1 KORINT 11:24 - DAÜLANGPÜ LAIHING (BSI)

²⁴ hatü büpai menvih shuohtü büpai ha bhaokei e, “Hapayü am shingvaishi mangpü ngelei büm; ngei deih-ei dangei ha hahtuh.”

1 KORINT 11:24 Referans Kwoze

ISAIAH 26:8

Oh Shembüpa, nüngei shahkungnyü lem kü kamei hami nüng omdannyeih; nüngei men hatü nüngei menmeiyü hamei laanghaiyahhüpü.

SOLOMONEI KESHO 5:1

Ngei ngelei pemongei peitepih, ngelei naüpeü, ngelei shembünyü; ngei myrrh mü vong meipü meli thaitepih. Ngei ngelei nyahdük hatü nyahjiü hahtepih; ngei ngelei yiü hatü amma yingtepih. Hahtuh, Oh küphüthü, hatü moh-ei yingtuh, Oh ngei bampüthü.

KANDOK 9:5

“Peikei, hatü ngelei hahying hahtuh, hatü ngei aanpü yiü yingtuh.

MÜLANGPÜ 12:14

Hapa nyih-ü am shingvaishi deih-ei dangpü nyih vaihen. Ammi hapayü Shembüpalei Mo shei hüdenhalenshi moteituh.

ISAIAH 25:6

Hapa kahshangei Jeiyong Shembüpai nanglakthü peü shingvaishi hahying peü changshi, hatü meipü yiü omshi mo hük temhen.

SOLOMONEI KESHO 1:4

Ngei nüng mü mühahtuh; ji shülangshah! Ongpai ngei büpalei dung-amei mülangpeih. Hami nüng kü mongonghen, hatü mongmeihen; Hami yiü mao nyeishi nüngi bampü jung vihhen; jomi hingmei nüng kü bamnyeih.

MENVIH KESHO 111:4

Büpayü büpalei thamapü douthü homei men-e leiteke; Shembüpayü phahji yahyangpü nyüke.

MATHI 26:13

Hingmei ngei am kü enyeih, kahdoknyü kempülei melei hapa shahjang meipü jung baonghen, pinnyüi mehe dük, ha pinnyü deih-ei dangei ehen” shei e.

MENVIH KESHO 22:29

Changmeipüthü peüi büpa kü khümhen, hatü yemmü nenyui kahmongei shüei nyupüthüi büpa kü aümei khümhen.

MENVIH KESHO 22:26

Taopathüi hahhen hatü shümoh meihen, Shembüpa yempüthüi büpa vihhen. Jom düngei moihimanpü leihütuh!

JOSHUA 4:7

ammi jom kü, ‘Shembüpalei Vangpüshuwpü Pela yungdang homshingkü Jordan yung nesha-i yaongdaipeih’ shei eyeishuoh. Ha yaongthüyü Israel am kü denden deih-ei danghen shingvaishi nyukahen” shei eteke.

MÜLANGPÜ 28:12

Israel phang anpünyi lappü huei hapa yaong nyi yah-ei doknyü bhagthuh kü shihtuh, hatü deih-ei danghen shingvaishi Shembüpa touei Aaroni jomei menthü büpalei bhagchongei shahen.

1 KORINT 11:23

Mehenangkü mehe ngei SHEMBÜPAleipü dang, ha ngei am kü shuohnyeih: Shembüpa Jisu yuhahpü ya büpai aan hük yah,

1 KORINT 11:25

Ha aihük mü aan hahpheikü büpai shao yungshong yah-ei e, “Hapa yungshongü ngelei iy kü vangpüshuwpü ja hük. Meshükpa ammi hapa yinghen, hajükpa ngei deih-ei dangei ha yingtuh.”