1 JOHAN 2:17 - DAÜLANGPÜ LAIHING (BSI)

¹⁷ Kahdoknyü hatü hapai yahhahhüpü peihdainyüke, shejao Kahvangi mongpü dükpüthü den kü nyunyeih.

1 JOHAN 2:17 Referans Kwoze

MATHI 24:35

Vangsho hatü kahdok peihdaihen, shejao ngelei shah nepeihdaihen.

ROM SHAHSHA APPÜ 12:2

Ammi hapa kahdoknyü kü tevukdai shejao ammei mong ja leipai jeilei yeiyatuh, shejüang Kahvangi mehe mong, mehe mei, mehe yah-aokbenüng hatü changpüshapü nyüpa, ha baong hanei nyingaokhen.

1 KORINT 7:31

hatü üami kahdoknyü douthü noteinya, jomi ha deihshi mon nenyupükei nyutuh. Mehenangkü shaangpü hapa kahdoknyü-ü peihdainyüke.

1 PETER 4:2

Shaang mü leitü ammei aopü kahdoknyü yangnyu-ü hangkui lümpü kü nevai, shejao Kahvangi mongpü kü nyutuh.

HEBREW 10:36

Mehenangkü ammi nenteiaokpü nadang; shejüang mechem ammi Kahvangi mongpü dükhen, mehe lah, ha ammi danghen.

MARK 3:35

Üami Opai mongpü düknya, hathüyü ngelei jeihinaü, nyahinaü hatü nyü hih” shei e.

1 PETER 1:5

hayü dohpü hepak kü hinglempü homei Kahvangei ngani yangpüthü touei shakei vamhen temtükpü yemleipü nyüke.

1 THESALONIKA 4:3

Am daüeilangei nyuhenü Kahvangi mongpü nyüke: am iyjeiphailei kübü yanei;

JOHAN 4:14

shejao üami ngei shuohpü yung yinghenshang mechemao yung nelehen. Ngei shuohpü yungü jom kü yunglok leiyei vanyangyem touei bhaoei vamhen” shei e.

MENVIH KESHO 143:10

Nüngi mongpü dükhen nyuhshih; mehenangkü nüngü ngelei Kahvang. Nüngei laangha meipai ngei lemmei kü mülangtuh.

MATHI 7:21

Ngei kü, “Shembüpa, Shembüpa” shei nyükpü peüi vangsho chingei neshüaokpih, shejao vangsholei nyupü Opai mongpü dükpü shennyak mon shüaokhen.

JAKOB 4:14

Shejao ngenyih mehe koei peikahen nyingei neshiü. Yangnyu-ü meheang? Mehenangkü amphongü kansho hük mon eetü mahdaipü ngü khih.

JOHAN 6:58

Vangsho leipü yiüpü hahyingü ambü ampai hahtü dipü keipü hahying nevai. Shejao üpai hapa hahying hahhen den den kü yemmü nyuhen” shei eteke.

MATHI 21:31

Henyi aa kü üpai chepai mongpü dükpa? Jomphongi, “Hashongpai” shei e. Jisui jomphong kü, “Hingmei ngei am kü enyeih, lat thaipüthü hatü büm yupüthü am shekü vangsho ongchingei shüdainyüke.

1 THESALONIKA 5:18

hepak vangpan peü kü menvih shuohtuh; mehenangkü hayü am shingvaishi Khrista Jisu kü Kahvangi mongpü nyüke.

KOLOSI 4:12

Amphong khong kübü Jisu Khrista chongphopü Epaphras-i selamja. Am behe leiyei Kahvangi mongpü lemphü meishi mongkü ponghen shingvaishi am nangkü büpai düngei phopnyanyüke.

KANDOK 10:25

Mechem yinglükleisho peihen, nemeipüthü maolanghen, shejao daülangpüthü chongkhenei nyuhen.

KOLOSI 1:9

Ha vaipü nangkü hami ha danpü nyih kübü hami am shingvaishi laangha kihikon hatü nyingpühingpü peü kü Kahvangi mongpü nyingpühingpai am mahen nangkü yüei phoppü nedohnyih.

JOHAN 7:17

Üpai Kahvangi mongpü dükhen shei mongei nyu, büpai hapayü Kahvang leipü hi ngei nyingkü deihtü ehahnya nyinghen hih.

MENVIH KESHO 90:9

Mehenangkü hamei nyihthü peü mongshih phangkü nyuei peihdainyüke, youngpai hamei bongthü kemdainyüke.

MENVIH KESHO 39:6

Hingmei peüha vangdhüm laang keiha longteinyüke; meheyao nevaihen kü shangpongei nyunyüke; Jomi thaiyei shüngnyüke, shejao ha üpai yahlanghennenyingnyu.

MENVIH KESHO 102:26

Hathü mahdaihen, shejao nüng den kü nyuhen; hathü peü ashak chang kei leidaihen. Nüngi hathüyü owhiai kei jeiteihünyeih, hatü hathü peihdainyeih.