi khih shei nying.

JOHAN 21:25

Shejao Jisui dükpü lebü douthü longi nyüke; peü paoh nyangnüng elangmeyü hapa jung nyangpü laithüi hapa kahdoknyü kao nechapih shei ngei deihnyüke.

JOHAN 7:15

Jehoda ami thamaei, “Meleiyao nyuhhahpü neshiüpü kü hapa shennyaki mekei etü hajükjük nyingaoknya yo?” shei e.

MARK 16:20

Nanglomthü daiyei peü lemei hapa shahjangmei chongven, hatü Shembüpai jom mü chemi dou dük, hatü yashanyale douthü dükpai jomphongei shahjangü hingshangpü shei lekhüteke.

MATHI 28:20

hatü ngei am kü epü lemphü dükhen jom kü nyuh-eishuoh, hatü kahdoknyü dohpü ngoishi ngei amphong mü düngei nyukahen.”

MATHI 6:13

Nüngi ham shüveipülei temühü, shejao nemeipü leipü ham yangtuh. Mehenangkü ongching ngan, hatü müknyinshekhang düngei nüng lompü vaituh.” Amen.

JEREMIAH 11:5

Shejüang ngei ambü ampa kü amma hatü nyahjiü yenpü kahdok mepa ammi shinnyih yah-ei nyüpa, ha shuohhen shei vangpü jiühühen” shei ngei etepih. Ngei jangei, “Amen, Shembüpa!” shei e.

MENVIH KESHO 89:52

Düngei Shembüpa men longtuh! Amen hatü Amen.”

MENVIH KESHO 72:19

Büpalei müknyinshekhang men den kü moihimantuh; büpalei müknyinshekhangi kahdoknyü peü mahütuh, Amen, Amen.

MENVIH KESHO 41:13

Shembüpa, Israel Kahvangei men hüdenhalenshi vihtuh, Amen! Amen!

NEHEMIAH 5:13

Ngeiyao ngelei shünglok sheyei dheütü, “Hapa lahpü üpai nedükhenshang Kahvangi jomei shem, mophimo hapakei dheüei yaktüktuh, hatü lakkong tuhtuh” shei e. Hahepak kü halei nyupü peüi, “Amen!” shei e, hatü Shembüpalei menlong, hatü nanglak peüi jomi lahpükei dük.

1 ONGPATHÜ 1:36

Jehoiadalei cheha Benaiah-i ongpa kü jangei, “Amen! Ngelei shembü ongpalei Shembüpa Kahvangi jepü nyemvaima.

MATHI 15:36

büpai ha aan pha nyet hatü nyah yah-ei menvih shuohtü bhaokteke hatü ha nanglomthü kü shuoh, hatü nanglomthüi khong kü shuoh.

2 KORINT 1:20

Mehenangkü büpa kü Kahvangi lahpeyü, “Hih” shei nyüpeih. Ha tata kü büpa homei Kahvang müknyinshekhangei “Amen” shei hami enyeih.