1 JOHAN 5:4 - DAÜLANGPÜ LAIHING (BSI)

⁴ mehenangkü mepa mepa Kahvangi büh kahdoknyü neüaoknyeih. Kahdoknyü neüei aokpü dangpeyü jen hinglempü hapa hih.

1 JOHAN 5:4 Referans Kwoze

1 KORINT 15:57

Shejao jenei Shembüpa, Jisu Khrista homei jen kü aokpü shuohpü Kahvangei men longtuh.

1 JOHAN 4:4

Maanpü hashihthü, amphongü Kahvang leipü nyüke hatü ammi hathü neüteke; mehenangkü üpa am kü nyu, büpayü kahdoknyülei nyupüba mao longpüba.

JOHAN 16:33

Ngei kü am chingmei nyuhen shingvaishi ngei hathü am kü etepih. Kahdoknyülei am shüveipü ponghen, shejao monglongtuh; mehenangkü ngei kahdoknyü aoktepih.”

1 JOHAN 3:9

Kahvangi bühpü üpayao sheüshi mang nethahnyih; mehenangkü Kahvangei sheili büpa kü nyunyeih; büpa Kahvangi bühpü nangkü büpai nedoh-i mang thah-ei nenyunyih.

1 JOHAN 5:5

Kahdoknyü neüaokpeyü üpaang shei shejema Jisu-ü Kahvang Ha shei hinglempü shennyak hih.

SHAKEI VAMPÜ 3:21

Üpai vehok neünya, ngei vehok neütü Opa mü büpalei ong uoshing kü uopükei büpaao ngei mü ngelei ong uoshing kü uohen shing shuohhen.

SHAKEI VAMPÜ 12:11

Shejao jomi Mi Chehalei iy homei, hatü jomei shah-i denpü homei büpa neütükteke, mehenangkü dihen vaijao jomü yangnyu lanei shuohhen mongei nyuteke.

SHAKEI VAMPÜ 3:5

Ammi vehok neüjema, amphongao jomphong kei shola ow owhen, hatü ammei men vanyangyem laitap kübü nethittükhen; ngei ammei Opa hatü büpalei vangsho phongshanthü touei lahhen.

SHAKEI VAMPÜ 2:11

Üpa kü danhen dhaong nyu, Laanghai attoithü kü mehe enya ha bangtuh. üami vehok neünya, nyipabü dipai jom kü nehongpih.

SHAKEI VAMPÜ 3:12

Ammi vehok neüjema, ngei amü ngelei Kahvangei phopshemei shemnyü hük leihühen; am haleipü vamei nedaihen. Ngei am kü ngelei Kahvangei men hatü ngelei Kahvangei chingnyü men nyanghen; hayü vangsho leipü vamei ngelei Kahvang leipü yiüpü ja Jerusalem hatü ngelei men ja nyuhen.

SHAKEI VAMPÜ 2:26

Üami vehok neünya, hatü dohpü thahshi ngelei dou nedoh-i düknya, ngei opa leipü wong yahpükei ngei jatthü shak kü wong shuohhen.

1 JOHAN 5:1

Üpai Jisu-ü Khrista shei hinglem, büpayü Kahvangi bühpü, hatü üpai nyühipa kü bam hapeü kao bamnyeih.

SHAKEI VAMPÜ 15:2

Hapheikü veiheni aina keipü yungching mü aw vuktü ngei ee, hatü hapa yemha hatü büpalei lajei hatü hapalei men bhei-ie kü vehok neüpüthü aina keipü yungching touei Kahvangi shuohpü harp jomei lakei notü nyu,

SHAKEI VAMPÜ 2:7

Üpa kü danhen dhaong nyu, Laanghai attoithü kü mehe enya ha bangtuh. Vehok neüpü peü kü Kahvangei Paradise leipü yangnyuyem pü kübü hahhen ngei shuohhen.”

SHAKEI VAMPÜ 2:17

Üpa kü banghen dhaong nyu, Laanghai attoithü kü mehe enya, ha bangtuh. Üami vehok neünya, ngei jom kü joshi nyupü manna shuohhen, hatü ngei yaong shola hük hapa kü yahbüi nyingpü mü lenei üpaiyao nenyinghen mü men ja hük nyangtü shuohhen.

JOHAN 1:13

Jomphongü iy nevaijü phai-i mongpü nevaijü hangku-i mongpü kü bühpü nevai, shejao Kahvangi bühpüthü.

JOHAN 3:3

Jisui büpa kü, “Hingmei mü ngei nüng kü enyeih, nyipabü nebühpheikü üpaiyao vangsho ongching dangnüng neaokpih” shei e.

1 JOHAN 2:29

Ammi büpayü daülangpü shei nyingjema, mehe jiü ha dükpüthü peü büpa kübü bühpeih shei ammi nyingei nyüke.

1 JOHAN 5:18

Kahvangi bühpüthü mang thah-ei nenyunyih shei jeni nyingnyüke, shejao Kahvangi bühpü shennyak yangei tuhnyeih hatü kahshih-i büpa kü lak nehingnyih.