1 JOHAN 3:7 - DAÜLANGPÜ LAIHING (BSI)

⁷ Maanpü hashihthü, üpaiyao am lemnyong kü temühü. Büpa daülangi nyupükei üpai jiüpü dük, büpa daülangpü nyüke.

1 JOHAN 3:7 Referans Kwoze

1 JOHAN 2:29

Ammi büpayü daülangpü shei nyingjema, mehe jiü ha dükpüthü peü büpa kübü bühpeih shei ammi nyingei nyüke.

ROM SHAHSHA APPÜ 2:13

Mehenangkü shahkungnyü danpüthü Kahvang touei daülangpü nevai, shejao shahkungnyü noteipüthü dahshakhen.

1 JOHAN 3:3

Hapa monglem nyupüthü peüi büpa daülangi nyupükei laophü nyingi daülangi nyutuh.

1 JOHAN 2:26

Ngei hayü am lemnyongei mülanghen khepüthü nangkü nyangnyeih.

1 JOHAN 2:1

Ngelei maanpü hashihthü, ammi mang nethahhen shingvaishi ngei hathü dou jung am kü nyangnyeih. Shejao hanei ami mang thahjema Pa mü daülangpü Jisu Khrista jenei sheühbü nyüpeih;

MENVIH KESHO 45:7

Nüngi daülangshemshepü kü bamnyüke, hatü mang kü jiühitnyüke. Hanangkü Kahvang, nüngei Kahvangi küphüthü shak kü mongongpü mainga nyioei nüng thiteiphuei jepeih.

PHONGSHANTHÜ DOU 10:35

shejao jat peülei üpai büpa kü nyem hatü mehe jiüpü dük, hayü büpai yahaokbenüng khih.

EPHESIA 5:9

mehenangkü vangngai betjükü meipü, jiüpü hatü shahhing peü kü dangnyeih.

MENVIH KESHO 106:3

Üami shahhing dou dük, hatü daülangshemshepü hepak peü kü dük, jom moihiman.

1 PETER 2:24

Mang kübü bümei leiyei jen daülangi nyuhen shingvaishi büpai shophang shangei laophülei büm kü jenei mang koteke; büpa mashapü homei jen meiteke.

1 KORINT 6:9

Ten dükpüthü Kahvang ongching nedangaokpih shei ammi nenyingpü je? Am telutelemhah! Iyjeiphailei, lajei khümpü, mükbongjuyung, baha büm yupüthü, bahai baha mü, nyühai nyüha mü mükbongjuyungpü,

LUK SHAHSHA APPÜ 1:75

hatü nyempü neshiüi daülangpü, hatü daülangshemshepü kü hamei nyihthü kemei büpa chongpho-aokhen.

JAKOB 2:19

Kahvangü hük mon shei nüngi hinglemnyüke, meiteke. Shepethüi dangkao hapakei hinglemnyeih, hatü nyemei kheünyeih.

PHILIPPI 1:11

hatü Kahvang müknyinshekhang hatü menvih shingvaishi Jisu Khrista homei peipü daülangshemshepü betjük maei nyuhen shingvaishi nyüke.

MATHI 5:20

Mehenangkü ngei am kü enyeih, am vaipü shahkung nyuhbüthü hatü Pharisee am mü nyeishi manglei thahshi amphong vangsho ongchingei neshüaokpih.

JAKOB 1:22

Shejao amphongü dan mon dantü laophü nyingi luhahpü am nevai, shejao shah-i dou leiyei dükpü am leituh.

HEBREW 7:2

hatü Abrahami büpa kü lemphü kübü ankhong shuoh. Shongpü kü büpalei menü, “daülangshemshepü ongpa,” nyipabü kü büpayü Salem amei ongpa, ha lappai, “chingmei ongpa” nyuteke.

HEBREW 1:8

Shejao Hapeü nang büpai ha epeih, “Nüngei ong uoshing, Oh Kahvang, den den kü nyüke, hatü daülangpü lenshuoh-ü nüngei ongchingei lenshuoh.

EPHESIA 5:6

Amphong üpa kao angsha shah-i telutelemhah; mehenangkü hathü douthü nangkü ven nedanpüthü touei Kahvang mongshihpü peinyüpeih.

1 JOHAN 3:18

Maanpü hashihthü, jeni shah-i nevaijü epai mon nebamshah, shejao shahhing kü hatü doui bamteishah.

1 JOHAN 4:17

Jen kü bampeyü hapakei changhüpeih: shahphenpü nyih jen monglonghen; mehenangkü büpa keiha jenao kahdoknyülei nyüke.