1 JOHAN 5:14 - DAÜLANGPÜ LAIHING (BSI)

¹⁴ Büpai mongpü aimü jeni lemhük dangkao yüjema büpai jeni epü dannyeih shei jeni büpa kü monglempü nyüpeih.

1 JOHAN 5:14 Referans Kwoze

JOHAN 14:13

Ha kü Pa müknyinshekhanghen shingvaishi ammi ngelei men kü mehe yühenshang ngei ha shuohhen.

JEREMIAH 33:3

Ngei kü nyüktuh hatü ngei nüng kü janghen hatü nüngi nenyingpü longpü hatü douja nüng kü ephahen.

JOHAN 15:7

Amphong ngei kü nyujema hatü ngelei shahthü am kü nyujema, ammi mehe na ha yütuh hatü ha am kü shuohhen.

MATHI 21:22

Hinglempai phopei ammi mehe yühen, ha ammi danghen” shei e.

MENVIH KESHO 34:17

Daülangpüthü mechem sheühpü naei lenhen, büpai ha dannyeih, hatü shanghah peü kübü jom yanglangnyeih.

JAKOB 4:3

Ammi yünyüke shejao nedangnyu; mehenangkü ammi dangpü yah-ei mongongmongle kü tükhen deihshi pungei yünyüke.

JOHAN 9:31

Kahvangi mangthülei shah nebangnyih shei jeni nying, shejao üpai büpa kü khüm, hatü büpai mongpü dükpüthülei shah bangnyeih.

EPHESIA 3:12

Büpa kü hinglempü homei jen mong longshi hatü monglemshi Kahvang touei peiaoknyeih.

JOHAN 16:24

Shaang thahshi ammi ngelei men kü meheyao mangyü. Ammei mongong changhühen shingvaishi ammi yütuh hatü ha danghen.

1 JOHAN 2:28

Shaang, maanpü hashihthü, büpa kü nyutuh, shejüang mechem büpa shakei vamhen, jen monglempü nyuhen, hatü büpa yiüshingkü jeni büpa touei veü nedanghen.

KANDOK 15:29

Nemeipüthü toueipü Shembüpa taishi lüdaiteke, shejao daülangpüthüi phoppü büpai dannyeih.

JAKOB 5:16

Hanangkü hüki hük shing phopteituh, shejüang am meihen. Daülangpüthüi phoppü kü ngan hatü wong kohshi nyüpeih.

MENVIH KESHO 69:33

Mehenangkü Shembüpai nehahneyingpüthüi phoppü dannyeih, hatü khoklatei küppü laophülei nanglak netuhphongnyih.

MENVIH KESHO 31:22

Ngei nyempai eteke, “Ngei nüng toueipü taishi changtükteke.” Shejao ngei kü sheühshih shei ngei lenshingkü nüngi ngei phepü dan.

HEBREW 10:35

Hanangkü am kü nyupü hapa ammei monglem teyakphong; hapai am kü laklei longpü koei peikahen.

HEBREW 3:14

Jen kü shongei nyupü monglem kü dohpü ngoishi wongshongi shongjema jen Khristalei phaihan leinyüke.

JOHAN 11:42

Nüngi düngei ngei kü bangnyeih shei ngei nying, shejao ngei hayü hatouei yaongpü khong men kü enyeih, shejüang nüngi ngei shompü khih shei jomi nyinghen” shei e.

JOB SHAHSHA APPÜ 34:28

shejao jom homei taopathü theppüyoungpü büpalei dhaongi danhü, hatü nehahneyingpüthüi lenpü büpai danhü.

HEBREW 3:6

Shejao Khristayü hapeü hük keiha Kahvangei shem am kü mong phenei shuohpeih, hatü jeni ha mong kü pongpü kü hatü jeni monglempü kü mong hah-ei wongshongi shümjema jenü büpalei shem.

1 ONGPATHÜ 3:12

nüngi mehe yiü, ha ngei nüng kü shuohhen. Ngei nüng kü kihikon hatü mang hi mei nyingaokpü kon shuohhen; shelei nüng kei üpayao nenyuhampeih; hatü nüng pheikao nüng kei üpayao nechongkahen.

MENVIH KESHO 145:19

Büpa kü nyempüthüi lümpü peü büpai jiühünyeih; jomi nyükpü büpai danei büpai jom yanglangnyeih.

KANDOK 10:24

Nemeipüthüi mepa kü nyemnya, hapaang jom kü peijahen, shejao daülangpüthü napeyü shuohhen.