1 KORINT 13:8 - DAÜLANGPÜ LAIHING (BSI)

⁸ Bampü mechemao dohpü neshiü. Shejao tetpüvanpü nyujema dohdaihen; shahlem laolao epü nyujao hathüao dohdaihen; nyingpühingpü nyujao hathüao dohdaihen.

1 KORINT 13:8 Referans Kwoze

1 KORINT 13:13

Shaang hathü jem aoei nyüpeih: hinglempü, monglempü, hatü bampü, shejao hathü peü mü longpeyü bampü.

GALATIA 5:6

Mehenangkü Khrista Jisu kü japtükpü hatü nejaptükpü kü meheyao nanglei neshiü; iehen dou hükü bampü homei hinglempai dou dükpü ha mon nyüke.

PHONGSHANTHÜ DOU 2:4

Jom peü Laangha Daülangpai ma, hatü Laanghai jom kü ehüaokpü thahshi lebü shah mü ehen chongpang.

HEBREW 8:13

Büpai “Vangpüshuwpü Ja” shei etü shongpeyü nenotei-i yaktükpeih, hatü mehe nenotei hatü chang leidainya, hayü lomi mahdaihen.

1 KORINT 13:10

shejao mechem changpüshapü peihenshang, nechangneshapü peihdaihen.

1 KORINT 12:10

hükpa kü yashanyale douthü dükhen, hükpa kü tetpüvenpü, hükpa kü laanghathü yao-aokpü, hükpa kü shahlem laolao ehen, hükpa kü shahlem laolao nih-ei eaokpü thintho shuoh-ei nyüke.

PHONGSHANTHÜ DOU 19:6

Mechem Pauli jom kü laki shüngpa, Laangha Daülangpü jom kü pei, hatü shahlem laolao-i shah eyei teteivan.

LUK SHAHSHA APPÜ 22:32

shejao nüng vaipü kübü nevüdaihen shingvaishi ngei phoptepih, hatü mechem nüng ngei touei lepei leihenshang nüngi jeihinaüthü wong kohhütuh.”

JEREMIAH 49:7

Shembüpai Edom an nangkü hapakei enyüke: “Teman kü kihikon neshiüpü je? Kenhingpüthü kü shahnying ehen mahdaipü je? Jomei kon kemdaipü je?

1 KORINT 14:39

Hanangkü ngelei jeihinaüthü, chongvenhen kentuh hatü shahlem laolao epao tetuhphong;

PHONGSHANTHÜ DOU 13:1

Shaang Antiokh leipü attoilei thibü hatü nyuhbüthü nyuteke. Jomphongü Barnabas, Simon, üpa kü Niger shei nyük, Cyrene am Lucius, Herod governor mü nyuei longpü Manaen, hatü Saul nyu.

1 KORINT 8:2

Üpai lemhük payü nyingnyu kei ehahnya, büpai nyinghen jiüpeyao nenyingnyu;