1 KORINT 1:30 - DAÜLANGPÜ LAIHING (BSI)

³⁰ Büpayü Jisu Khrista kü ammei yangnyu ngamshing; büpayü jen shing Kahvang leipü kihikon, daülangshemshepü, daühüpü hatü angei leibü leipeih;

1 KORINT 1:30 Referans Kwoze

EPHESIA 1:7

Büpai jen kü shuohpü büpalei phahji mop shangshi büpalei iy homei büpa kü jen angei leipü hatü mang tükpü nyüpeih.

PHILIPPI 3:9

hatü shahkungnyü leipü peipü ngelei daülangshemshepü nevai, shejao Khrista kü hinglempü homei hinglempü kü laphentü vampü Kahvang leipü daülangshemshepü kü nyuei ngei büpa kü eehen.

ROM SHAHSHA APPÜ 8:1

Hanangkü shaang Khrista Jisu kü nyupüthü shingvaishi nyonghüpü neshiü.

1 KORINT 1:2

Korintlei nyupü Kahvangei attoi, Jisu Khrista kü daütükpüthü, daülangpüthü vaihen nyükpüthü mü chemi shing peülei jenei Shembüpa Jisu Khrista– jomei hatü jenei Shembüpa men kü nyükpüthü touei,

EPHESIA 2:10

Mehenangkü jenphongü büpai mehe ling, ha hih, jeni dükhen shingvaishi Kahvangi yeihshi mebü Khrista kü doumei shingvaishi jen lingpeih.

KOLOSI 1:14

Büpa kü jen angei leipü hatü mang tükpü nyüpeih.

1 KORINT 6:11

Am haneiyü hapakei nyuteke. Shejao amphongü paütük, daütük hatü amphongü Shembüpa Jisu Khrista hatü jenei Kahvang Laangha men kü dahshakhüteke.

JOHAN 14:6

Jisui jangei, “Ngeiyü lemnyü, shahhing hatü yangnyu; ngei nehompheikü üpaiyao Opa touei nepeiaokpih.

JEREMIAH 33:16

Hathü nyih kü Judah hatü Jerusalem am yangei nyuhen. Hapa chingnyü kü, “Shembüpayü jenei Yemleipüba” shei nyükhen.

KANDOK 2:6

Mehenangkü Shembüpai kihikon shuohnyüpeih; Büpalei ju kübü nyingpü, hatü danaokpü kon vamnyüpeih;

GALATIA 3:13

Shahkungnyü thaüvaü kübü büpa jen shing thaüvaü hük leiyei Khristai jen angei leiteke; mehenangkü hapa nyangei nyüke: “Pü shangkü üpa aphenshang, büpayü thaüvaütükpü.”

GALATIA 1:4

Hapa nemeipü denhivan kübü jen bümei leihühen tata kü jenei Pa Kahvangi mongpükei jenei mang shingvaishi Khristai laophülei yangnyu shuohpeih.

1 KORINT 1:24

shejao üamphong nyüklang, Jehoda hatü Greek am nyiphen kü Khristayü Kahvangei ngan, hatü Kahvangei kihikon nyüke.

JAKOB 1:5

Am hanei kihikon kü taojema peü kü bhashahshi hatü nekaungi shuohpü Kahvang kü yütuh, hatü ha am kü yahphahen.

2 KORINT 4:6

Mehenangkü Kahvangi, “Vangnyak kü vangngai khanghütuh” shei e, hatü Jisu Khristalei dhe kü Kahvang müknyinshekhang nyingpü vangngai jen kü shuohhen shingvaishi büpai jenei mongdang kü vangngai khangpeih.

SHAKEI VAMPÜ 14:4

Jomphongü nyüha mü nesheihpüthü; mehenangkü jom daüeilangei nyu; jomi Mi Cheha melei dai, halei müei dainyüke. Jomphongü hangku khong kübü Kahvang hatü Mi Cheha shingvaishi angei leilangpü shongpü betjükthü nyuteke,

2 PETER 1:1

Simon Peter, Jisu Khristalei chongphobü hatü phongshan hüki jenei Kahvang hatü Yemleipü Jisu Khrista daülangshemshepü homei ham keiha hinglempü douvang kei yahpüthü touei,

EPHESIA 5:26

shejüang shah homei yungi paüei daüpai pinnyü daülangi leihen;

EPHESIA 4:30

Angei leipü nyih shingvaishi am kü füoshang shüngpü Kahvang Laangha Daülangpü mongtemanghü.

1 KORINT 12:8

Hapa Laangha homei hük kü kihikon shah ehen, hatü hükpa kü aihük Laanghai mongpükei nyingpühingpü shah ehen,

JOHAN 17:8

mehenangkü nüngi ngei kü shuohpü shahthü ngei jomphong kü shuohtepih, hatü jomi ha shah yahteke, hatü hingshangi ngeiyü nüng leipü peipü khih shei jomi nyingteke, hatü nüngi ngei shompü khih shei jomi hinglemteke.

HEBREW 9:12

Büpai halei yum nevaijü mohoh iy homei neshü, shejao büpai laophülei iy homei jen shing nedohnetenpü yemleipü dangei den shing chem mon Longi Daülangpü Shingei shüpeih.

TITUS 2:14

Büpai jen mang peü kübü angei leihen, hatü büpai laophü shing lompü vaihen nangkü doumei dükhüpü nanglakthü daühühen shingvaishi büpai jen shing laophülei yangnyu shuoh.

EPHESIA 1:14

Kahvangi jelangpü büpalei nanglakthü anglanghen mangngoi thahshi hapayü jeni danghen nyupü mükjüp khüamei vangpüshuwpü hük nyüke. Jeni büpalei müknyinshekhang kü vihshah.

1 KORINT 12:27

Shaang amphongü Khristalei büm, hatü pabüm ieyei hapalei phaihan.

ROM SHAHSHA APPÜ 8:23

hatü lingpü douthü mon nevai, shejao üami shongpü Laangha betjükthü angpa, jenao hapeü kei ungei yahhen, hatü jenei büm angei leihen shingvaishi mongei vaüei-eeyei dannyüke.

ROM SHAHSHA APPÜ 8:9

Shejao amphongü phai kü nenyu; Kahvang Laangha am kü nyupü nangkü amphongü Laangha kü nyüke. Üpa kü Khrista Laangha nenyu, büpayü Khristalei nevai.

ROM SHAHSHA APPÜ 5:21

Hanangkü mangi dipü kü vanglem lempükei, Jisu Khrista, jenei Shembüpa homei daülangshemshepai yangnyuyem touei müpü homei phahjipai vanglem lempeih.

ROM SHAHSHA APPÜ 5:19

Shennyak hük ven nedanpü homei longi mang shennyakthü leihüpü keiha, shennyak hüki ven danpü homei longi daülangi leihühen.

ROM SHAHSHA APPÜ 4:25

Jenei mang nangkü büpa dipü kü lanei shuoh, hatü jen dahshakhühen nangkü yangei leishihteke.

ROM SHAHSHA APPÜ 4:6

Hapa keiha Kahvangi üam kü dou ne-omi daülangshemshepü shei ieyeilem, Davidiyao hathü kü moihimanpü jung enyüke:

JOHAN 8:12

Shao Jisui jomphong kü, “Ngeiyü kahdoknyü vangngai. Üpai ngei phei münya, vangnyak kü nekamhen, shejao yangnyu vangngai danghen” shei e.

JOHAN 1:18

Üpaiyao Kahvang ne-ee, shejao hapayü Kahvang Halom Ha, üpa Pa philei nyu, büpai büpa nyinghüteke.’ ”

LUK SHAHSHA APPÜ 21:15

mehenangkü ammei vepa üamiyao am mü nekhangteihen nevaijü shah nedakteihen mü ngei am kü shahthü hatü kihikon shuohhen.

MATHI 1:21

Pinnyüi yeshang hük angkahen, hatü nüngi büpa kü, ‘Jisu’ shei menhen; mehenangkü büpai laophülei nanglakthü jomei mang kübü yanglanghen” shei e.

HOSEA 13:14

Ngei jomphong Sheol nganhiwong kübü yangaokhen je? Ngei jomphong Dipü kübü angei leiaokhen je? Oh Dipü, nüngei cham leü melei nyüpa? Oh mahngchong, nüngi mangtükhen ngan melei nyüpa? Ngei henüng nanglakthü kü hajük kü nephahjipih.

DANIEL 2:20

“Kihikon hatü nganhilongü büpalei; mehenangkü Kahvang men denden kü longtuh.

SHAKEI VAMPÜ 5:9

Jomphongi kesho ja hük lok: “Nüngü laidü yahhen, hatü hapalei füoshang aphen shangpü; mehenangkü nüng jütükteke, hatü nüngei iy homei Kahvang shingvaishi jat, shahlem, nanglak hatü kahmük peü kübü daülangpüthü angei leiteke;

1 JOHAN 5:6

Hapayü yung hatü iy homei peipü Jisu Khrista, yungi mon nevai, shejao yung hatü iy homei. Hatü hapa kü denpü shuohpeyü Laangha; mehenangkü Laanghayü shahhing nyüke.

1 PETER 1:2

Pa Kahvangi jelangpüthü hatü Jisu Khrista kü ven danhen hatü büpalei iy-i haiyei Laanghai daütükpüthü touei: Phahji hatü chingmei am mü bhashahshi nyute.

KOLOSI 3:16

Mop keiha Khristalei shah ammei mongkü maei tuhtuh; kihikon kempü kü hüki hük kü nyuhteituh, hatü nangthongteituh, hatü ammei mongei mongongpai Kahvang kü menvih kesho, khümpü kesho, hatü laangha kesho lokeishuoh.

EPHESIA 1:10

Hapa küpjanü mechem ha vamhen hepak ngoihenshang, Khrista shangjing vaitepü büpa kübü douthü, vangsho hatü kahdoknyü kübü douthü kemei thailanghen.

1 KORINT 12:18

Shejao Kahvangi mongpükei büm kübü phaihan kuk ieyei shaang nyupükei lingteke.

ROM SHAHSHA APPÜ 16:11

Ngelei shem am Herodion kü selam ete. Shembüpa kü nyupü Narcissus am shem kü selam ete.

ROM SHAHSHA APPÜ 16:7

Ngei mü khoklatei nyupü ngelei shem am Andronikus hi Junias nyi kü selam ete; jijiyü phongshanthü khongkü shongnyü, hatü ngei shekü jijiyü Khrista kü nyuhampeih.

ROM SHAHSHA APPÜ 12:5

hapa keiha jen longi nyujao Khrista kü büm hük, hatü lomja ieyei jen peü hüki hük mü heanlem nyüke.

ROM SHAHSHA APPÜ 11:36

Mehenangkü douthü peü büpa leipü hatü büpa homei hatü büpa kü nyüpeih. Büpa kü düngei müknyinshekhang vaituh. Amen.

ROM SHAHSHA APPÜ 1:17

Mehenangkü shahjang meipü kü Kahvang daülangshemshepü shakei vamteke; hapayü pangpü kübü dohpü ngoishi hinglempü homei daülangshemshepü; hapakei nyangei nyüke: “Daülangpüthü hinglempai mon nyuhen.”

PHONGSHANTHÜ DOU 26:18

jomei mük aphühen hatü vangnyak kübü vangngai lemei lephühen, hatü kahshihlei ngan kübü Kahvang touei lephühen, shejüang jomi mang tükpü danghen hatü ngei kü hinglempü homei daütükpü khongkü shing danghühen shingvaishi ngei nüng shomnyeih” shei ephopeih.

JOHAN 17:26

Ngei nüngei men jomphong kü nyinghütepih, hatü ngei ha nyinghühen, shejüang mepa bampai nüngi ngei kü bam, ha bampü jom kü nyuhen, hatü ngei jom kü nyuhen.

DANIEL 9:24

Hapta pejempüanü nüngei nanglakthü hatü ammei chingnyü mang dükpü kübü dohdaihen, mang mahtükmentükhen, mang yaktükhen hatü nedohnetenpü daülangshemshepü hatü shahhing koei peihen, manghkhang hatü thihivam shah dhaümhen hatü daülangpü Phopshem thiteiphuei daühen shingvaishi epü khih.

ISAIAH 54:17

Am kü nemeihen shei lingpü lahhilaong mepayao nenahnelanghen, hatü am kü thaüvaüei epü shahthü peü katitükaokhen. Shembüpa chongphopüthülei mükjüp, hatü jom dah shakhüpeyü ngei leipü shei Shembüpai enyüke.

ISAIAH 45:17

Shejao Israel amü nedohnetenpü yemleipübai yanglanghen; Nedohnetenpü thahshi amü mechemao veü neponghühen.

KANDOK 8:5

Amphong ngapathü, kenhinghen kon yahhahtuh; amphong yoipathü, danaokpü kon yahhahtuh.

KANDOK 1:20

Bangtuh! Kihikoni wongmü chingshongei, hatü banghjüm shingei lenei nyüknyüke;

2 KORINT 12:2

Bong anpüali daiteke, Khrista kü shennyak hük jempabü vangsholei yepei anteke– hapayü büm kü hi manghkhang kü shangkü ngei nenying; Kahvangi nyingnyeih.

ISAIAH 11:2

Shembüpalei laangha büpa kü nyuhen, kihikon hatü danaokpü laangha, shahnying venpü hatü ngan laangha, nyingpühingpü hatü Shembüpalei laangha büpa kü nyuhen.

LUK SHAHSHA APPÜ 11:49

Hanangkü Kahvangi büpalei kihikoni, ‘Ngei jom touei thibüthü hatü phongshanthü shomhen, jomi hathü hanei jühen hatü shüveihen’ shei eteke;

1 KORINT 4:15

Ammi Khrista kü yombüthü haja an nyujao ammei pathü longi nenyu. Hingmei shahjangmei homei Khrista Jisu kü ngei ammei pa leipeih.

1 THESALONIKA 5:23

Chingmei Kahvang, büpai am chemjalak kü daüphahen, hatü jenei Shembüpa Jisu Khrista yiüshingkü ammei laangha, yangnyu hatü yembüm meishi hatü eela neshiüi tuhhen.