1 KORINT 13:12 - DAÜLANGPÜ LAIHING (BSI)

¹² Mehenangkü jeni shaangü aina kü kei neleki pumshi eenyüke, shejao hapheikü jeni dhe dhe gongei eehen. Shaang ngei hanei mon nyingnyeih, shejao Kahvangi ngei meishi nyingpükei ngei pheilei peü lomei nyinghen.

1 KORINT 13:12 Referans Kwoze

1 JOHAN 3:2

Bampü küphüthü, shaang jenphongü Kahvangei hapeüthü nyüke; hatü jen mehe vaihen shao-üng shakei mangvam. Jeni nyingpeyü ha khih: mechem büpa shakei vamhenshang, jenphongü büpa kei nyuhen; mehenangkü büpa mekei nyu, hapakei jeni büpa eehen.

2 KORINT 3:18

Jen peüi dhe kü ashaki nejümi Shembüpalei müknyinshekhang aina kü kei khangei leihünyeih, hatü Shembüpa, üpa Laangha nyu, büpa leipü peipü aihük müknyinshekhangi nyeinya shaopü müknyinshekhang kü büpa lepü kü jen yeiyahünyeih.

PHILIPPI 3:12

Ngei ha peü dangtih nevaijü ngei changpüshapü ngoitepih shei nevai, shejao ngei hapayü ngelei vaihen shei changei dainyeih; mehenangkü Khrista Jisui ngei büpa lompü leihü.

SHAKEI VAMPÜ 22:4

Jomi büpalei dhe eehen, hatü büpalei men jomei shangbalei nyuhen.

JAKOB 1:23

Mehenangkü hanei ami shah danpü am vaitü dou dükpü am neleijema, jomphongü laophü nyingi aina kü veipü am lenyüke;

2 KORINT 5:7

Jeni müki eepai nevai, hinglempai kamnyüpeih.

MATHI 5:8

Thentoimongdang daülangi nyupüthü moihiman; mehenangkü jomphongi Kahvang eehen.

1 KORINT 8:3

shejao üpai Kahvang kü bamnya, Kahvangi büpa nyingnyeih.

ROM SHAHSHA APPÜ 8:18

Shaangpü hepak kü hanghipeyü jen touei shakei vamkahen nyupü müknyinshekhang mü shetteihen shangei neshiüpih shei ngei deihnyeih.

BHEI-IE 12:8

Büpa meyü ngei dhe dhe gongei lekei eteinyüpeih, shejao dokei, nyieneinyangei nevaijü shahlapei ne-eteinyih, hatü büpai ngei mekei nyu ha eeteke. Ngei chongphobü Mosa khüei ehen anji mehekei nyemei nedeihpa?”

KAHBHAO 32:30

“Hanangkü Jakobi hapa shing kü Peniel shei men; mehenangkü büpai ngei Kahvang dhe dhe gongei eetepih shei e, shejao ngelei yangnyu yangei nyüpeih” shei e.

MATHI 18:10

Nüngi hathü maanpü hük kü dangkao ne-ienelemi nedükhen lituh; mehenangkü ngei am kü enyeih, vangsholei jomphongei vangsho phongshanthüi vangsho leipü Opalei dhe kü düngei veinyüke.

JOHAN 10:15

Opai ngei nyingpü keiha ngei Opa nyingnyeih, hatü ngei ngelei yangnyu mithü shingvaishi lanei shuohnyeih.

MÜLANGPÜ 33:11

Küphü hüki hük mü eteipükei Shembüpai Mosa mü dhe dhe gongei etei. Hapheikü büpa baümtapei leihamteke; shejao büpa mü sheühteipü nethepa, Nunei cheha Joshua ashakshem leipü mechemao nelüdai.

EZEKIEL 17:2

Oh shennyak ha, Israel am kü shahlap hük eyeishuoh.

JOB SHAHSHA APPÜ 19:26

hatü ngei hapa büm tuhtü, ngelei shuw mangdaiphei kao, ngei hapa phai kü-üng nyushi ngei ngelei Kahvang eehen;

JOB SHAHSHA APPÜ 36:26

Hingmei, Kahvangü longpü, hatü jeni büpa nenyingaoknyu; nevaijü büpalei vangbong meshük yemei neaoknyu.

1 KORINT 13:11

Mechem ngei hashih nyupa, ngei hashih-i kei epeih, ngei hashih-i kei deihpeih, hatü ngei hashih-i kei deih-eilepeih. Mechem ngei behe leipa, ngei hashihlei yemnya deiaei kemei yaktüktih.