1 JOHAN 4:17 - DAÜLANGPÜ LAIHING (BSI)

¹⁷ Jen kü bampeyü hapakei changhüpeih: shahphenpü nyih jen monglonghen; mehenangkü büpa keiha jenao kahdoknyülei nyüke.

1 JOHAN 4:17 Referans Kwoze

1 JOHAN 4:12

Üpaiyao Kahvang ne-ee; jen hüki hük mü bamteijema Kahvang jen kü nyunyeih, hatü büpa bampai jen kü changeishaei leihünyeih.

1 JOHAN 2:28

Shaang, maanpü hashihthü, büpa kü nyutuh, shejüang mechem büpa shakei vamhen, jen monglempü nyuhen, hatü büpa yiüshingkü jeni büpa touei veü nedanghen.

1 JOHAN 3:3

Hapa monglem nyupüthü peüi büpa daülangi nyupükei laophü nyingi daülangi nyutuh.

1 JOHAN 2:5

shejao üami büpalei shah bangnya, hingmei hapa shennyak kü Kahvang bampü changpüshapü ngoiteke. Hapai jenü büpa kü nyüke shei leknyüke.

ROM SHAHSHA APPÜ 8:29

Mehenangkü üam büpai yeihshi mebü nyingei nyu, hathü shao büpai laophülei Halei deiaei anshi leihen jelangpeih; shejüang büpa shemong longpü kü hashongpa leihen.

JOHAN 15:20

“Aathüyü shembü mü longpü nevai” shei ngei am kü epü shah deih-ei dangtuh. Jomi ngei kü dangkao shüveijema, am kao shüveiphahen. Jomi ngelei shah bangjema, ammei shah-ao bangkahen.

1 JOHAN 3:1

Jenphong kü Kahvang hathü shei nyükhen mü Opai mekeipü bampü jen kü shuohpa veituh, hatü jenphongü hakei-üng vaitei. Kahdoknyüi jen nenyingpeyü jomi büpa nenyingpü nangkü nyüke.

2 PETER 3:7

Shejao hapa aihük shah-i shaangpü vangsho hatü kahdoknyü mahtükhen shahphenpü nyih mangngoi thahshi Kahvang nenyingpüthü aw kü jakhen tuh-ei nyüke.

2 PETER 2:9

shejema, Shembüpai mekei etü Kahvang nyingpüthü dokpü kübü yanglanghen nyingei nyüke, hatü shahphenpü nyih mangngoi thahshi nedaünelangpüthü hanghi kü tuhhen,

JAKOB 2:22

Büpalei dou mü vaipü dou chemi nyuteke, hatü vaipeyü dou homei changhüpeih shei eenyüke.

MATHI 12:36

Ngei am kü enyeih, shahphenpü nyih shennyak peüi laophüi etükpü nelishah peü kü shahnyok shuohhen;

MATHI 11:24

Shejao ngei am kü enyeih, shahphenpü nyih-ü am leimeyü Sodom kahdok kü-üng nyeinya phahji huhen.

MATHI 11:22

Shejao ngei am kü enyeih, shahphenpü nyih keyü am leimeyü Tyre hatü Sidon am kü-üng nyeinya phahji huhen.

MATHI 10:25

nanglom hüki nyuhbü kei nyuhen, hatü aa hük shembü kei nyuhen changpeih. Shemong kü shangjing hük kü Beelzebul shei nyükjema, aopü shem am keyü ha kao nemeipüba nyükphahen.

MATHI 10:15

Hingmei ngei am kü enyeih, shahphenpü nyih kü hapa ching nevaijü jila leimeyü Sodom hatü Gomorrah am kü-üng nyeinya phahji huhen.

JAKOB 2:13

Üpai phahji nehuhenshang shahphenpeyü phahji nehu-i nyuhen; phahji-i shahphenpü shak kü aokpü dangnyeih.

JOHAN 17:22

Nüngi ngei kü shuohpü müknyinshekhang ngei jomphong kü shuohtepih, shejüang ji hük vaipükei jomphongao hük leihen.

HEBREW 9:27

Shennyak hük mekei chem mon dihen demtük, hatü hapheikü shahphenpü nyüpa,

1 JOHAN 2:6

Üami, “Ngei büpa kü nyunyeih” shei enya, hathüyü büpai kampükei kamhen vongbong.

1 JOHAN 3:7

Maanpü hashihthü, üpaiyao am lemnyong kü temühü. Büpa daülangi nyupükei üpai jiüpü dük, büpa daülangpü nyüke.