1 JOHAN 3:20 - DAÜLANGPÜ LAIHING (BSI)

²⁰ Mechem jenei mongi jen nyonghühen, jen Kahvang touei monglongpü nyüke hatü büpai peü nyingei nyüke.

1 JOHAN 3:20 Referans Kwoze

JEREMIAH 17:10

Shennyak hük kü büpai dükpü aimü, hatü büpalei doui shangpükei laklei shuohhen shingvaishi, Ngei, Shembüpai mongdang yemnyüpeih, hatü sholi doknyüpeih.

HEBREW 4:13

Hatü büpa touei lingpü dou mepayao joei neshiü, shejao büpalei mük touei lemphü bümbai hatü heeyei yeemshi nyüke, hatü jeni dükpü peü büpa kü ehen.

1 KORINT 4:4

Ngei khüei ngei nyingi meheyao nyingei neshiü, shejao hapai shei ngei mang neshiü shei ne-eaokpih. Ngei kü shahphenpeyü Shembüpa hih.

1 JOHAN 4:4

Maanpü hashihthü, amphongü Kahvang leipü nyüke hatü ammi hathü neüteke; mehenangkü üpa am kü nyu, büpayü kahdoknyülei nyupüba mao longpüba.

JEREMIAH 23:24

Ngei ne-eeaokhen mü hanei joaokhen je? shei Shembüpai enyüke. Ngei vangsho hatü kahdoknyü maei nenyupü je? shei Shembüpai enyüke.

JOB SHAHSHA APPÜ 33:12

Shejao hapa kü nüng nejiü; ngei nüng kü ephüshah: Kahvangü hangku mü longpüba.

JOHAN 21:17

Büpai jempabü büpa kü, “Johanei ha Simeon, nüngi ngei kü bamnyüla?” shei e. “Nüngi ngei kü bamnyüla?” shei büpai büpa kü jempa thahshi eshuohpü nangkü Peter mong yimei deih. Büpai büpa kü, “Shembüpa, nüngi lemphü nyingei nyüke; ngei nüng kü bamnyeih shei nüngi nyingei nyüke” shei e. Jisui büpa kü, “Ngelei mithü haümtuh” shei e.

SHAKEI VAMPÜ 2:23

hatü ngei jomei hapeüthü bheitü jütükhen. Shejüang attoithü peüi ngeiyü chudeih mongdang yempüba shei nyinghen, hatü ngei am peü kü ammei doui shangpükei shuohhen.

MENVIH KESHO 90:8

Hami pungpü nüng touei haüshi nyüke, hamei jopü mang nüngei müknyinshekhang vangngai touei ngaiteke.

TITUS 3:11

Hapa keipü shennyakü tendaipü hatü mang, laophü nyingi nyonghahnyeih shei nüngi nyingei nyüke.

JOB SHAHSHA APPÜ 27:6

Ngei daülangshemshepü kü wongshongi shounghen, hatü ha yanei nedeishihhen; ngei yemmü nyupü thahshi ngelei mongi ngei nevüshihhen.

JOHAN 8:9

Mechem jomi ha danpa, behethü mü pangtü hükchem hükchem lüdaikem; Jisu monha hapa nyüha mü yaongshi tuhphong.

HEBREW 6:13

Mechem Kahvangi Abraham mü lahpü hük lingpa, büpai lahhen mü büpa dok kü longpü üpayao neshiüpü nangkü büpai laophü nyingi,

PHONGSHANTHÜ DOU 5:33

Mechem jomi ha danpa, jom mongshih hatü hathü jütükhüei deih.

ROM SHAHSHA APPÜ 8:34

Üpa nyonghühen? Üpa di, hih, yangei lei, üpa Kahvangei lakdah philei uotü jen shing phopnya, hapayü Khrista Jisu khih.

1 JOHAN 3:19

Hapa homei jenü shahhing kübü shei jeni nyinghen hatü büpa touei jen monglemhen.

1 JOHAN 3:21

Bampüthü, jenei mongi jen nenyonghüjema, jen Kahvang touei monglongpü nyüke.