9 Üami laophülei jeihinaü hatü nyahinaüthü kü jiühityaki, “Ngei vangngai kü nyüpeih” shei ehenshang, shaangao vangnyak kü nyüke.
Üami, “Ngei Kahvang kü bamnyeih” shei etü laophülei jeihinaü hatü nyahinaüthü kü jiühitnya, hathüyü shahshem; mehenangkü jomi eepü jeihinaü hatü nyahinaüthü kü nebamjema, jomi ne-eepü Kahvang kü bamnüng neaok.
Shejao üami jeihinaü hük kü jiühithen vangnyak kü nyüke, vangnyak kü kamnyüke, hatü daihen lem nenyingi nyüke; mehenangkü vangnyaki büpalei mük phüngtükteke.
Jom kü nyingpühingpü nevaijü danaokpü neshiü, jom vangnyak kü kamteinyüke; kahdoknyü chongnyiam peü jennyüke.
Shejao üpai hathü taoei nyu, büpayü lekei ne-eepü hatü mükphüngpa, hatü peihdaipü mangthü daütükpü betükpü shennyak.
Üami, “Ngei büpa nyingnyeih” shei etü büpalei shahkungnyü nebangnya, büpayü shahshem, hatü henüng shennyak kü shahhing nenyu;
Jen vangnyak kü kamyaki jen büpa mü mongjemnyeih shei ejema jeni shahshem enyüke, hatü mehe shahhing ha nedüknyu;
Jisui jomphong kü, “Am mükphüngpü am vailangmeyü am mang nethahhen vaipeih. Shejao shaang ammi, ‘Hami eenyeih’ shei epü nangkü ammei mang nedoh-i nyüke” shei e.
Ammei jeihinaü üpa kao mongei jiühitei tedeih; nüngi chingyowpai pungpü kü neomhahen shingvaishi ngaihe-i loheishuoh.
Shejao Absalomi Amnon kü tenao ne-e, meiyao ne-e; mehenangkü chenaü Tamar kü douten dükpü nangkü Absalomi Amnon kü longi jiühit.
Hathü nyih kü vaipü jeihinaüthü touei Peter yaongei, (ha khong kü shennyak kho hük mü kukha hükshing nyu),
Üpa Kahvangei ha, üpa kahshihlei ha hapakei jeni nyingdainyeih: Üpai jiüpü nedük nevaijü laophülei jeihinaü hatü nyahinaüthü kü nebam, büpayü Kahvangei ha nevai.