1 KORINT 1:21 - DAÜLANGPÜ LAIHING (BSI)

²¹ Mehenangkü Kahvangei kihikonü kahdoknyüi laophülei kihikon homei Kahvang nenyingpü nangkü, ngapükei chongvenpai hinglempüthü yanghen Kahvangi temtükpü nyuteke.

1 KORINT 1:21 Referans Kwoze

LUK SHAHSHA APPÜ 10:21

Hapa hepak kü-üng Jisui Laangha Daülangpü kü mongongei e, “Ngei nüng vihnyeih, Opa, kahdok vangsho Shembüpa; mehenangkü nüngi hathü dou kon kohpü hatü nahpülangpüthü kübü jolangtü aküngnaühathü kü shakei vamhüteke; hih, Opa, hayü nüngi mongpü nyuteke.

MATHI 11:25

Hahepak kü Jisui e, “Ngei nüngei men longnyeih, Opa, vangsho hatü kahdoknyü Shembüpa; mehenangkü nüngi hathü douthü kon kohpü hatü nahpülangpüthü kübü jolang hatü aküngnaühathü kü ha shakei vamhüteke.

EPHESIA 3:10

shejüang attoi homei Kahvang kihikon lem laolao vangsholei vanglem lempüthü hatü yemya yapüthü kü nyinghühen.

1 KORINT 1:24

shejao üamphong nyüklang, Jehoda hatü Greek am nyiphen kü Khristayü Kahvangei ngan, hatü Kahvangei kihikon nyüke.

DANIEL 2:20

“Kihikon hatü nganhilongü büpalei; mehenangkü Kahvang men denden kü longtuh.

ROM SHAHSHA APPÜ 1:28

Kahvang nyinghen jomphong den nengoi shei veiaokpü nangkü Kahvangi jomphong nedükbenüng dou dükhen mongdang ten kü lanei shuohtükpeih.

ROM SHAHSHA APPÜ 11:33

Oh Kahvangei mop meshük longpa! Büpalei kihikon hatü nyingpühingpü meshük chüpa! Büpa shahphenpü mekei yemei neaokbenüng, hatü büpalei lemthü mekei neyaobenüngang!

LUK SHAHSHA APPÜ 12:32

Am tenyem, miha khong; mehenangkü am kü ongching shuohhenü ammei Pa-i mongpü dou hih.

JOHAN 12:31

Shaangü hapa kahdoknyü kü shahphenhen hepak; shaangü hapa kahdoknyü kübü vanglem lembü changtükhen hepak.

1 KORINT 1:18

Mehenangkü shophang jung shahjangmeiyü mah-ei nyupüthü shingvaishi ngashah, shejao jen yangei nyupüthü shingvaishi hapayü Kahvangei ngan nyüke.

1 KORINT 1:23

shejao hami Khrista shophang kü appü jung chongvenpeyü Jehoda am shing huluh yaong, hatü Kung am shing ngashah leidaiteke,

1 KORINT 1:25

Mehenangkü Kahvang ngapeyü shennyakei kihikon mü nahpüba, hatü Kahvang wong nekohpeyü hangkulei wong mü wong kohpüba.

1 KORINT 1:27

Shejao Kahvangi nahpüthü veühühen hapa kahdoknyü kü nenying nehingpüthü jepeih, hatü Kahvangi wong kohpüthü veühühen hapa kahdoknyü kü wong nekohpüthü jepeih;

1 KORINT 2:14

Üam kü Laangha nenyu, Kahvang leipü Laangha thinthothü danghen neaok; mehenangkü hathüyü jom shingvaishi ngadou, hatü hathü jung jomi nenyingaokpih; mehenangkü jomphongü meheshang laangha kü nyingdaiteke.

1 KORINT 4:10

Khristalei men kü hamphongü ngapathü kei, shejao amphongü Khrista kü longi nahshi nyüke. Hamphongü wong nekoh, shejao amphongü wong kohshi nyüke! Amü dhüm kohshi, hamphongü dhüm neshiü.

1 KORINT 6:2

Daülangpüthüi kahdoknyülei shahphenhen shei ammi nenyingnyu je? Ammi kahdoknyülei shahphenhen vaijema, maanpü shahhidou shahphenhen neaokpü je?

1 KORINT 11:32

Shejao mechem Shembüpai jen kü shahphenhen, jen kahdoknyü mü nenyonghühen shingvaishi jen kü ungei-aeinyeih.

GALATIA 1:15

Shejao mechem ngei bühshekü ngei jelangpü Kahvangi büpalei phahji homei ngei kü nyükpa,

GALATIA 4:8

Shelei mechem ammi Kahvang nenyingi nyupa, amphongü nyingnyoi kü-üng Kahvang nevaipü kahvangthülei aa vaihampeih.

EPHESIA 1:9

büpai Khrista kü mong hahpü aimü büpai mongpü shahjo jen kü nyinghüteke.

KOLOSI 1:19

Büpa kü Kahvang dei-aei maei nyuhen mong hahpeih,

HEBREW 1:14

Vangsho phongshanthü peü Kahvang chongphopü laanghathü, yemleipü mükjüp danghenthü touei büpai chongphohen nangkü shompüthü nevaipü je?

HEBREW 2:3

hajük longpü yemleipü yaktükjema jen mekei etü yanghen? Hapayü shongpü kü Shembüpa homei baong, hatü hapayü büpa leipü danpüthüi jiüpeih shei ham kü lekhünyüke.

HEBREW 7:25

Hanangkü büpa homei Kahvang touei peipüthü peü den kü yangei tuhhen aoknyüpeih; mehenangkü büpai den kü jom shing phopnyüke.

JAKOB 4:4

Mükbongjuyungpüthü! Kahdoknyü mü mongjem pongpeyü Kahvang mü vepa shei ammi nenyingnyu je? Hanangkü üami kahdoknyülei küphü vaihünya Kahvangei vepa leidainyeih.

JAKOB 5:15

Hinglemei phoppai tüngpü meihen, hatü Shembüpai jom phukei uohühen; büpai mang thah-ei nyujao büpa kü ha mang tükhen.

JAKOB 5:20

Ha deih-ei dangtuh: Üami mang shennyak hük lemnyong kübü müei leihenshang, ha mang shennyakei laangha dihen kübü yanglanghen, hatü mang longi küpei tuhtüknyeih.