1 JOHAN 3:24 - DAÜLANGPÜ LAIHING (BSI)

²⁴ Büpalei shahkungnyü bangpü peü büpa kü nyüke, hatü büpa jom kü nyunyeih, hatü büpai jen kü shuohpü Laangha homei büpa jen kü nyunyeih shei hapai jeni nyingnyüke.

1 JOHAN 3:24 Referans Kwoze

1 KORINT 3:16

Amphongü Kahvangei phopshem, hatü Kahvang Laangha amphong kü nyunyeih shei nenyingnyu je?

2 TIMOTI 1:14

Jen kü nyupü Laangha Daülangpai sheühpai nüng kü nangei tuhpü doumei yomtuh.

1 JOHAN 2:6

Üami, “Ngei büpa kü nyunyeih” shei enya, hathüyü büpai kampükei kamhen vongbong.

1 KORINT 6:19

Nevaijü nüngei bümü Kahvang leipü dangpü nüng kü nyupü Laangha Daülangpülei phopshem, hatü nüngei bümü nüng lompü nevai shei nenyingnyu je?

1 JOHAN 4:7

Bampü küphüthü, jen hüki hük mü bamteishah; mehenangkü bampeyü Kahvang leipü nyüke; hatü üpai bamnya, büpayü Kahvangi bühpü hatü Kahvang nyingnyüke.

JOHAN 17:21

shejüang jom peü hük vaihen. Opa, nüng ngei kü hatü ngei nüng kü nyupükei jomphongao ji kü nyuhen, shejüang nüngi ngei shompü khih shei kahdoknyüi hinglemhen.

1 JOHAN 3:22

hatü jeni mehe yü, jeni büpa leipü dangnyeih; mehenangkü jeni büpalei shahkungthü bangnyeih hatü büpai monghahbenüng düknyeih.

2 KORINT 6:16

Kahvang phopshem mü lajei melei shepshaihen? Mehenangkü jenphongü vanyangyem Kahvangei phopshem; Kahvangi ha eteke: “Ngei jom kü nyuhen hatü jom mü kamhen; ngei jomei Kahvang vaihen, hatü jomphongü ngelei nanglak vaihen.

JOHAN 10:38

Shejao ngei hathü dükjema, ammi ngei kü hingnelemjao dou kü hinglemtuh, shejüang Pa ngei kü nyüke, hatü ngei Pa kü nyüke shei ammi nyinghen hatü danaokhen” shei e.

JOHAN 14:17

Hapayü shahhing Laangha. Kahdoknyüi büpa neyah-aok; mehenangkü kahdoknyüi büpa ne-eeaok nevaijü nenyingaok. Shejao ammi büpa nying; mehenangkü büpa am mü nyüke, hatü am kü nyukahen.

1 THESALONIKA 4:8

Hanangkü üpai hapa nyuhpüvenpü yaktüknya büpai shennyak nevai, shejao büpai Laangha Daülangpü shuohpü Kahvang yaktüknyeih.

1 JOHAN 2:3

Shaang jeni büpalei shahkungnyü bangjema, hapai jeni büpa nyingnyeih shei lekhen.

1 JOHAN 2:5

shejao üami büpalei shah bangnya, hingmei hapa shennyak kü Kahvang bampü changpüshapü ngoiteke. Hapai jenü büpa kü nyüke shei leknyüke.

1 JOHAN 2:24

Chongpangpülei ammi mehe dan, ha am kü nyuhütuh. Chongpangpülei ammi mehe dan, ha am kü nyujema, ammi Ha hatü Pa nyiphen kü nyuhen.