1 JOHAN 3:22 - DAÜLANGPÜ LAIHING (BSI)

²² hatü jeni mehe yü, jeni büpa leipü dangnyeih; mehenangkü jeni büpalei shahkungthü bangnyeih hatü büpai monghahbenüng düknyeih.

1 JOHAN 3:22 Referans Kwoze

JOHAN 15:7

Amphong ngei kü nyujema hatü ngelei shahthü am kü nyujema, ammi mehe na ha yütuh hatü ha am kü shuohhen.

JOHAN 9:31

Kahvangi mangthülei shah nebangnyih shei jeni nying, shejao üpai büpa kü khüm, hatü büpai mongpü dükpüthülei shah bangnyeih.

MATHI 21:22

Hinglempai phopei ammi mehe yühen, ha ammi danghen” shei e.

1 JOHAN 5:14

Büpai mongpü aimü jeni lemhük dangkao yüjema büpai jeni epü dannyeih shei jeni büpa kü monglempü nyüpeih.

MARK 11:24

Hanangkü ngei am kü enyeih, mehe shingvaishi ammi phopei yühen, ha dangtepih shei hinglemtuh, hatü ha ammei vaihen.

JOHAN 14:13

Ha kü Pa müknyinshekhanghen shingvaishi ammi ngelei men kü mehe yühenshang ngei ha shuohhen.

KANDOK 15:29

Nemeipüthü toueipü Shembüpa taishi lüdaiteke, shejao daülangpüthüi phoppü büpai dannyeih.

MENVIH KESHO 34:4

Ngei Shembüpa yem, hatü büpai ngei kü jangpeih, hatü ngei nyempü kübü yangpeih.

JAKOB 1:5

Am hanei kihikon kü taojema peü kü bhashahshi hatü nekaungi shuohpü Kahvang kü yütuh, hatü ha am kü yahphahen.

JOHAN 8:29

Üpai ngei shom, büpa ngei mü nyüpeih; büpai ngei mon netuhphongnyih; mehenangkü ngei düngei büpai mehe kü mong hah, ha düknyüpeih” shei e.

KOLOSI 1:10

Shejüang Shembüpa touei changpü yangnyu nyuei lem peü kü büpa mong hahhühen, doumei peü kü betjük jükei Kahvang nyingpü kü longhen nangkü hami phopnyeih.

JEREMIAH 33:3

Ngei kü nyüktuh hatü ngei nüng kü janghen hatü nüngi nenyingpü longpü hatü douja nüng kü ephahen.

JAKOB 5:16

Hanangkü hüki hük shing phopteituh, shejüang am meihen. Daülangpüthüi phoppü kü ngan hatü wong kohshi nyüpeih.

MENVIH KESHO 50:15

Shanghahpü nyih ngei kü nyüktuh; ngei nüng yanghen, hatü nüngi ngei müknyinshekhanghen.

HEBREW 13:21

büpai am mei lemphü kü büpai mongpü dükhen changhüshahühen, shejüang Jisu Khrista homei büpai mong hahbenüng büpai jen homei dükhen, büpa kü den den kü müknyinshekhang vaituh. Amen.

JOHAN 6:29

Jisui jomphong kü, “Büpai shompü üpa nyüpa, büpa kü hinglemtuh; hapayü Kahvangei dou hih” shei e.

PHILIPPI 4:18

Ngei kü changshi yahphütih, hatü changtü aoei nyüpeih; ngei kü changshi shuohteke, hatü ammi shompü thintho Epaphroditus leipü dangtepih. Hathüyü vong meipü moila Kahvang mongongbenüng jakpü moila khih.

PHONGSHANTHÜ DOU 17:30

Peihdaipü hepak kü hapakei nenyingpeyü Kahvangi hei-üng tuhphongpeih, shejao shaang büpai shing peü leipü hangkuthü kü mong lephen shahkung shuohnyüke.

JOHAN 15:10

Ammi ngelei shahkungthü bangjema, ngei Opalei shahkungthü bangei büpa bampü kü nyupükei amphongao ngei bampü kü nyuhen.

MATHI 17:5

Büpa shah eyei nyushingkü phum shola peiyei dhüm, hatü phum leipü ngeü hük vamei, “Hapayü ngei bampü Ha, ngei büpa kü mong hahnyeih; büpai epü bangtuh!” shei e.

ISAIAH 1:15

Mechem ammi lak haongei phophenshang ngei am toueipü ngelei dhe jolanghen; Ngei am phoppü kü nebanghen; ammei lak iy mon maei nyüke.

KANDOK 28:9

Üpai shahkungnyü kü dhaong neshaangnya, büpai phoppeyü jiühitbenüng.

MENVIH KESHO 10:17

Oh Shembüpa, nüngi maanpü leipüthüi phoppü dannyeih; nüngi jomei mong wong kohhühen, nüngi jomi lenpü kü bangtuh,

PHONGSHANTHÜ DOU 20:21

Ngei Jehoda hatü Greek am nyiphen kü Kahvang touei mong lephen hatü Shembüpa Jisu kü hinglemhen ngei denpü shuohteke.

JOB SHAHSHA APPÜ 22:26

Jeiyong Kahvang touei nüng mongong danghen, hatü büpa touei nüngei dhe ngangei veiaokhen.

JAKOB 4:3

Ammi yünyüke shejao nedangnyu; mehenangkü ammi dangpü yah-ei mongongmongle kü tükhen deihshi pungei yünyüke.

1 JOHAN 2:3

Shaang jeni büpalei shahkungnyü bangjema, hapai jeni büpa nyingnyeih shei lekhen.