1 KORINT 13:2 - DAÜLANGPÜ LAIHING (BSI)

² Hatü ngei kü thihivam nganthü, hatü shahjo peü nyinghen thintho hatü nyingpü peü nyujao, hatü kahshang shintükaokhen mü ngei kü hinglempü nyujao ngei kü bampü nenyujema, ngeiyü kong.

1 KORINT 13:2 Referans Kwoze

1 JOHAN 4:8

Üami nebamnya, Kahvang nenyingnyu; mehenangkü Kahvangü bampü nyüke.

1 KORINT 13:3

Ngei angpü peü taopathü kü shuohtüktü ngelei büm aw kü jakhen lanei shuohjao, ngei kü bampü nenyujema, ngei meheyao nanglei neshiü.

MATHI 17:20

Büpai jomphong kü, “Am vaipü maanpü nangkü hih. Ngei am kü enyeih, am kü haoyangvang shük dangkao hinglempü nyujema, ammi hapa kahshang kü, ‘Hatoueipü antolei shindaituh’ shei eshuohjü ha shindaiphahen; hatü am shingvaishi neaokbenüng meheyao nechongkahen.

1 KORINT 16:22

Shembüpa kü nebampü shennyakü thaüvaütüktuh. Maranatha– Oh hamei Shembüpa, yiükei!

MATHI 21:21

Jisui jomphong kü, “Hingmei ngei am kü enyeih, amphong kü jü-üpü neshiüi hinglempü nyujema, hapa adhapü kü mehe dük, henüng mon nevai, shejao amphongi hapa kahshang kü, ‘Nüng daiyei yungchingei hüngdaituh’ shei eshuohjü ha hapakei dükkahen.

EPHESIA 3:4

ha iepai Khristalei shahjo ngei nyingaokpü jung ammi nyingaokhen hih.

1 KORINT 13:1

Ngei hangku hatü vangsho phongshanthülei shah mü ejao, ngei kü bampü nenyujema, ngeiyü ngeü mohpü dam hatü melangnyiam kü kaongpü leidainyüke.

GALATIA 5:16

Laangha kü nyutuh shei ngei enyeih, hatü phai-i yahhüpü hüteshemhü.

KOLOSI 1:26

Den longi hatü hüdenhalenshi jaoei tuhlangpü shahjo ha shaang büpalei nanglakthü kü shakei vamhüteke.

GALATIA 6:3

Üami menüngao nevaipü kü lemhük vaipükei deihnya, laophü nyingi luhahnyüke.

GALATIA 5:22

Shejao Laangha betjükü bampü, mongongpü, chingmei, munenpü, phahjipü, nekaungi shuohpü, hingshangpü,

1 KORINT 12:28

Kahvangi attoi kü shongpü kü phongshanthü, nyipabü kü thihivamthü, jempabü kü nyuhbüthü; hapheikü yashanpü dou dükpüthü, hapheikü meihüpü thinthothü, mih kü sheühpü, vanglem lempü thintho, hatü shahlem laolao epü jepeih.

1 KORINT 7:19

Japtükpao nejapao meheyao nevai, shejao Kahvangei shah bangpü mon lemphü hih.

1 TIMOTI 3:16

Nejü-üi jenei vaipü vanglem kü shahjo longpü nyüpeih: “Büpa phai kü shakei vam, Laangha kü dahshakhü, vangsho phongshanthüi ha ee, Kung am kü ha baongteke, kahdoknyü kempülei hinglem, müknyinshekhang kü shangei anlang.”

EPHESIA 6:19

Mechem ngelei ju kübü shah vamei ehen, monglongshi hapa shahjang meipü shahjo nyinghühen nangkü ngei kü shahjang yahphahen shingvaishi ngei shingao phopshih.

1 KORINT 4:1

Hamphong keyü Khristalei chongphobüthü hatü Kahvangei shahjothü kü khei vaibüthü shei deihtuh.

ROM SHAHSHA APPÜ 16:25

Shaang büpa, üpai ngelei shahjangmei aimü, hatü den luangi joshi angpü shahjo shakei vampü aimü Jisu Khrista jung baongpai am wong kohhühen aok,

ROM SHAHSHA APPÜ 11:25

Hanangkü jeihinaü hatü nyahinaüthü, am meheshang, ha mü lenei am nahpeih shei nechangmeihen shingvaishi ammi hapa shahjo nenyingi nyemtenyu shei ngei deihnyüke. Israel am hanei kü mong vaanhen peipeyü denshing nevai, shejao Kung am peü mangpei thahshi mon.

MATHI 21:19

Büpai lemhaoei adhapü hük eeyei büpa hatouei heih, shejao phenlak mü lenei meheyao nedang. Hahepak kü büpai ha pü kü, “Nüng kü mechemao betjük tejük” shei e, hatü hapa adhapü chemjalak kü kaudai.

MATHI 13:11

Büpai jangei e, “Amphong kü payü vangsho ongching doujo nyinghen shuohteke, shejao jomphong kü payü mangshuohpih.

2 KORINT 12:11

Ngeiyü ngapa hük kei nyupeih; hayü ammi ngei hapakei leihüpeih. Ngei nang meipü ehenü amphong vaipeih. Ngei meheyao nevaijao ngeiyü longpü phongshanthü mü melemeiyao maanpü nevai.

1 KORINT 14:39

Hanangkü ngelei jeihinaüthü, chongvenhen kentuh hatü shahlem laolao epao tetuhphong;

1 KORINT 8:4

Lajeithü kü jeetükpü hahying hahpü nang keyü, “Hingmei mü hapa kahdoknyü kü lajei neshiü, hatü Kahvang hük mü lenei lebü neshiü” shei jeni nyingnyüke.

PHONGSHANTHÜ DOU 13:1

Shaang Antiokh leipü attoilei thibü hatü nyuhbüthü nyuteke. Jomphongü Barnabas, Simon, üpa kü Niger shei nyük, Cyrene am Lucius, Herod governor mü nyuei longpü Manaen, hatü Saul nyu.

ROM SHAHSHA APPÜ 15:14

Ngelei jeihinaü hatü nyahinaüthü, ngei am nangkü mong hamei deihnyeih; mehenangkü am kü meipai maei nyüke; nyingpai maei nyüke; hatü hüki hük kü nyuhhen aokshi nyüke.

1 KORINT 11:4

Baha üpai laophülei shangjingei lemhük jümtü phopnya nevaijü chongvennya, büpai Khrista dhüm neshiüi leitüknyeih,

1 KORINT 13:8

Bampü mechemao dohpü neshiü. Shejao tetpüvanpü nyujema dohdaihen; shahlem laolao epü nyujao hathüao dohdaihen; nyingpühingpü nyujao hathüao dohdaihen.

1 KORINT 14:4

Shahlem laolaoi epüthüyü laophü nying linghahnyeih, shejao chongvenpüthüi attoi lingnyeih.

1 KORINT 14:29

Shah ebü nyi-i nevaijü jemi etuh hatü mehe enya, ha kü lebüthüi dokei veituh.

1 KORINT 15:51

Bangtuh, ngei shahjo hük am kü ephüshah: Jen peü shishi nenyuhen, shejao jen peü,