1 KORINT 1:13 - DAÜLANGPÜ LAIHING (BSI)

¹³ Khristayü hanteitü nyüpü je? Am shing Paul shophang kü apphei je? Nevaijü amphong Paulei men kü baptükpü je?

1 KORINT 1:13 Referans Kwoze

EPHESIA 4:5

Shembüpa hük, hinglempü hük, baptükpü hük,

2 KORINT 11:4

Mehenangkü hanei ami am touei peiyei hami chongvenpü Jisu jung mü lenei lebü jisu jung chongvenphüjü, nevaijü ammi yahpü laangha mü lenei lebü laangha jung nyuhphüjü, nevaijü ammi yahpü shahjangmei mü lenei lebü shahjangmei chongvenphüjü ammi hapayü temtüktü nyupükei yahnyüke.

PHONGSHANTHÜ DOU 2:38

Peteri jomphong kü, “Amphong mong leptuh, hatü am peüi Jisulei men kü yung kü hüngtuh, shejüang ammei mang tükphahen, hatü amphongi Laangha Daülangpü thintho danghen.

1 KORINT 10:2

hatü jom peü Mosa phei müei phum hatü yungching kü baptükteke,

PHONGSHANTHÜ DOU 19:5

Ha danei jomi Shembüpa Jisulei men kü baptükteke.

PHONGSHANTHÜ DOU 10:48

Hanangkü büpai Jisu Khristalei men kü baptükhen jomphong kü ngeükhüam shuoh. Hapheikü jomi büpa kü nyih kansho hük themhen pheteke.

GALATIA 1:7

Hapayü hingmeipü shahjangmei nevai, shejao shennyak hanei homei am jü-ühünyu khih, hatü Khristalei shahjangmei nyongnyongi leitükhen khenyu khih.

MATHI 28:19

Hanangkü daituh, jatli peü nanglak leihütuh; Pa, Ha hatü Laangha Daülangpü men kü jomphong yung kü hüngtuh,

TITUS 2:14

Büpai jen mang peü kübü angei leihen, hatü büpai laophü shing lompü vaihen nangkü doumei dükhüpü nanglakthü daühühen shingvaishi büpai jen shing laophülei yangnyu shuoh.

1 KORINT 1:15

Hanangkü amphong üpaiyao ngelei men kü baptükpeih shei ne-eaokhen.

ROM SHAHSHA APPÜ 14:9

Ha tata kü büpayü dipü hatü yemmü nyupü nyiphenei Shembüpa vaihen shingvaishi Khrista di hatü yangei leipeih.

PHONGSHANTHÜ DOU 8:16

(Mehenangkü Laangha Daülangpü jomphong üpa kao mangbaki nyuteke; jomphongü Shembüpa Jisulei men kü mon baptüktü nyuteke).

MATHI 3:6

hatü jomei mangthü lah-ei Jordan yungyenei büpai jom kü yung kü hünghüteke.