1 KORINT 13:1 - DAÜLANGPÜ LAIHING (BSI)

¹ Ngei hangku hatü vangsho phongshanthülei shah mü ejao, ngei kü bampü nenyujema, ngeiyü ngeü mohpü dam hatü melangnyiam kü kaongpü leidainyüke.

1 KORINT 13:1 Referans Kwoze

1 TIMOTI 1:5

Shejao hapakei nyuhpüvenpü mükhongü daülangpü mongdang, mongdeih meipü hatü kenhingei vaipü kübü vampü bampü nyüpeih.

1 PETER 4:8

Peü shak kü hüki hük mü bamteishi nyutuh; mehenangkü bampai mang longi küptüknyeih.

GALATIA 5:22

Shejao Laangha betjükü bampü, mongongpü, chingmei, munenpü, phahjipü, nekaungi shuohpü, hingshangpü,

1 KORINT 13:8

Bampü mechemao dohpü neshiü. Shejao tetpüvanpü nyujema dohdaihen; shahlem laolao epü nyujao hathüao dohdaihen; nyingpühingpü nyujao hathüao dohdaihen.

GALATIA 5:6

Mehenangkü Khrista Jisu kü japtükpü hatü nejaptükpü kü meheyao nanglei neshiü; iehen dou hükü bampü homei hinglempai dou dükpü ha mon nyüke.

1 KORINT 8:1

Shaangü lajei kü jeetükpü hahying nangkü: “Jen peü kü kihikon nyüpeih” shei jeni nyingnyüke. Kihikoni changmeipai pouknyeih, shejao bampai lingnyüpeih.

2 PETER 2:18

Mehenangkü jomi changmeipü hatü ngashah enyüke, hatü phai yahhahhüpü jiühitnalai homei pungei nyupü khong kübü yangei daijapü shennyakthü yawh-ei yahnyüke.

ROM SHAHSHA APPÜ 14:15

Nüngi hahpai jeihinaü hatü nyahinaü huluh shuohhüjema, nüngü hajük kü bampü kü nekamnyu. Nüngi hahpai jeihinaü hanei üam shing Khrista di, jom telomohhü.

MATHI 25:45

Hahepak kü büpai jomphong kü, “Hingmei ngei am kü enyeih, hathü khongkü maanpü hük kü ammi nedükpeyü ngei kü nedükpeih” shei ehen.

1 KORINT 12:8

Hapa Laangha homei hük kü kihikon shah ehen, hatü hükpa kü aihük Laanghai mongpükei nyingpühingpü shah ehen,

1 KORINT 12:16

Hatü dhaongi, “Ngei mük nevaipü nangkü ngei büm kü ompü nevai” shei ejema, ha vaipü nangkü büm kübü phaihan vaipü nedohdaihen.

2 KORINT 12:4

Paradiselei müei an, hatü ne-eteihen douthü, hangku üpaiyao leiyei ne-ehen douthü jung büpai danteke.

MENVIH KESHO 150:5

Cymbal kaongei büpa vihtuh; cymbal wong mü kaongei büpa vihtuh!

MARK 16:17

Hinglempüthü kü hapa nyangeihepü nyuhen: ngelei men noshi jomi kahshihthü changtükaokhen; jomi shahlem hayaohai ehen;

1 KORINT 12:10

hükpa kü yashanyale douthü dükhen, hükpa kü tetpüvenpü, hükpa kü laanghathü yao-aokpü, hükpa kü shahlem laolao ehen, hükpa kü shahlem laolao nih-ei eaokpü thintho shuoh-ei nyüke.

1 KORINT 14:2

Mehenangkü üpai shahlem laolao enya, hayü shennyak kü nevai, Kahvang kü enyeih. Mehenangkü üpaiyao büpai epü nenyingnyih; büpai hathüyü shahjo-i Laangha mü eteinyeih.

1 KORINT 14:4

Shahlem laolaoi epüthüyü laophü nying linghahnyeih, shejao chongvenpüthüi attoi lingnyeih.

1 KORINT 14:5

Shaang am peüi shahlem laolaoi nyem-e shei ngei deihnyüke, shejao nyeinya ammi chongnyemven shei deihnyüke. Hanei ami lepei ne-epheikü shahlem laolao epü meyü chongvenpü longpeih; hapai attoi linghen.

SHAKEI VAMPÜ 14:2

Hatü ngei vangsho leipü yung longpülei ngeü kei hatü vangmuk ngeü kei danteke, hapa ngeü-ü harp vüngbüi harp vüngpükei danteke,