1 JOHAN 2:14 - DAÜLANGPÜ LAIHING (BSI)

¹⁴ Hashihthü, ngei am kü nyangnyeih, mehenangkü ammi Pa nyingnyüke. Pathü, ngei am kü nyangnyeih, mehenangkü chongpangpülei nyupü büpa ammi nyingnyüke. Thehilathü, ngei am kü nyangnyeih, mehenangkü am wong kohshi, hatü Kahvang shah am kü nyüke, hatü ammi ten neütükteke.

1 JOHAN 2:14 Referans Kwoze

MENVIH KESHO 119:11

Ngei nüng khüei mang nethahhen shingvaishi nüngei shah ngelei mong kü jaoei tuhnyeih.

1 JOHAN 2:13

Pathü, ngei am kü nyangnyeih, mehenangkü chongpangpülei nyupü büpa ammi nyingnyüke. Thehilathü, ngei am kü nyangnyeih, mehenangkü ammi ten neüteke.

KOLOSI 3:16

Mop keiha Khristalei shah ammei mongkü maei tuhtuh; kihikon kempü kü hüki hük kü nyuhteituh, hatü nangthongteituh, hatü ammei mongei mongongpai Kahvang kü menvih kesho, khümpü kesho, hatü laangha kesho lokeishuoh.

JOHAN 15:7

Amphong ngei kü nyujema hatü ngelei shahthü am kü nyujema, ammi mehe na ha yütuh hatü ha am kü shuohhen.

EPHESIA 6:10

Shompülei, Shembüpa kü hatü büpalei ngan kü wong kohtuh.

JOHAN 8:31

Hahepak kü Jisui Jehoda am büpa kü hinglempüthü kü, “Ammi ngelei shah bangjema, am hingshangpü ngelei nanglomthü;

JOHAN 5:38

hatü büpalei shah ammei mong kü netuh; mehenangkü büpai üpa shom, ha kü ammi hingnelem.”

SHAKEI VAMPÜ 2:7

Üpa kü danhen dhaong nyu, Laanghai attoithü kü mehe enya ha bangtuh. Vehok neüpü peü kü Kahvangei Paradise leipü yangnyuyem pü kübü hahhen ngei shuohhen.”

3 JOHAN 1:3

Jeihinaüthü hanei ngoiyei nüngi shahhing kü hinglempü hatü ha kü nedoh-i kampü jung denpü shuohpü danei ngei ahshi-üng mongongpeih.

2 JOHAN 1:2

mehenangkü hapa shahhing ham kü nyüke, hatü düngei ham kü nyuhen.

HEBREW 8:10

Hathü nyih pheikü ngei Israel am phang mü hapa vangpüshuwpü linghen shei Shembüpai enyüke: Ngei ngelei shahkungnyü jomei sholi kü shihshuohhen, hatü jomei mongdang kü nyanghen, ngei jomei Kahvang vaihen, hatü jomphongü ngelei nanglak vaihen.

KOLOSI 1:11

Amphong büpalei müknyinshekhang ngan kübü peipü wongi am wong kohhühen, hatü nenteiaokpai ammi lemphü munenhen temhen, hatü mongongpai,

2 TIMOTI 2:1

Nüng, ngelei hapeü, Jisu Khrista kü nyupü phahji kü wong kohtuh;

PHILIPPI 4:13

Ngei wong kohhüpüba homei ngei dou peü dükaokhen.

SHAKEI VAMPÜ 2:3

Am munenpü hatü ngelei men kü tok vaipü ngei nyingnyüpeih, hatü am nenyiunenang.

1 JOHAN 1:10

Jeni mang nethah-angpih shei ejema, jeni büpa shahshem leihünyüke, hatü büpalei shah jen kü nenyu.

JOHAN 8:37

Amphongü Abrahamei hühihathü shei ngei nyingnyüke, shejao ammi ngei jühen lem yemnyüke; mehenangkü am kü ngelei shah nyuishing neshiü.

1 JOHAN 1:1

Yangnyu shah nang mehe chongpangpülei nyu, mehe hami dan, mehe hamei müki ee, mehe kü hami vei, hatü mehe kü hamei laki dük, ha jung hami am kü baongnyeih.