1 JOHAN 2:16 - DAÜLANGPÜ LAIHING (BSI)

¹⁶ mehenangkü kahdoknyülei nyupü lemphü– phai-i yahhüpü, mük kü meipü, mophimo kü changmeipü hathüyü Pa leipü nevai, shejao kahdoknyü leipü peinyeih.

1 JOHAN 2:16 Referans Kwoze

ROM SHAHSHA APPÜ 13:14

Ha nang jeipü Shembüpa Jisu Khrista owtuh; phai-i yahhüpü hüshemhühen phai kü shing teshuoh.

GALATIA 5:17

Mehenangkü mehe phai-i yahhü, ha Laangha khüei, hatü mehe Laanghai yahhü, ha phai khüei nyüpeih; mehenangkü ammi napü nedükhühen jiji hüki hük mü khüteinyeih.

KAHBHAO 3:6

Mechem hapa nyühai hapa pü kübü betjükü hahhen meihen khih, veihenao meiangke hatü kihikon danghenao lümshi khih shei veiaokpa, pinnyüi maani yah-ei ha hah. Shao pinnyüi pinnyü mü nyupü chepaha kao hanei shuoh, hatü büpai ha hah.

KANDOK 27:20

Dipü hatü mahpü am nyupü yimching mechemao nemanyih; hapakei shennyakei müki mükmong nemanyih.

EPHESIA 2:3

Chem jen peüi phai-i mongpü aimü jom mü nyuei, phai hatü mongi vaüpü phei müei nyu, hatü jenphongü nyingnyoi kü-üng Kahvang mongshih ponghahhen hapeüthü nyuteke.

JAKOB 3:15

Hapa keipü kihikonü shangphi leipü nepeinyih, shejao hayü kahdoknyülei, laangha neshiüpü hatü shepelei nyüke.

1 PETER 2:11

Bampü küphüthü, kahdoknyü kü yenpa hük keiha ngei am kü enyeih, laangha khüei hokpü phai-i yahhüpü peü kübü yanei nyutuh.

2 PETER 2:10

anyei vaishi üami laophülei phai iyjeiphailei mang kü mü, hatü Kahvang ngan yaktük hathü shingvaishi nyuhen. Jomphong mahmong longei changmeinyüke, hatü jomi müknyinshekhangpü vangsho shanthü kao yaüeilunghen nenyemnyu.

JOSHUA 7:21

Jeni yahpü douthü khongkü ngei Babylon amei bhagthuh meipü hük, ngin dok nyi hükshing, hatü hon dokbhao shei ahshi-üng mükhühshi eepü nangkü ngei hathü yahpeih. Hathüyü hamei ashakshemei kahdok shotü ngin peü mü phangei shihtü dungshi shepeih” shei Akhani e.

TITUS 2:12

Hapai jen kü Kahvang nenyingpü yangnyu, kahdoknyü lümpü vaüpü kübü yanhen nyuhnyüke, hatü shaangpü den kü ungei-aeipü yangnyu, kangshangpü hatü Kahvang nyingpü yangnyu nyuei,

MENVIH KESHO 78:18

Jomi lümpü hahying yüei jomi jomei mongdangei Kahvang kü dokteke.

2 PETER 2:18

Mehenangkü jomi changmeipü hatü ngashah enyüke, hatü phai yahhahhüpü jiühitnalai homei pungei nyupü khong kübü yangei daijapü shennyakthü yawh-ei yahnyüke.

1 PETER 1:14

Ven danpü hashihthü keiha nenyingi shelei am kü nyupü ten yahhahhüpü kü tevukdai.

TITUS 3:3

Mehenangkü jenao chemü ngapa, ven nedanpü, lawlüppü hatü yahhahhüpü hatü mongongmongle lemphülei aa vaishi nyuhampeih. Jenao ten dükpü, mükhakpü, jen kao jiühithahpü hatü jeni mih kü jiühitpü kü yangnyu nyuhampeih.

MATHI 5:28

Shejao ngei am kü enyeih, üpai nyüha hük kü vaüei veihenshang, büpai pinnyü mü mongdangei mükbongjuyung dükteke.

MENVIH KESHO 73:6

Hanangkü changmeipeyü jomei chühiyük, hatü dehilao-ü owhiai kei ownyüke.

JOB SHAHSHA APPÜ 31:1

Nela hük kü ten deihshi vaüei neveihen ngei ngelei mük mü vangteitüktih.

LUK SHAHSHA APPÜ 4:5

Hapheikü kahshih-i büpa müei an, hatü büpa kü kahdoknyü ongchingthü peü hutü,

GALATIA 5:24

Üamphong Khrista Jisulei lompü vainya, phai-i lümpü hatü yahhüpü peü shophang kü aptükteke.

BHEI-IE 11:4

Jom mü chemi daipü kung shennyakthüi mih-ei hetmei hahteipü vaüei deih, hatü Israel am dangkao eelahen chongpang, hatü “Phai dangkao hahhen danglangmeyü meihen khih.

MATHI 4:8

Shao Kahshih-i büpa kahshang shaopü hükei müei antü kahdoknyü kübü müknyinshekhangpü ongchingthü peü huteke,

MENVIH KESHO 78:30

Shejao lümpü heti hüshem shekü jomei julei hah-ei nyushi;

BHEI-IE 11:34

Hanangkü hapa shing kü Kibroth-Hattaavah shei nyüknyüke; mehenangkü hatouei jomi hahnempüthü dipü mahng vüteke.

KANDOK 6:25

Pinnyü nela meipü kü nüngei mongi tevaü, nevaijü pinnyülei mükvang nakungi nüng tengantükhü.

1 KORINT 10:6

Shaang hathüyü jomi kei jeni ten nelümhen shingvaishi jen shing lappü vaishi vampeih.

KAHBHAO 6:2

Kahvang hathüi hangkuli yiükha nela meipü ee, hatü jomi jepüthü mü shem yem.

DANIEL 4:30

büpai ehahteke, “Veituh, ngei müknyinshekhanghen shingvaishi ngelei wongi lingpü nyangnyangtoptoppü ong chingnyü meshük longpüang?”

JAKOB 4:16

Hapakei am changmeiyei awdanyüke; hapakei awdapü peü mang nyüke.