1 KORINT 1:20 - DAÜLANGPÜ LAIHING (BSI)

²⁰ Shejema nahpülangpü shennyak melei nyüpa? Lai longi manpü melei nyüpa? Hapa den jung nih-ei khoei nyingpü melei nyüpa? Kahvangi hapa kahdoknyülei kihikon ngadou neleitükangpü je?

1 KORINT 1:20 Referans Kwoze

ROM SHAHSHA APPÜ 1:22

Nahpülangpü am shei ehahnyüke, shejao jomü ngapathü leidaiteke;

JOB SHAHSHA APPÜ 12:17

Büpai vanglem lempüthü kon neshiüi leitüknyeih, hatü shahphenbüthü ngapathü kei leitüknyeih.

1 KORINT 3:19

Mehenangkü hapa kahdoknyü kihikonü Kahvang touei ngadou nyüke. Mehenangkü ha nyangei nyüke: “Büpai nahpüthü jomei glüp mü yeplangnyeih,”

1 KORINT 1:19

Mehenangkü ha nyangei nyüke: “Ngei nahpüthülei kihikon mahtükhen, hatü yaopüthülei kon ngei küptükhen.”

ISAIAH 44:25

Ngei lak-ow veipüthü ngapa leitüknyeih, hatü phongyompüthüi tetpü ngashah leitüknyeih. Ngei nahpülangpüthülei kihikon yaktüknyeih, hatü ngashah yoishah leitüknyeih.

JOB SHAHSHA APPÜ 12:24

Büpai kahdoknyü mübüthülei kihikon yahlangnyeih, hatü angsha lem kü paüeiyonei longteihünyeih.

1 KORINT 2:6

Shejao hapa den kübü kihikon, nevaijü mahdaihen demtükpü vanglem lembüthülei kihikon nevaijao hami behethü mü kihikon shah enyeih.

ISAIAH 53:1

Hamei shahjang kü üpai hinglempa? hatü üpa kü Shembüpalei lak shakei vampa?

ISAIAH 33:18

Ammei mongkü, “Hapa lakchongbü longpü melei daipa? kahdok lat thaiteipü melei daipa? Shangdüthü kü khei vaipü shennyak melei daipa?” shei shelei nyemtükpü leyei peikahen.

JOB SHAHSHA APPÜ 12:20

Büpai monglempü shennyakthülei ju khüamtüknyeih, hatü behethü leipü kenhingmonghapü yahlangnyeih.

2 SAMUEL 17:23

Mechem Ahithopheli büpai epü shahnying neyah-ang shei nyingpa, büpai laophülei gadu kü uotü shem yemei lei, hatü shem meishi jungei tuhphongtü büpa bakla kü phenei di. Büpalei mahng chepalei mahngchongei vü.

2 SAMUEL 17:14

Absalom hatü Israel shennyakthü kemei, “Ark am Hushai-i epeyü Ahithopheli epü mao meipüba khih” shei e. Shembüpai Absalom lomohhühen shingvaishi Ahithopheli epü shahnying meipeyü nejiüpükei leitük.

2 SAMUEL 16:23

Hathü nyih kü Ahithopheli epü shahnyingü Kahvangei shah kei yahhamteke. Hanangkü David hatü Absalom nyipheni Ahithophelei shahnyingü vihyaki yah.

2 SAMUEL 15:31

Mechem David kü, “Ahithophelao Absalom mü omshi nyükeja” shei eshuohpa, Davidi, “Oh Shembüpa, Ahithopheli epü shahnyingthü kemei ngashahyoishah leitükhütuh” shei phop.

JEREMIAH 10:7

Üpai nüng kü dhüm neshuohhenang, Oh jatthü kü ongpa? Hapayü nüng kü shuohhen shangpü dhüm. Jatthü kü nahpülangpüthü peü khongkü, hatü ongchingthü peü khongkü nüng kei üpayao neshiü.

MATHI 13:22

Hüh chi kü vüpü sheiliyü ha hih; hanei ami hapa shah dannyüke, shejao kahdok yangnyu chudeih mongshang hatü mop vaüpai hapa shah lümtükhünyeih hatü betjük nejüki leidainyeih.

JOHAN 12:31

Shaangü hapa kahdoknyü kü shahphenhen hepak; shaangü hapa kahdoknyü kübü vanglem lembü changtükhen hepak.

PHONGSHANTHÜ DOU 17:18

Shao Epikurean hatü Stoik vaipü vanglem kü nyingpühingpüthüi büpa mü shah doktei. Hanei ami, “Hapa shahvang ahpai mehe ehünyuja” shei e. Lebüthüi, “Büpayü mih Kung amei Kahvang jung baongbü khih” shei e. (Hayü büpai Jisu jung shahjang meipü hatü yangei leipü jung epü nangkü nyuteke.)

ROM SHAHSHA APPÜ 1:20

Kahvangi kahdoknyü linghinüng müki ne-eeaokjao büpalei nedohnetenpü ngan hatü Kahvang nyingnyoi büpai lingpü douthü homei lekei nyingteke hatü eeteke. Hanangkü ha shennyakthü shingvaishi yanglem neshiü;

1 KORINT 1:26

Jeihinaü hatü nyahinaüthü, laophü kü nyükpü deih-ei dangtuh: hangkulei laphen aimü am longshi shing nahpü am nevai, longshi shing wong kohpü am nevai, hatü longshi shing shamei shemmei kü bühpü am nevai.

1 KORINT 1:27

Shejao Kahvangi nahpüthü veühühen hapa kahdoknyü kü nenying nehingpüthü jepeih, hatü Kahvangi wong kohpüthü veühühen hapa kahdoknyü kü wong nekohpüthü jepeih;

1 KORINT 1:28

hatü Kahvangi hapa kahdoknyü kü nyupü douthü neshiüi leitükhen shingvaishi maanpü, hatü yaktükpü hatü nadang neshiüpü douthü jepeih.

1 KORINT 2:8

Hapa den vanglem lembüthü üpaiyao ha nenying; jomi paoh ha nyinglang meyü jomi müknyinshekhang Shembüpa shophang kü ne-aptükhen vaipeih.

1 KORINT 3:18

Am laophü nyingi telutelemhah. Hapa den kü amphong nahpeih shei deihjema, am nahpü am leihen shingvaishi ngapa leihen vongbong.

1 KORINT 6:2

Daülangpüthüi kahdoknyülei shahphenhen shei ammi nenyingnyu je? Ammi kahdoknyülei shahphenhen vaijema, maanpü shahhidou shahphenhen neaokpü je?

1 KORINT 11:32

Shejao mechem Shembüpai jen kü shahphenhen, jen kahdoknyü mü nenyonghühen shingvaishi jen kü ungei-aeinyeih.

JAKOB 4:4

Mükbongjuyungpüthü! Kahdoknyü mü mongjem pongpeyü Kahvang mü vepa shei ammi nenyingnyu je? Hanangkü üami kahdoknyülei küphü vaihünya Kahvangei vepa leidainyeih.