1 KORINT 12:11 - DAÜLANGPÜ LAIHING (BSI)

¹¹ Hathü peü Laanghai mongpükei pabüm ieyei kü hapa aihük Laangha hüki shuoh-ei dükhünyeih.

1 KORINT 12:11 Referans Kwoze

1 KORINT 12:4

Shaang thinthothü lem laolao nyüpeih, shejao Laangha hük mon;

HEBREW 2:4

Kahvangiyao hapa kü nyangeihepü, thamapü hatü yashanyale longi, hatü büpai mongpü aimü Laangha Daülangpü thinthothü shuohpü homei denpü shuohnyüke.

2 KORINT 10:13

Shejao hami jiüpü lem mü lenei nechangmeihen, shejao Kahvangi ham kü shuohpü kahsho mong kü mon am ngoishi dükhen.

EPHESIA 4:7

Shejao jen ieyei kü Khristalei thintho shangshi büpai mongpü shongdak aimü phahji shuoh-ei nyüke.

1 KORINT 12:6

hatü dükhiling lem laolao nyüpeih, shejao hapa Kahvang hüki peü kü hathü kemei dükhünyeih.

JAKOB 1:18

Jenphong büpai lingpü peü mü shongpü betjük leihen shingvaishi büpalei mükhong jiühüei büpai jen shahhing shah-i bühpeih.

EPHESIA 1:11

Büpalei shahnying hatü mongpü aimü douthü peü jiühüei büpalei mükhong aimü jenphong jeyei yahpai Khrista kü jenphong mükjüp yahpü am leihüteke.

1 KORINT 7:17

Shennyak peüi laophü kü Kahvangi mepa nangkü am kü nyükpa hapakei Shembüpai shuohpü yangnyu aimü nyuei daituh. Hapayü ngei attoi peülei shuohpü shahkung hih.

1 KORINT 7:7

Peüi ngei kei nyemnyu shei deihnyüke. Shejao peü kü Kahvang leipü thintho laolao nyüpeih; hük kü lemhük hatü hükpa kü lebü lemhük nyüpeih.”

ROM SHAHSHA APPÜ 12:6

Kahvangi jen kü shuohpü phahji aimü jen kü thintho laolao nyüpeih: Shennyak hük kü thihivam thintho nyujema, büpai hinglempü kü shettü büpai ha noteituh.

ROM SHAHSHA APPÜ 9:18

Hanangkü Kahvangi büpai jepü shennyak kü phahji hunyeih, hatü büpai mong vaantükhüpü shennyakei mong vaantüknyeih.

JOHAN 5:21

Pa-i dipü kübü yangei leitü jom kü yangnyu shuohpükei Ha-iyao büpai mongpüthü kü yangnyu shuohnyeih.

JOHAN 3:27

Johani, “Vangsho leipü shuohpü nevaipheikü üpaiyao meheyao nedangaokpih” shei e.

JOHAN 3:8

Vanglüki melemei lükhünya, halemei lüknyüke. Nüngi hapalei ngeü dannyüke, shejao nüngi ha melemeipü peinya, hatü melemei dainya, ha nüngi nenying. Hapa keiha Laangha kü angpü peü nyunyüpeih.

MATHI 20:15

Ngei mehe ang, ha yah-ei ngei deihpükei dükhen nemongnyu je? Nevaijü ngei nekaungi shuohpü kü ammi mükhühnyu je?” shei e.

MATHI 11:26

Hih, Opa, hapayü nüngi mongpü hük nyuteke.

DANIEL 4:35

Büpai kahdoknyü hangku kemei kü kong kei veinyüke. Büpai vangsho phongshanthü mü hatü kahdoknyü hangkuthü mü büpai mongpü düknyüke. Üpaiyao büpalei lak shonglanghen neaok, nevaijü, “Nüng mehe düknya?” shei phehen neaok.

1 KORINT 12:18

Shejao Kahvangi mongpükei büm kübü phaihan kuk ieyei shaang nyupükei lingteke.