1 JOHAN 5:18 - DAÜLANGPÜ LAIHING (BSI)

¹⁸ Kahvangi bühpüthü mang thah-ei nenyunyih shei jeni nyingnyüke, shejao Kahvangi bühpü shennyak yangei tuhnyeih hatü kahshih-i büpa kü lak nehingnyih.

1 JOHAN 5:18 Referans Kwoze

1 JOHAN 3:9

Kahvangi bühpü üpayao sheüshi mang nethahnyih; mehenangkü Kahvangei sheili büpa kü nyunyeih; büpa Kahvangi bühpü nangkü büpai nedoh-i mang thah-ei nenyunyih.

1 JOHAN 5:4

mehenangkü mepa mepa Kahvangi büh kahdoknyü neüaoknyeih. Kahdoknyü neüei aokpü dangpeyü jen hinglempü hapa hih.

JUD SHAHSHA APPÜ 1:21

Kahvang bampü kü am nyutuh; vanyangyem lemei müpü jenei Shembüpa Jisu Khristalei phahji kü shesha lemei veituh.

1 JOHAN 5:1

Üpai Jisu-ü Khrista shei hinglem, büpayü Kahvangi bühpü, hatü üpai nyühipa kü bam hapeü kao bamnyeih.

JUD SHAHSHA APPÜ 1:24

Shaang büpa, üpai nüng dohen kübü yangei tuh-aok, hatü büpalei müknyinshekhang mü mongongpü touei nüng kawhikang neshiüi yaonghüaok,

1 JOHAN 3:3

Hapa monglem nyupüthü peüi büpa daülangi nyupükei laophü nyingi daülangi nyutuh.

JAKOB 1:27

Kahvang jenei Pa-i yahhüpü daülangpü hatü pungpü neshiüpü vaipü vanglemü hapa hih: hashihhathü hatü vaümnyüthü shanghahpü kü veihen hatü kahdoknyüi sheihtükhen kübü laophü yangei nyupü ha hih.

1 PETER 1:23

Amphongü mahbenüng nevai, nemahbenüng li Kahvangei yangnyu yem hatü nedohnetenpü shah homei nyipabü angteke.

1 JOHAN 2:29

Ammi büpayü daülangpü shei nyingjema, mehe jiü ha dükpüthü peü büpa kübü bühpeih shei ammi nyingei nyüke.

JOHAN 15:9

Opa-i ngei kü bampü keiha ngeiyao amphong kü bamnyeih; ngei kü nyutuh.

MENVIH KESHO 119:101

Nüngei shah banghen shingvaishi ngelei la ten lem peü kübü yepei tuhlangnyeih.

MENVIH KESHO 18:23

Ngei büpa touei eela nekoh-i nyupeih, hatü ngei nyingi mang kübü yanei nyupeih.

MENVIH KESHO 17:4

Ngei mih-i kei ten ne-enyih, nüngi epü bangei, ngei depülaopü lem kü nekamnyih.

SHAKEI VAMPÜ 2:13

Melei Satan ong uoshing nyu, halei am nyupü ngei nyingnyeih. Shejao ammi ngelei men kü wongshongi shoungnyüke, hatü ngelei denbü Antipas, ngei kü hinglempü hük, Satan nyushing ammei chingnyülei jütükpü nyih kao ammi ngelei men kü hinglempü neyaktük.

1 JOHAN 5:21

Bampü hashihthü, am nyingi lajeithü kübü yanei nyutuh.

1 JOHAN 4:6

Jenphongü Kahvang leipü. Üami Kahvang nying, jeni epü bangnyeih, hatü üam Kahvang leipü nevai jeni epü kü nebangnyih. Ha homei shahhing laangha hatü shahshem laangha jeni baong hanei nyingnyüke.

JOHAN 15:7

Amphong ngei kü nyujema hatü ngelei shahthü am kü nyujema, ammi mehe na ha yütuh hatü ha am kü shuohhen.

JOHAN 1:13

Jomphongü iy nevaijü phai-i mongpü nevaijü hangku-i mongpü kü bühpü nevai, shejao Kahvangi bühpüthü.

KANDOK 4:23

Peü mü nüngei mongdang yomtuh, mehenangkü hapayü yangnyu yunglok khih.

MENVIH KESHO 39:1

“Ngelei lemthü kü veihen, hatü ngelei yei-i mang nethahhen yomhen. Nemeipüthü ngei touei nyupü thahshi ngei ngelei ju shümlanghen” shei ngei eteke.

1 JOHAN 3:12

Jenphongü laophülei naüpeü jütükpü kahshih leipü Kain kei nevaihen khih. Mehekei büpai chenaü jüpa? Mehenangkü büpai dükpü dou nejiü, shejao chenaüi dükpü dou jiüshi nyuteke.

PHONGSHANTHÜ DOU 11:23

Mechem büpa peipa, Kahvang phahji eeyei büpa mongong, hatü büpai peü kü lanei shuoh-ei Shembüpa kü hinglemei nyuhen nangthongei e;

JOHAN 15:4

Ngei kü nyutuh, hatü ngei am kü nyuhen. Pü bümnyü kü nenyupheikü kao hük mekei etao betjük nejükaok; hapa keiha ngei kü nenyupheikü am nyingi betjük jüknüng neaok.

JOHAN 14:30

Ngei amphong mü hajük kü ahshi ne-ehen; mehenangkü hapa kahdoknyü vanglem lembü peikünyüke. Büpa ngei shak kü mehe wongao neshiü;

JAKOB 1:18

Jenphong büpai lingpü peü mü shongpü betjük leihen shingvaishi büpalei mükhong jiühüei büpai jen shahhing shah-i bühpeih.

MENVIH KESHO 119:3

Jomi nejiüpü meheyao nedüknyu, jomi büpalei lemthü kü kamnyüke.

MATHI 5:37

Nüngei shah-ü, “Hih, shejü hih” nevaijü, “Nevai, shejü nevai” shei etuh. Ha mü lendaipü peü mang kübü vamnyüke.

MATHI 6:13

Nüngi ham shüveipülei temühü, shejao nemeipü leipü ham yangtuh. Mehenangkü ongching ngan, hatü müknyinshekhang düngei nüng lompü vaituh.” Amen.

1 JOHAN 5:15

Jeni mepa yü büpai jeni epü dannyeih shei jeni nyingjema, jeni büpa kü yüpü dangteke shei jeni nyingnyüke.

1 JOHAN 5:19

Jenphongü Kahvangei hapeüthü shei jeni nying, shejao kahdoknyü kemei kahshihlei ngan phangkü nyüke.

1 JOHAN 5:20

Jeni büpayü shahhing shei nyinghen shingvaishi Kahvang Ha peiyei jen kü danaokpü shuohpeih shei jeni nyingnyüke. Jenphongü üpa shahhing büpa kü nyüke– hapayü büpalei Ha Jisu Khrista. Büpayü hingshangpü Kahvang hatü yangnyuyem.

LEVI 11:37

Sheihen sheilivungla kü hathü yemha mahng hük dangkao vüei shükjema, hayü daülangpü vaihen.