1 KORINT 12:13 - DAÜLANGPÜ LAIHING (BSI)

¹³ Mehenangkü Laangha hük kü Jehoda am nevaijü Greek am, aa nevaijü bümei vaijao büm hük kü jen peü baptük, hatü jen peü kü Laangha hük yinghen shuoh.

1 KORINT 12:13 Referans Kwoze

EPHESIA 4:5

Shembüpa hük, hinglempü hük, baptükpü hük,

KOLOSI 3:11

Hapa ja lingpü kü hajük kü Greek hatü Jehoda, japtükpü hatü nejappü, lemphü kü ngaümpheilei nyupü am, Sithia am, aa hatü bümei shei neshiü, shejao Khristayü peü kü peü.

GALATIA 3:28

Sheyü hajük kü Jehoda am nevaijü Greek am, aa nevaijü bümei, nyüha nevaijü baha baong hanpü meheyao neshiü; mehenangkü am peü Khrista kü hük khan.

1 PETER 3:21

Hapa yungü shaang am yangpü baptükpü lajei nyüke– hapayü büm kübü mag daüpü nevai, shejao Kahvang touei chudeih mongdeih meipai Jisu Khrista yangei leipü homei vangteipü hük nyüke.

ROM SHAHSHA APPÜ 3:29

Kahvangü Jehoda amei monha Kahvang je? Büpayü Kung ameiyao Kahvang nevaipü je? Hih, Kung ameiyao nyüke.

PHONGSHANTHÜ DOU 1:5

Mehenangkü Johani yung kü baptükteke, shejao shaang mebü nyih longi nenyui amphong kü Laangha Daülangpai baptükphahen.

JOHAN 4:10

Jisui pinnyü kü, “Nüngi paoh Kahvangei thintho nyinglang meyü, ‘Ngei kü yinghen yung yahshih’ shei üpai nüng kü yünya, nüngi büpa kü vanyangyem yung yühah shepeih” shei e.

LUK SHAHSHA APPÜ 3:16

Johani jomphong kü shahnyok shuoh-ei, “Ngei amphongü yungi baptüknyeih, shejao ngei mao nyeishi wong kohpü hük peikünyüke; ngei büpalei lathuh vü laihenao neaok. Büpai amphong kü Laangha Daülangpai hatü awi baptükphahen.

MATHI 3:11

Mong leppü nangkü ngei amphong yungi baptüknyeih, shejao ngei mao nyeishi wong kohpü hük üpa ngei pheikü peikünya, ngei büpalei lathuh nohen dangkao nechang, büpai amphong Laangha Daülangpü hatü awi baptükphahen.

EPHESIA 5:26

shejüang shah homei yungi paüei daüpai pinnyü daülangi leihen;

JOHAN 4:14

shejao üami ngei shuohpü yung yinghenshang mechemao yung nelehen. Ngei shuohpü yungü jom kü yunglok leiyei vanyangyem touei bhaoei vamhen” shei e.

JOHAN 3:5

Hingmei mü ngei nüng kü enyeih, shennyak hük yung hatü Laanghai nebühpheikü mekei etao vangsho ongchingei shününg neaok.

JOHAN 1:33

Ngeiyao büpa nenyingham, shejao üpai ngei yungi baptükhen shom, büpai ngei kü, “Üpa kü nüngi Laangha yiüei bakei ee, büpai Laangha Daülangpai baptükphahen shei ephopeih,

KOLOSI 1:27

Kahvangi büpalei hapa shahjo müknyinshekhang mop Kung am touei meshük longpa, ha nyinghühen shingvaishi jomphong jepeih; hapayü am kü nyupü Khrista, müknyinshekhangpü monglem.

EPHESIA 3:6

ha lappai, Kung amao aihük mü mükjüp yahpü am, büm hük kü aihük phaihan, hatü shahjangmei homei Khrista Jisu kü lahpü kü hean yahpü am leipeih.

GALATIA 3:23

Shejao hapa hinglempü peishekü jenphongü shahkungei khoklat kü küptüktü hapa hinglempü shakei mangvam thahshi nyupeih.

1 KORINT 10:2

hatü jom peü Mosa phei müei phum hatü yungching kü baptükteke,

JOHAN 6:63

Yangnyuyem shuohpeyü laangha hih; phaiyü yahlak neshiü, hatü ngei am kü epü shahthüyü laangha hatü yangnyuyem nyüke.

EPHESIA 6:8

aa vaijao, bümei vaijao jeni mehe doumei dük, ha kü SHEMBÜPAleipü aihük nyokei danghen nyingei düktuh.

ROM SHAHSHA APPÜ 4:11

Büpa shao-üng mangjapi nyushi hinglempai dangpü daülangshemshepü füoshang vaishi japhen nyangeihepü dangpeih. Hapalei mükhongü üami nejapjapi hinglem, hatü üam kü daülangshemshepü shei ieyeilem, hathü peüei pa leihen,

JOHAN 1:16

Büpalei phahji mapü kübü jen peü moihiman hük pheikü hük dangteke.

SOLOMONEI KESHO 5:1

Ngei ngelei pemongei peitepih, ngelei naüpeü, ngelei shembünyü; ngei myrrh mü vong meipü meli thaitepih. Ngei ngelei nyahdük hatü nyahjiü hahtepih; ngei ngelei yiü hatü amma yingtepih. Hahtuh, Oh küphüthü, hatü moh-ei yingtuh, Oh ngei bampüthü.

ISAIAH 55:1

Hey, amphong yung lepüthü peü, yung touei peikei; Üami lop ne-ang, peikei, shakei yingtuh! Peikei, lop neshiüi, bhei neshuoh-i yiü hatü amma shakhahtuh.

JOEL 2:29

Hapa nyih kü baha hatü nyüha aathü kao ngei ngelei laangha khapshuohhen.

ROM SHAHSHA APPÜ 3:22

Hapayü vaipüthü peü kü Jisu Khrista kü hinglempü homei peipü daülangshemshepü nyüke. Mehenangkü baong hanpü neshiü;