1 KORINT 1:10 - DAÜLANGPÜ LAIHING (BSI)

¹⁰ Jeihinaü hatü nyahinaüthü, shaang am peü mongjemei am khongkü hanteipü neshiüi, shejao mong hük, mükhong hük kü mongjemei nyukütuh shei jenei Shembüpa Jisu Khristalei men kü ngei am kü khümnyeih.

1 KORINT 1:10 Referans Kwoze

1 KORINT 12:25

shejüang büm kü hanteipü nenyuhen, shejao phaihanthüi hüki hük mü aihük mü jungteihen.

ROM SHAHSHA APPÜ 12:16

Hüki hük mü meiteishi nyutuh; am techangmei; phangpa kü nyupüthü mü küeijemtuh; nüngi laophü nyingi nahnyu kei tedeihhah.

2 KORINT 13:11

Dohpülei, jeihinaü hatü nyahinaüthü, selam. Changpüshapü leihen mükhong tuhtuh, ngei khümpü kü bangtuh, mong hük mü nyutuh, chingmei kü nyutuh; bampü hatü chingmei Kahvang am mü nyukahen.

MENVIH KESHO 133:1

Veituh jeihinaüthü chemi mongjemshi nyuhen mekei meipa, hatü mongongpa!

1 KORINT 11:18

Shongpüba kü, mechem am attoi am chemi thaihenshang amphong khongkü hanteipü nyüke shei ngei dannyüke, hatü hapayü vaiteke shei ngei hinglemnyeih.

PHILIPPI 1:27

Khristalei shahjangmei-i napükei ammei yangnyu dei-aei nyutuh; ngei peiyei am mü pongjao nevaijü ngei nepeijao am jung danhen, shejüang amphong laangha hük kü mong hük leiyei shahjang meipü kü hinglemei wong kohshi yaongnyüke shei ngei nyinghen,

ROM SHAHSHA APPÜ 16:17

Jeihinaü hatü nyahinaüthü, ammi danpü nyuhpüvenpü khüei neshetnephen dehilao hatü huluh shuohpü vamhüpüthü kü mükhingshi veituh shei ngei am kü enyeih; hathü kübü yanei nyutuh.

2 KORINT 5:20

Hanangkü hamphongü Khrista shing lembüthü; mehenangkü Kahvangi hamphong homei nanglakthü kü nyükhen phepü nangkü Khristalei men kü hami khümnyeih, Kahvang mü mongjemei leituh.

1 KORINT 4:16

Ngelei yangnyu lappü hük yahtuh shei ngei am kü khümnyeih.

PHONGSHANTHÜ DOU 4:32

Shaang vaipüthü peü chudeih mongdang hük mü nyu, hatü jom üpaiyao hayü ngei lompü mop shei ne-e, shejao jomi angpü lemphü sheppü vaiteke.

JEREMIAH 32:39

Ngei jom meihen shingvaishi jomi ngei kü nyemhen nangkü mongdang hük dou hük shuohhen.

JOHAN 17:23

Ngei jom kü hatü nüng ngei kü nyüke; jomphong hük leiyei mongjemhen, shejüang nüngi ngei shompü khih, hatü nüngi ngei kü bampükei ngei jomphong kü bampü khih shei kahdoknyüi nyinghen.

1 THESALONIKA 5:13

Jomei dou nangkü bampü kü jomphong peü mü shaopü dhüm shuohtuh. Hüki hük mü chingmei kü nyutuh.

ROM SHAHSHA APPÜ 12:1

Hanangkü jeihinaü hatü nyahinaüthü, ammei büm Kahvang touei daülangpü hatü yah-aokbenüng yemmü tuhtü jakpü moila kei shuohtuh shei ngei Kahvang phahji homei am kü khümnyeih– hapayü ammi laangha kü khümpü dou nyüke.

JOHAN 10:19

Hathü shah nangkü Jehoda am shao khong hanteke.

1 PETER 2:11

Bampü küphüthü, kahdoknyü kü yenpa hük keiha ngei am kü enyeih, laangha khüei hokpü phai-i yahhüpü peü kübü yanei nyutuh.

2 TIMOTI 4:1

Kahvang hatü Khrista Jisu ompü touei, üpai yemmü nyupü hatü didaipüthü shahphenhen, hatü büpa yiükahen hatü büpalei ongching danei ngei nüng kü ha nangei tuhnyeih:

PHILIPPI 3:16

Jeni mehe dangaok, ha kü mon wongshongi shoungtü nyushah.

2 KORINT 10:1

Khrista nenteiaokpü hatü inpünyaipü homei ngei, Pauli am kü khümei enyeih– ngei am mü dhe dhe gongei thaijü veüpükei nyunyeih, shejao mechem yanei daihen am touei monglongshi nyunyeih.

JOHAN 7:43

Hanangkü büpa nangkü khong shahju nejiütei-i vam.

MARK 2:21

“Üpaiyao ashak ja yah-ei ashak chang nethapnyih; hapakei shejema chang kü ja namei thüngpü shaakei lüdaihen, hatü nemeipüba shaakdainyeih.

MATHI 9:16

Üpaiyao ashak chang kü ashak ja namei nethüngnyih, namei thüngpai nyeinya nemei-i shaakdainyeih.

1 TIMOTI 5:21

Kahvang hatü Khrista Jisu hatü jelangpü vangsho phongshanthü omshi hathü shahkung baong nehani dükhen, hatü loukei bampü neshiüi dükhen ngei nüng kü shahvüng shuohnyeih.

2 THESALONIKA 2:1

Jenei Shembüpa Jisu Khrista yiükahen nang hatü jen büpa mü chemi thaihen nangkü jeihinaü hatü nyahinaüthü,

GALATIA 4:12

Jeihinaüthü, ngei am kei leipü keiha amao ngei kei leituh shei khümei enyeih. Ammi ngei kü meheyao nejiüpü nedük.

2 KORINT 6:1

Jen chemi büpa mü dou dükshingkü Kahvang phahji angkong kü neyahhen hami am kü enyeih.

ROM SHAHSHA APPÜ 15:30

Jeihinaü hatü nyahinaüthü, jenei Shembüpa Jisu Khrista hatü Laanghai bampü homei ngelei men kü Kahvang kü phoppü kü ngei mü omkütuh shei ngei am kü khümnyeih;

JOHAN 9:16

Pharisee am hanei-i, “Hapa shennyakü Kahvang leipü nevai; mehenangkü büpai Sabbath jiüshi nethemnyu” shei e. Shejao lebüthüi, “Mang shennyak hüki mekei etü hapa keipü yashanyale dou dükaoknüng” shei e. Khongü nyi vaishi hantü nyu.

ROM SHAHSHA APPÜ 1:13

Ngei lebü Kung am mü dükpü keiha ngei am khong kübüao hanei lepei leihen nangkü ngei am touei peihen deihteke, (shejao shaang thahshi ha bangtükteke); ha nyingtuh, jeihinaüthü hatü nyahinaüthü.

1 KORINT 1:11

Ngelei jeihinaü hatü nyahinaüthü, am khongkü dehilao nyüke shei Khloe am shemi ngei kü eküpeih.

1 KORINT 3:3

mehenangkü am shaang thahshi phailei nyüke. Am khongkü mükhühteipü, hatü dehilao nyupü thahshi amphongü kahdoknyü phai, hatü hangkui lümpükei nyunyu nevaipü je?

2 KORINT 13:9

Mechem ham wong nekoh, shejüang ham mongongnyeih, shejao ammü wong kohnyüke; hatü ha tata kü hami phoppeyü am changeishaei leihen shingvaishi nyüke.

1 PETER 5:10

hatü phahji peüei Kahvang, üpai Khrista kü nedohnetenpü müknyinshekhang touei am nyükpa, am kansho hük shangpong pheikü büpai am changhüshahühen, am wong kohhühen, sheühphahen hatü chonglinghühen.

JOSHUA 22:15

Mechem jomi Gilead kahdokei heih-ei bhaosheipü Manasseh jat, Reuben hatü Gad jatthü mü pongteipa, jomi hathü kü,

MARK 3:24

Ongching hüki laophü kü-üng khüei hanjema, mechemao hapa ongching neyaongaokpih,