1 KORINT 1:8 - DAÜLANGPÜ LAIHING (BSI)

⁸ Jisu Khristalei nyih kü am kawhikang neshiüi nyuhen shingvaishi büpai am dohpü ngoishi wong kohhühen.

1 KORINT 1:8 Referans Kwoze

1 THESALONIKA 3:13

Jenei Shembüpa Jisu, büpalei daülangpüthü peü mü yiüshingkü jenei Kahvang hatü Opa touei am eela neshiüi hatü daülangi nyuhen shingvaishi büpai ammei mongdang wong nyemkohhüma.

KOLOSI 1:22

Büpai shaang büpalei phai büm kü dipü homei mongjemhüteke, hatü hapayü amphong büpa touei daülangi, eela neshiüi hatü thaüvaühen neshiüi nyuhen shingvaishi nyüke.

PHILIPPI 1:6

Üpai am touei doumei chongpang, hapa Jisu Khristalei nyih thahshi kü temhen shei ngei monglempü nyüpeih.

2 THESALONIKA 3:3

Shejao Shembüpayü hingshangpü, hatü büpai am wong kohhühen, hatü ten kübü yangphahen.

EPHESIA 5:27

hanangkü attoiyü nethe meipü kü, ampü nevaijü khangdaipü nevaijü henüng keipü meheyao neshiüi shejao daülangi kawhikang neshiüi büpa kü shuohtuh.

ROM SHAHSHA APPÜ 16:25

Shaang büpa, üpai ngelei shahjangmei aimü, hatü den luangi joshi angpü shahjo shakei vampü aimü Jisu Khrista jung baongpai am wong kohhühen aok,

1 PETER 5:10

hatü phahji peüei Kahvang, üpai Khrista kü nedohnetenpü müknyinshekhang touei am nyükpa, am kansho hük shangpong pheikü büpai am changhüshahühen, am wong kohhühen, sheühphahen hatü chonglinghühen.

PHILIPPI 1:10

hatü Khristalei nyih kü amphong daülangi hatü eela neshiüi mehe peü mü mei ha jeaokhen,

2 PETER 3:14

Hanangkü bampü küphüthü, ammi ha douthü danshingkü ammi büpa mü chingmei kü kawhikang hatü eela neshiüi nyushi büpai am eehen mü kentuh,

ROM SHAHSHA APPÜ 14:4

Hanei amei chongphobü kü shahphenhen nüng üpaang? Jomei shembü touei jom yaonghen nevaijü dohen. Büpa yaonghen, mehenangkü Shembüpai büpa yaonghüaokhen.

MENVIH KESHO 37:28

Mehenangkü Shembüpai shahhing kü bamnyeih; büpai büpa kü hinglempü shennyak neyakphonghen. Daülangpü am düngei yangei tuhhen, shejao nemeipü amei hapeüthü mahtükhen.

2 PETER 3:10

Shejao Shembüpalei nyih gühpa hük leshi peikahen, hatü hapheikü vangshothü ngeü longpü mü peihdaihen, hatü vangsho leipü douthü kemei awi hahtükhen, hatü kahdoknyü hatü haleipü lemphü shamtükhen.

2 KORINT 1:21

Shejao Khrista kü am mü ham chongwonghüpü hatü ham thiteiphuei jepeyü Kahvang;

MENVIH KESHO 37:17

Nemeipü amei bhagchong mangdaihen, shejao Shembüpai daülangpüthü shongei tuhnyeih.

2 KORINT 1:14

Ammi ham nang maani mon nyingnyüke; ammi ham nangkü changmeipü keiha Shembüpa Jisulei nyih kü hami am nangkü changmeihen.

1 KORINT 5:5

Hapa shennyakei phai mangtükhen shingvaishi ammi Satan kü shuohtüktuh; shejüang Shembüpalei nyih kü büpalei laangha yangaokhen.

LUK SHAHSHA APPÜ 17:24

Mehenangkü klang nyepei phumshang jung hük kübü jung hükei vangngai khangpü keiha Shennyak Ha büpalei nyih kü nyuhen.

LUK SHAHSHA APPÜ 17:30

Hapa keiha Shennyakei Ha shakei vampü nyih nyukahen.

ROM SHAHSHA APPÜ 8:19

Mehenangkü lingpü douthüi Kahvangei hathü shakei vampü ongyangei dannyüke;

1 KORINT 3:13

büpalei dou meheshang eedainyeih; mehenangkü Khristalei Nyih-i ha shakei vamhühen, hatü hapayü aw homei shakei vamhühen, hatü peüi mepa keipü dou dükpa aw homei dokhen.

2 KORINT 1:13

Ammi mehe iehen aok hatü nyingaok, ha mü lenei meheyao hami am kü nenyang; dohpü ngoishi ammi ha nyingaokhen shei monglemnyeih.

KOLOSI 2:7

büpa kü tünglang yiüei hatü lingei leipü kü chonglingei am kü nyuhpü keiha menvih shuohpü kü changshishashi nyutuh.

1 THESALONIKA 5:2

mehenangkü Shembüpalei nyih-ü yanüng gühpa hük peipü keiha peikahen shei ammi meishi nyingei nyüke.

2 THESALONIKA 2:2

Shembüpalei nyih ngoiteke shei hamphong leipü peipeih shei eshi thihivam shah, nevaijü shah mü, lai mü peiyei nyujema am mong nejenlenhen nevaijü mongneshanghen shingvaishi khümei enyeih.

2 TIMOTI 1:12

hatü ha tata kü ngei shangpongnyeih. Hei shejao ngei neveünyih; mehenangkü ngei üpa kü hinglem, ha ngei nying, hatü hapa nyih shingvaishi ngei mehe büpa kü nangei tuhphong, büpai ha yomaokhen shei ngei monglempü nyüpeih.

2 TIMOTI 1:18

Hapa nyih kü büpai SHEMBÜPAleipü phahji danghen mü Shembüpai büpa kü nyemyahshuohma! Ephesialei büpai meshük dou dükpa nüngi meishi nyingei nyüke.