1 KORINT 13:4 - DAÜLANGPÜ LAIHING (BSI)

⁴ Bampai nenteiaoknyeih; bampai yahyang shinshangnyeih; bampai mük nehühnyih; nevaijü bampai awdaei, nevaijü changmeiyei,

1 KORINT 13:4 Referans Kwoze

1 PETER 4:8

Peü shak kü hüki hük mü bamteishi nyutuh; mehenangkü bampai mang longi küptüknyeih.

EPHESIA 4:32

Am hüki hük mü bamteituh, hatü bamtei-aungtei mongdang jüktuh, hatü Khrista kü Kahvangi ammei mang tükpükei hüki hükei mang tükteituh.

KOLOSI 3:12

Kahvangi jelangpü hük, daülangpü hatü bampü leshi phahji, bampü, maanpü leipü, nenteiaokpü, munenpü owtuh.

KANDOK 10:12

Jiühitpai dehilao vamhünyeih, shejao bampai ten peü jümlangnyeih.

1 JOHAN 4:11

Bampü küphüthü, Kahvangi jen kü longi bampü nangkü jenao hüki hük mü bamteihen vongbong.

KANDOK 17:9

Üpai mih kü mang tüknya, bampü longhünyeih, shejao üpai bhüh yemhen mon deihnya, küphü mü khaat dangnyüpeih.

1 PETER 3:8

Dohpülei, am peü kü, laangha kü mongjempü, shinshangteipü, hüki hük mü bamteipü, bampü mongdang jükpü, hatü nenteiaokpü chudeih nyutuh.

1 THESALONIKA 5:14

Jeihinaüthü, vaükpüthü kü shahvüng shuohtuh, mong laaidaipüthü mongyanghütuh, wong nekohpüthü kü sheütuh, peü mü nenteiaoktuh shei hami am kü nangthongnyeih.

2 PETER 1:7

Kahvang nyingpü mü jeihinaü bamteipü, hatü jeihinaü bamteipü mü bampü nyutuh.

EPHESIA 4:2

Nenteiaokpü, inyainyempü hatü peü munenpai bampü kü hüki hük mü nenteituh,

2 KORINT 6:6

daülangpai, danaokpai, inyainyempai, shinshangpai, laangha kü daülangpai, hingshangi bampai,

KANDOK 19:22

Shennyak hüki bampü nanyüpeih; hatü shahshem eleimeyü taopü-üng meipüba.

KOLOSI 1:11

Amphong büpalei müknyinshekhang ngan kübü peipü wongi am wong kohhühen, hatü nenteiaokpai ammi lemphü munenhen temhen, hatü mongongpai,

GALATIA 5:26

Jen hüki hük mü dokteiyei, mükhühteipai changmeiyei neleishah.

1 KORINT 4:6

Jeihinaü hatü nyahinaüthü, am nanglei vaihen nangkü ngei hapayü Apollos henji kü lapei epeih, shejüang ammi henji homei, “Laihingei nyangei nyupü kü nyeishi tedai” shei epü nyinghen; shejüang am üpaiyao hüki hük khüei nechangmeihen.

2 TIMOTI 4:2

Shahjangmei chongventuh; dühü kü hatü dühü nevaipü hepak kü temei nyutuh, inyainyempü longpai, hatü kenhingei nyuhpai nejiüpü kü yeantuh, loh-eishuoh, hatü nangthongtuh.

2 TIMOTI 3:10

Shaang nüngi ngei nyuhpüvenpü, ngelei dükhiling, yangnyu kü ngelei mükhong, ngei hinglempü, munenpü, ngei bampü hatü ngei wongshongi yaongpü,

KANDOK 31:26

Pinnyüi kihikoni shah enyüke, hatü shahhing nyuhpüvenpü pinnyülei yeijaangei nyüke.

KANDOK 31:20

Pinnyüi taopathü kü laophülei lak lainyeih, hatü nehahneyingpüthü kü sheühnyüpeih.

KANDOK 17:14

Dehilao pangpeyü yungchüm laipükei nyüke; hanangkü mangde shekü dohtüktuh.

NEHEMIAH 9:17

jomi ven nedan, hatü jom touei yashanpü douthü dükpü peü betük, shejao jomei ngaümvang vaanei aa laphen kü Ijiplei nyokei leihen tem. Shejao nüngü mang tükpü, phahji yahyangpü, mongshih youngmü vampü, hatü bampü kü changshishashi nyupü Kahvang, hatü nüngi jom netuhphong.

1 PETER 2:1

Hanangkü am kübü ten dükpü, lueilempü, akhümmong-üm, mükhühpü, hatü ten epü lemphü tuhphongtuh,

TITUS 3:3

Mehenangkü jenao chemü ngapa, ven nedanpü, lawlüppü hatü yahhahhüpü hatü mongongmongle lemphülei aa vaishi nyuhampeih. Jenao ten dükpü, mükhakpü, jen kao jiühithahpü hatü jeni mih kü jiühitpü kü yangnyu nyuhampeih.

1 KORINT 3:3

mehenangkü am shaang thahshi phailei nyüke. Am khongkü mükhühteipü, hatü dehilao nyupü thahshi amphongü kahdoknyü phai, hatü hangkui lümpükei nyunyu nevaipü je?

PHONGSHANTHÜ DOU 7:9

“Jakobei hapeüthüi shombü Joseph kü mükhüh-ei jomi büpa Ijiplei aa hük keiha yutükpeih, shejao Kahvang büpa mü nyu,

CHONGVENBÜ 10:4

Vanglem lembü hük nüng khüei mongshihjema, nüngi nüngei dousho tetuhphong; Mehenangkü nenteiaokei nyupai mang longpao tüknyüpeih.

KANDOK 13:10

Changmeipai dehilao vamhünyeih, shejao mih-i venpü yahpüthü mü kihikon nyüpeih.

MENVIH KESHO 10:5

Nemeipüthüang lemphü kü meilem dangei aokpü dangnyeih, büpa changmeipü nangkü nüngei shahkungnyü büpa toueipü taishi lüdaiteke; büpai laophülei vepathü kü yaüeilungnyeih.

2 TIMOTI 2:25

laophü kü khüpüthü kü inyainyemi yeanpü shuohaokpü vaihen vongbong. Üpai nying, jom mong lepei shahhing nyingei leihen Kahvangi shuohhen aok,

1 TIMOTI 6:4

hayü changmeipü, danaokpü neshiüpü shejao venpü shah nangkü shah shükteihüpü hatü dokteihüpü nyüke. Henüng kübü mükhühpü, dehilao, yaüeilungpü, ten kohshi mongnelemteipü,

1 KORINT 8:1

Shaangü lajei kü jeetükpü hahying nangkü: “Jen peü kü kihikon nyüpeih” shei jeni nyingnyüke. Kihikoni changmeipai pouknyeih, shejao bampai lingnyüpeih.

ROM SHAHSHA APPÜ 1:29

Jomphong kü lemphüli mang, ten, hahnempü hatü ten dükpai maei nyüke. Jomphongü mükhühmongyung, jüteishangtei, dehilao, ühingnakai, hatü glüpi maei nyüke. Jomi mihla,

KAHBHAO 37:11

Chejeihijei ami büpa kü mükhak, shejao chepai ha nang mongei mon tuh.

JAKOB 4:5

Nevaijü jen kü nyuhüpü laanghayü Kahvangi büpa shing mon nyuhühen mükhühnyeih shei Laihingi epeyü meheyao nevai shei ammi deihnyu je?

1 KORINT 4:18

Shejao am hanei ami ngei am touei nepeikahen shei deihshi changmeinyüke.

ROM SHAHSHA APPÜ 13:13

jeni vangngai kü keiha deiaei meipü kü nyushah; hahngayungpe hatü nükchokyiümok nevai; mükbongjuyung hatü phai mongongmongle nevai; dehilao hatü mükhakmongyung nevai.

KOLOSI 2:18

Am üpaiyao shahshemi maanpü leinyeih shei epüthü hatü vangsho phongshan kü khümpüthüi hayaoha manghkhang eenyeih shei am tenyonghü. Meheyao nevaivai-i hapa keipü shennyakthüi hangkulei phai chudeih enyüke,

PHILIPPI 1:15

Hanei amiyü mükhakpü hatü khüpü homei Khrista jung venteke, shejao lebüthüi mei deihshi venteke.

2 KORINT 12:20

Mechem ngei peihenshang, ngei napükei am nenyuphahen, hatü ammi napükei ngei nenyukahen vaaishang shei yingei deihnyüke; Üpai nyingpa, depülaopü, mükhühteipü, mongshih anpü, laophü shing mon deihpü, yaüeilungpü, mihla epü, changmeipü hatü bukpüshaanpü nyuhen khih shei ngei yingei deihnyüke.

1 KORINT 5:2

Ammi ha kü changmeinyüke! Hapakei dükpü shennyak am toueipü changtükhen nangkü am mongshangei deihhen nevaipü je?

MATHI 27:18

Hapayü mükhakpü homei büpa yepei shuohpü khih shei büpai nyingdai.

KAHBHAO 30:1

Mechem Racheli Jakob kü naü hükao nebühja shei veiaokpa, pinnyüi chenya kü mükhakei deih. Hanangkü pinnyüi Jakob kü, “Ngei kü naü yahshih, hei nevaijema ngei didaihen hih” shei e.