7 Denpü jem nyüke.
Hanangkü daituh, jatli peü nanglak leihütuh; Pa, Ha hatü Laangha Daülangpü men kü jomphong yung kü hüngtuh,
Hamphongü hapa jung hatü büpalei ven danpüthü kü Kahvangi Laangha Daülangpü shuohpü jung denbüthü hih” shei jangei e.
Chongpangpülei Shah nyu, hatü Shah Kahvang mü nyu, hatü Shah-ü Kahvang nyuteke.
Kahvangei lakdah philei longei anshihtü Pa leipü Laangha Daülangpü lahpü dangteke, hatü ha büpai am kü khüpphopü shaang ammi eenyüke, hatü dannyüke.
Hapayü yung hatü iy homei peipü Jisu Khrista, yungi mon nevai, shejao yung hatü iy homei. Hatü hapa kü denpü shuohpeyü Laangha; mehenangkü Laanghayü shahhing nyüke.
Jisui jangei, “Ngei nyingi müknyinshekhanghahjema, ngelei müknyinshekhangü angsha. Ngei müknyinshekhanghüpeyü ngelei Opa hih; ammi büpa nenyingjao üpa jung ammi ‘Büpayü hamei Kahvang’ shei enya, hayü büpa hih.
Büpa shah eyei nyushingkü phum shola peiyei dhüm, hatü phum leipü ngeü hük vamei, “Hapayü ngei bampü Ha, ngei büpa kü mong hahnyeih; büpai epü bangtuh!” shei e.
Shembüpa Kahvangei laangha ngei kü nyüpeih, mehenangkü Shembüpai ngei jepeih; Büpai ngei tokvaihanghipüthü touei shahjangmei kohen, mongdang mangdaipüthü meihühen, Wüpküpei nyupüthü kü bümei baonghen, hatü khoklatei nyupüthü laihühen;
Opa hatü ngeiyü hük.
Shembüpalei shah-i vangshothü lingpeih, hatü büpai ngü heepai lithathü peü lingpeih.
Bangtuh, Oh Israel, Shembüpa, hatü Shembüpa monha jenei Kahvang shei deihtuh.
Mehenangkü Pa kü büpa kü-üng yangnyuyem nyupü keiha Ha kao büpa kü yangnyuyem nyuhen shuohpeih;
Büpayü iy kü hüngtükpü bhagthuh thuhshi nyuteke, hatü büpalei menü Kahvang Shah.
Opa, nüngei men müknyinshekhangtuh.” Hahepak kü, “Ngei müknyinshekhangtepih, hatü shao müknyinshekhanghen” shei vangsho leipü ngeü vam.
Ngei ngei nangkü denpü shuohnyeih, hatü ngei shompü Pa-i ngei nangkü denpü shuohnyeih” shei e.
Shejao nüngi epü kü nebangküjema, nüng mü hük nevaijü nyi mütuh, shejüang nyi nevaijü jem denbüthü nyushi eteipü shah peü jomi denpü shuohhen.
Yangnyu shah nang mehe chongpangpülei nyu, mehe hami dan, mehe hamei müki ee, mehe kü hami vei, hatü mehe kü hamei laki dük, ha jung hami am kü baongnyeih.
Hapayü shahhing Laangha. Kahdoknyüi büpa neyah-aok; mehenangkü kahdoknyüi büpa ne-eeaok nevaijü nenyingaok. Shejao ammi büpa nying; mehenangkü büpa am mü nyüke, hatü am kü nyukahen.
Ngei am kü Opa leipü shompü Sheühbü mechem peikahen, Opa leipü peipü shahhing Laanghai ngei nangkü denpü shuohhen.
Laangha, yung hatü iy hatü hathü jemphen aihük mü denpü shuohnyüke.
