1 JOHAN 5:10 - DAÜLANGPÜ LAIHING (BSI)

¹⁰ Üami Kahvang Ha kü hinglem jomei mongdangei denpü nyüpeih. Üpai Kahvang kü hingnelem, Kahvangi laophülei Ha nangkü denpü shuohpü kü hingnelempai büpa shahshem leitükteke.

1 JOHAN 5:10 Referans Kwoze

ROM SHAHSHA APPÜ 8:16

hapa Laanghai jenei laangha mü jenü Kahvangei hapeüthü shei denpü shuohnyüke,

GALATIA 4:6

Amphongü hapeüthü vaipü nangkü Kahvangi Chehalei Laangha jenei mongdangei shompeih, hatü hapa Laanghai, “Abba!” “Opa!” shei lennyüke.

JOHAN 3:33

Üami büpalei shah yah, Kahvangü shahhing shei denpü shuohnyüke.

JOHAN 5:38

hatü büpalei shah ammei mong kü netuh; mehenangkü büpai üpa shom, ha kü ammi hingnelem.”

HEBREW 3:12

Jeihinaü hatü nyahinaüthü, am üpaiyao mang hatü hingnelempü mongdang jüktü vanyangyem Kahvang toueipü lepei nedaihen kenhingtuh.

BHEI-IE 23:19

Büpai shahshem ehen mü, Kahvangü shennyak nevai, nevaijü büpa mong yeiyahen mü shennyak ha nevai. Büpai etüktü ha nedüknyu je? Büpai lahtüktü ha nejiühünyu je?

1 JOHAN 5:1

Üpai Jisu-ü Khrista shei hinglem, büpayü Kahvangi bühpü, hatü üpai nyühipa kü bam hapeü kao bamnyeih.

1 JOHAN 1:10

Jeni mang nethah-angpih shei ejema, jeni büpa shahshem leihünyüke, hatü büpalei shah jen kü nenyu.

MENVIH KESHO 25:14

Shembüpai büpa kü nyempüthü kü shahmong ngaiyei enyeih. Shembüpai laophülei vangpüshuwpü nyinghünyeih.

SHAKEI VAMPÜ 2:17

Üpa kü banghen dhaong nyu, Laanghai attoithü kü mehe enya, ha bangtuh. Üami vehok neünya, ngei jom kü joshi nyupü manna shuohhen, hatü ngei yaong shola hük hapa kü yahbüi nyingpü mü lenei üpaiyao nenyinghen mü men ja hük nyangtü shuohhen.

KOLOSI 3:3

mehenangkü am diteke, hatü ammei yangnyu-ü Khrista mü Kahvang kü joshi nyüke.

KANDOK 3:32

Mehenangkü nyongnyongi dükpü shennyak kü Shembüpai jiühitnyeih; shejao kangshangi nyupüthü kü büpai monghahnyeih.

SHAKEI VAMPÜ 12:17

Hahepak kü hapa Dragoni nyüha kü mongshih-ei Kahvangei shahkung bangpü hatü Jisulei denpü kü vaipü aopü lebü hapeüthü mü hoknüng dai.

SHAKEI VAMPÜ 2:28

Üpai vehok neünya, ngei büpa kü nepnüng litha shuohhen.

2 PETER 1:19

Hanangkü jen mü thihivamei shahthü longi lekei nyüpeih. Ammi ha kü meishi mong shuoh-ei dükaokhen; mehenangkü hapayü vangngai vamei nepnüng litha ammei mong kü mangkhang thahshi shangmang shing kü awdük nyapükei nyüke.

JOHAN 3:16

Mehenangkü Kahvangi kahdoknyü kü longi bampü nangkü büpai laophülei Halom shuoh; üami büpa kü hinglem nemahhen, shejao düngeipü yangnyuyem danghen.

ISAIAH 53:1

Hamei shahjang kü üpai hinglempa? hatü üpa kü Shembüpalei lak shakei vampa?

JOB SHAHSHA APPÜ 24:25

Hapayü hapakei nevaijema, üpai ngeiyü shahshem shei denpü shuoh-aokhen? hatü ngelei shah angkong leitükhen?

JEREMIAH 15:18

Mehekei ngei kü tüngpü nedohdainya, hatü ngelei ma nemeidainya? Nüngi ngei keyü yung jepdaipü shoha kei lueilemhen je?

JOHAN 3:18

Üpai büpa kü hinglemnya, nenyonghünyih; shejao üpai hingnelem, nyonghütükteke; mehenangkü hathüi Kahvang Halomei men kü hingnelem.

GALATIA 4:1

Ngei ehüpeyü ha hih: Mükjüp yahbüthü maanpü hashih vaipü thahshi mop kemei jomi yahhen vaijao aa mü meheyao hayaoha nevai,

PHONGSHANTHÜ DOU 8:37

Philipi, “Nüngei mong kempai hinglemjema nüng baptüknüng aokhen” shei e. Büpai jangei, “Jisu Khristayü Kahvang Ha shei ngei hinglemnyeih” shei e.