1 KORINT 12:8 - DAÜLANGPÜ LAIHING (BSI)

⁸ Hapa Laangha homei hük kü kihikon shah ehen, hatü hükpa kü aihük Laanghai mongpükei nyingpühingpü shah ehen,

1 KORINT 12:8 Referans Kwoze

KANDOK 2:6

Mehenangkü Shembüpai kihikon shuohnyüpeih; Büpalei ju kübü nyingpü, hatü danaokpü kon vamnyüpeih;

2 KORINT 8:7

Shejao ammi lemphü kü chah-ei meipükei– hinglempü kü, epü kü, nyingpü kü, ammi sheühhüpü hatü ammi ham kü bampükei ammi shao hapa bampü dousho kü nyeishi nekaungi shuohhen nanyüke.

1 KORINT 1:5

mehenangkü lem peü kü– epü kü, nyingpü kü hatü lemphü kü büpa mü mongjemei am shemmei leiteke.

MENVIH KESHO 143:10

Nüngi mongpü dükhen nyuhshih; mehenangkü nüngü ngelei Kahvang. Nüngei laangha meipai ngei lemmei kü mülangtuh.

1 KORINT 1:30

Büpayü Jisu Khrista kü ammei yangnyu ngamshing; büpayü jen shing Kahvang leipü kihikon, daülangshemshepü, daühüpü hatü angei leibü leipeih;

NEHEMIAH 9:20

Nüngi jom kü nyuhhen nüngei laangha meipü shuoh, hatü jomei ju kübü manna neshonglang, hatü jom yung lepü kü yung shuoh.

1 KORINT 13:8

Bampü mechemao dohpü neshiü. Shejao tetpüvanpü nyujema dohdaihen; shahlem laolao epü nyujao hathüao dohdaihen; nyingpühingpü nyujao hathüao dohdaihen.

MATHI 13:11

Büpai jangei e, “Amphong kü payü vangsho ongching doujo nyinghen shuohteke, shejao jomphong kü payü mangshuohpih.

ISAIAH 59:21

Shembüpai, “Ngei shingvaishiyü, hapayü ngei jomphong mü vangteipü nyüpeih” shei enyüke. “Ngelei laangha mepa am kü nyu, hatü ngelei shah ammei ju kü shihpü ha ammei ju kübü nevaijü ammei hapeüthü nevaijü hapeüthülei ju kübü shaang mebü dohpü neshiüi neyandaipih” shei Shembüpai enyüke.

ISAIAH 50:4

Jeiyong Shembüpai nyiupünangpüthü kü mehe eshuohhen ha ngei kü nyuhphopeih. Nepjeih büpai ngei thahümahünyeih, nyuhbüi nyuhpü kü banghen ngelei dhaong thahünyeih.

JOB SHAHSHA APPÜ 32:8

Shejao hapayü shennyak hükei laanghai hatü Jeiyong Kahvangi danaokpeyü shuohnyu khih.

MÜLANGPÜ 31:3

hatü büpa kü lahhinei doumük kohshi lemphü mistri dou dükhen kihikon,

1 KORINT 13:2

Hatü ngei kü thihivam nganthü, hatü shahjo peü nyinghen thintho hatü nyingpü peü nyujao, hatü kahshang shintükaokhen mü ngei kü hinglempü nyujao ngei kü bampü nenyujema, ngeiyü kong.

DANIEL 2:21

Büpai hepak vangpanthü yeiyahünyeih; büpai ongthü ong vaihünyeih, hatü jomphong nüngtüknyeih. Büpai nahpüthü kü kon shouhnyüpeih, hatü yao-aokpüthü kü nyingpühingpü shuohnyüpeih.

PHONGSHANTHÜ DOU 6:3

Hanangkü jeihinaüthü, amphong khong kübü menmei kohpü, Laangha hatü kihikoni maei nyupü jetuh, hatü hami jomphong kü hapa dousho kotü tuhhen,

ROM SHAHSHA APPÜ 15:14

Ngelei jeihinaü hatü nyahinaüthü, ngei am nangkü mong hamei deihnyeih; mehenangkü am kü meipai maei nyüke; nyingpai maei nyüke; hatü hüki hük kü nyuhhen aokshi nyüke.

1 KORINT 2:11

Mehenangkü hangku hüki laophü kü nyupü laangha homei mon hangku hük meheang ha nyingnyeih. Hapa keiha Kahvang Laangha homei mon hingshangi Kahvangü meheang ha nyingnyeih.

1 KORINT 2:16

Laihingi enyüke: “Büpa kü nyuh-aokhen mü Shembüpalei mong nyingpü üpa nyüpa?” Shejao ham kü Khristalei chudeih mongdang nyüpeih.

1 KORINT 14:6

Shaang, jeihinaü hatü nyahinaüthü, ngei am touei shahlem laolao eshi peiküjema, ngei am kü ha shakei vamei nevaijü nyingpühingpü nevaijü chongvenpü nevaijü nyuhpü homei mang-e thahshi ngei mekei etü am nanglei danghühen?

1 KORINT 14:26

Shejema, ngelei jeihinaüthü, mehe dükhenang? Mechem am chemi thaihenshang, am peülei kesho, nyuhhen shah, shakei vampü, shahlem laolao epü nevaijü hapa nih-ei epü nyüke. Dou peü linghühen shingvaishi düktuh.

2 KORINT 1:12

Shaang ham changmeipü hatü hamei mongdeih denpeyü hapa hih: Hami hapa kahdoknyülei anyei vaishi am mü shahngai eshi, shüeinyiükei kahdoknyü kihikoni nevai, shejao Kahvang phahji homei nyupeih shei hamei mongi denpü shuohnyüke.

2 KORINT 2:14

Shejao Khrista kü jen aokpü philei müpü Kahvang kü menvih shuohtuh, hatü jen homei büpa nyingpü kübü vampü vong meipü shing peülei yanei dainyüke.

2 KORINT 4:6

Mehenangkü Kahvangi, “Vangnyak kü vangngai khanghütuh” shei e, hatü Jisu Khristalei dhe kü Kahvang müknyinshekhang nyingpü vangngai jen kü shuohhen shingvaishi büpai jenei mongdang kü vangngai khangpeih.

2 KORINT 6:6

daülangpai, danaokpai, inyainyempai, shinshangpai, laangha kü daülangpai, hingshangi bampai,

2 KORINT 11:6

Epü kü ngei meishi netemnelempü vaihen aok, shejao nyingpühingpü phikü nevai; hingmei lem peü kü hatü dou peü kü hami am kü ha lekei hutepih.